Новости за 15.09.2018

Српскиот претседател Александар Вучиќ денеска изјави дека нема да прифати договор за Косово, без сеопфатен пакет за Србија. Тој порача дека не е оптимист во врска со договорот, но дека ќе стори се за тој да биде постигнат. Осврнувајќи се на медиумските тврдења дека барал гаранции за членството на Србија во ЕУ во 2025 година, доколку потпише договор со Приштина, Вучиќ нагласи дека тоа „и порано, речиси 100 пати“, и го кажал на меѓународната заедница. „Но, ако некој мисли дека е можен договор без сеопфатен пакет... Читать дальше...

Членот на ИК на ВМРО-ДПМНЕ, Димитар Димовски денеска на прес-конференција изјави дека партијата ќе поднесе кривична пријава против премиерот Зоран Заев за поткуп на гласачи.  „Бараме Републичкиот Јавен обвинител, да излезе од сенката на пупката која Зоран Заев ја „расцвета“ во правосудниот систем, и да постапи согласно член 39 од Законот за кривична постапка при што ќе отвори истрага за наводите во кривичната пријава која ја поднесуваме“, рече Димовски. Во кривичната пријава, како што наведе... Читать дальше...

Лидерот на Демохристијанската партија, која е дел од обединетата албанска опозиција, Нард Ндока изјави дека опозициските партии нема да учествува на локалните избори, доколку не се спроведе процес на проверка на потеклото на имотот на политичарите и нивна евентуална поврзаност со криминални групи. Ндока нагласи дека опозицијата бара гаранција дека тоа ќе биде спроведно, бидјеќи нема доверба ао алабснкиот премиер Еди Рама и не верува дека следните избори ќе бидат слободни, фер и демократски.  ... Читать дальше...

Швајцарските власти ги потврдија наводите дека во Холандија биле уапсени и протерани двајца руски шпиони порано годинава, откако тие наводно се обиделе да хакираат швајцарска лабараторија која спроведува тестови на хемиско оружје. Швајцарија го повика рускиот амбасадор во знак на протест поради наводиниот напад, но Москва ги негираше обвинувањата за шпионажа и други видови на мешање. Швајцарската лабараторија ги анализирала примероците од труењето на поранешниот руски шпион Сергеј Скрипал и неговата ќерка Јулија во Англија.

Премиерот Зоран Заев денеска изјави дека уставните измени кои треба да се случат се многу логични и ќе бидат објавени од страна на собраниските комисии што ќе работат на нив по завршување на референдумот и објавување на резултатите.  Промените ќе се направат во преамбулата, членовите 3 и 49. Во преамбулата ќе има само зајакнување на одлуките на АСНОМ за слобода, демократија, еднаквост помеѓу граѓаните, бидејќи од АСНОМ е борбата за ослободување на сите граѓани од тогашниот фашистички окупатор.... Читать дальше...

Папата Франциск ја повика мафијата во Сицилија да прекине со криминалот и насилството, порачувајќи дека на островот му се потребни „мажи и жени на љубовта, а не мажи и жени на честа“, алудирајќи на терминот кој мафијашите го користат. Според папата, припадниците на организираниот криминал, од кои повеќето се верници не може да веруваат во господ и да бидат мафијаши во истовреме. Папата го посети Палермо за комеморацијата на свештеникот Џузепе „Пино“ Пуглиси кој беше убиен од мафијата во 1993 година... Читать дальше...

Државниот министер за Европа при германското МНР Михаел Рот денеска порача дека македонските граѓани на претстојниот референдум треба да покажат храброст и да испратат јасен сигнал за членство во ЕУ и НАТО, бидејќи европската перспектива гарантира добра иднина за сите, особено за младите.  „Тука сум поради младите луѓе, ги знам нивните очекувања. Има дел луѓе кои можеби се сомневаат или не се задоволни од компромисот што беше постигнат, но сите тие првенствено треба да мислат на иднината на младите генерации“... Читать дальше...

Авганистанските власти соопштија дека најмалку 5 припадници на армијата, како и сите членови на екипажот загинале кога се урнал воен хеликоптер, кој морал принудно да слета и бил зафатен од оган во покраината Фара. Според нив, инцидентот бил резултат на техничка неисправност на хеликоптерот. Но, талибанците соопштија дека тие го собориле хеликоптерот. Поголемиот дел од покраината е под контрола на талибанците.

Агенцијата Стандар и Пурс соопшти дека го потврдува кредитниот рејтинг на Македонија ББ-/Б, со стабилен изглед. Според извештајот, како што информира Министерството за финансии, политичката неизвесност е намалена со зајакнувањето на парламентарното мнозинство, што би требало да ја олесни имплементацијата на реформите. Извештајот нотира дека е направен напредок во неколку приоритети, истакнувајќи го подобрувањето на фискалната транспарентност. Исто така, се забележува напредокот во решавањето на спорот со Грција околу името. Читать дальше...

Руската православна црква соопшти дека нема повеќе да учествува во структурите предводени од Вселенска патријаршија. Таквиот чекор доаѓа за време на обидите на украинската црква формално да се оддели од руската црква. Светиот синод на руската православна црква вчера одржа средба со цел да одговори на одлуката на Цариградската патријаршија во Истанбул која најави дека ќе испрати двајца бискупи во Украина на што се гледа како чекор напред кон прогласување на автокефалност на тамошната црква. Таквиот... Читать дальше...

Германската канцеларка Ангела Меркел изјави дека санкциите на ЕУ врз Русија ќе останат во сила се додека не се постигне одржливо примирје во Украина врз основа на договорот од Минск. Таа за време на посетата на Литванија, истакна дека нивна цел и натаму е враќањето на мирот и територијалниот интегритет на Украина. Според неа, санкциите нема да бидат укинати се додека не се оствари напредок во спроведувањето на договорот од Минск.

САД повикаа на итен состанок на Советот за безбедност на ОН на 17 септември. Според соопштението, САД повикале на средбата поради неодамнешните напори на некои земји членки за поткопување и попречување на спроведување на санкциите против Северна Кореја. Во фокусот на разговорите ќе биде спровеедувањето на санкциите на ОН врз Северна Кореја, но не се наведува за кои земји станува збор. Американскиот амбасадор Ники Хејли ја обвини Русија дека го променила независниот извештај на ОН за да го прикрие... Читать дальше...

Црногорскиот претседател Мило Ѓукановиќ изјави дека Црна Гора ќе ги преиспита односите со Европската унија доколку во Брисел почне да се менува мислењето за проширување. „Не станува збор за евроскептицизам, туку за повикот да бидеме партнери. Црна Гора, Унијата ја доживува како привилегиран партнер, бидејќи им дозволуваме да ни кажат што и како да правиме“, наведе црногорскиот претседател.

Времето во Македонија ќе биде сончево со мала до умерена облачност. Утринската температура ќе се движи од 7 до 16, а дневната температура од 26 до 34 Целзиусови степени. Во Скопје ќе биде сончево со мала до умерена локална облачност и со слаб до умерен северозападен ветер. Температурата ќе се движи од 13 до 32.

Дали и колку граѓаните им веруваат на истражувањата на јавното мислење зависи од повеќе фактори, но најмногу од степенот на демократија во општеството, оценува стручната јавност. Искреноста на одговорите на испитаниците е доведена во прашање, особено кај истражувањата со партиско-политичка тематика.