Новости за 12.09.2018

Косовскиот претседател Хашим Тачи денеска ќе престојува во работна посета на Македонија и ќе има средба со премиерот Зоран Заев, соопшти владината прес-служба. Средбата е закажана за претпладне, по што ќе следува и билатерална средба на делегациите на двете земји, соопштија од Владата.

Русија ги започна најголемите воени игри од падот на Советскиот Сојуз во близина на границата со Кина. Во покажувањето сила која вклучува и заеднички вежби со кинеската армија Русија мобилизира 300.000 војници.

Лидерот на ВМРО ДПМНЕ Христијан Мицкоски повтори синоќа дека оваа партија не го прифаќа Договорот од Преспа, но оти смета дека секој граѓанин на претстојниот референдум треба да постапи по сопствено убедување. По неколкучасовниот состанок на Централниот и Извршниот комитет за ставот на најголемата опозициска партија спрема референдумот Мицкоски на прес конференција, меѓу другото, рече: „Македонија ни е се, нема за тоа да решаваат партиите. За националното прашање ќе решава нацијата, а сите ќе се поклониме пред одлуката“. Читать дальше...

Американскиот секретар за одбрана Џејмс Матис најави дека претстојниот викенд ќе ја посети Македонија за „многу јасно“ да ги истакне американските ставови против руската агресија. „Ќе одам да ги посетам нашите македонски пријатели на многу кусо патување и јасно ќе дадам до знаење дека сме со македонскиот народ“, рече Матис во Пентагон, наведувајќи дека е загрижен оти Русија би можела да се обиде да се вмеша во Македонија исто како во Црна Гора пред влезот во НАТО лани. Црна Гора ја обвини Русија... Читать дальше...

Во Македонија ќе биде сончево со мала до умерена облачност и со засилен северен ветер. Дневната температура ќе биде од 19 до 30 степени. Во Скопје и околината слично време со температура до 27 степени.