Новости за 02.09.2018

Србија не се меша во референдумот за името, а Македонија поддржува позитивно решение за спорот со Косово, порачаа српскиот претседател Александар Вучиќ и македонскиот премиер Зоран Заев од граничниот премин Табановце-Прешево каде го промовираа концептот на интегрирано гранично управување.

Иран го отфрли извештајот на Ројтерс во кој пишува дека обезбедил балистички проектили за своите шиитски сојузници во Ирак и развил капацитети за да им дозволи да изградат проектили таму. "Таквите лажни и смешни вести немаат никаква намера освен да влијаат врз иранските надворешни односи, особено со своите соседи иранските надворешни односи, особено со своите соседи”, изјави портпаролот на министерството за надворешни работи Бахрам Каземи, а јави иранската новинска агенција ИРНА. Во својот извештај... Читать дальше...

Најмалку девет лица биле повредени, а неколку стотици притворени по вчерашните масовни протести на германски националисти и про-имигрантски групи во градот Чемниц на истокот на земјата. Околу 4.500 националисти и 3.500 социјалисти учествуваа на собирите, на кои имаше и големо полициско присуство, во обид да се спречи директен судир меѓу двете групи. Протестите во Чемниц почнаа минатата сабота, кога двајца мигранти, од Ирак и од Сирија, го заклаа 35 годишниот Даниел Хилиг. Неговото убиство предизвика... Читать дальше...

Лидерот на косовското опозициско движење Самоопределување, Албин Курти го повика партиското членство да се мобилизира за, како што рече, „граѓански и мирни протести за да се застане на патот на криминалот кој се врши врз Косово и косовскиот народ“, јави дописникот на МИА од Приштина. Курти коментирајќи ги идеите на косовскиот претседател Хашим Тачи за „корекција на границите“, односно размена на териториите со Србија, изјавил дека „земјата поминува низ многу тежок период“, поради што е потребна целосна мобилизација. Читать дальше...

Најмалку осум лица биле убиени во денешниот терористички напад во сомалискиот главен град Могадишу. Цел на нападот била административна зграда во областа Холвадаг. Училиште, џамија и повеќе куќи биле оштетени во нападот. Најголем дел од жртвите се цивили. Се претпоставува дека нападот бил организиран од страна на исламистичката група Ал Шабаб, која со години се бори против сомалиските власти и нивните западни поддржувачи.

Неколку илјади демонстранти вчера се собрале во молдавскиот главен град Кишињев да бараат обединување на нивната земја со Романија. Демонстрантите носеле романски знамиња и транспаренти со кои повикувале Бесарабија, како што е старото име на Молдавија, да се спои со Романија. Собирот се организирал на стогодишнината од обединувањето на Романија и Молдавија по Првата светска војна. На собирот учествувале и политичари од Романија.

Војската на САД соопшти дека одлучила да ја откаже помошта од 300 милиони долари за Пакистан, поради несоодветното дејствување на милитантите во Исламабад, кое предизвика зголемување натензиите пред посетата на државниот секретар Мајк Помпео и главниот американски генерал Џозеф Данфорд . Претседателот Доналд Трамп ги суспендираше т.н. Коалициски фондови за поддршка, заедно со друга помош за Пакистан, на почетокот од годината. Администрацијата на Трамп го обвини Исламабад дека ги засолнилбунтовниците... Читать дальше...

Главниот преговарач на ЕУ за Брегзит Мишел Барние ја “отвори” за кратко можноста за продолжување на разговорите за да се постигне договорот со Лондон, велејќи дека тие мора да бидат завршени до средината на ноември. Британија треба да го напушти блокот на 30 март, но двете страни сакаат да го потпишат договорот за излегување на Бристанија од ЕУ до самитот на ЕУ од 18 до 19 октомври, за да им овозможат на своите парламенти доволно време да го усвојат договорот. "Ако го земеме предвид времето потребно... Читать дальше...

Турскиот претседател Реџеп Таип Ердоган изјави дека Турција не мисли од никого да бара дозвола дали смее да го купи рускиот ракетен систем С-400. “Имаме договор со Русија за ракетите С-400 и некои се загрижени поради  тоа. Жалам, но ние не прашуваме за дозвола”, изјави Ердоган при посетата на Киргистан. Руските производители најавија дека системите ќе бидат испорачани во Турција во март 2020 година, јави Танјуг. Односите на Турција и САД се во сериозна надолна линија поради одбивањето на Американците... Читать дальше...

Косовскиот претседател Хашим Тачи кој вчера се сретнал со дипломатските претставници на САД, земјите членки на Европската Унија, ОБСЕ, КФОР и ЕУЛЕКС, изјавил дека сега е моментот за голем историски договор меѓу Србија и Косово, кој ќе предвидува и „корекција на границите“. И покрај противењето на Германија и на повеќето косовски партии, Тачи оценил дека доколку во следните неколку месеци не се постигне ваков договор, двете земји ќе продолжат да имаат нерешени односи. “Не можеме да стоиме во место, во пат позиција. Читать дальше...

Странски пилот и двајца авганистански војници загинале, а уште три лица се повредени при уривањето на хеликоптер кај воената база во авганистанскиот град Мазар и Шариф. Хеликоптерот МИ-14 бил ангажиран од страна на мировната мисија на НАТО, која се уште не го објавува идентитетот на загинатиот и повредениот пилот, поради потребата да се информираат нивните семејства. Според авганистанската Влада, леталото се урнало поради технички проблем и не било цел на оган. Седум авганистански војници го преживеале падот на хеликоптерот без повреди.

Силни експлозии го потресоа сирискиот воен аеродром во близина на Дамаск во текот на ноќта.Државните медиуми соопштија дека експлозите се случиле во депото за муниција, иако според други извори аеродромот бил цен на узраелски воздушен напад. “Воздухопловната база Ал Мазе, во западното предградие на главниот град, беше цел на "можна израелска ракета, која го погоди складиштето за муниција и ги предизвика последователните експлозии", изјави Рами Абдел Рахман, шеф на Сириската опсерваторија за човекови права за новинската агенција АФП. Читать дальше...

Од исклучителна важност е граѓаните добро да се информираат и да го остварат своето право на глас на референдумот, порачува Дарко Алексов, извршен директор на граѓанската асоцијација МОСТ, во неделното интервју на Радио Слободна Европа.

Времето во Македонија ќе биде сончево и топло со мала до умерена локална облачност. Ќе дува слаб до умерен ветер од јужен правец. Минималната температура ќе се движи од 12 до 18 степени, а максималната од 25 до 36 степени. УВ индексот ќе изнесува 8. Во Скопје ќе биде сончево со мала облачност и со слаб до умерен југоисточен ветер со температурадо 34 степени.

Сите оние кои се дел од тој процес имаат за задача на граѓаните наједноставно и најпрецизно да ги информираат за сите аргументи зошто би требало да гласаат за или против и адекватно на тоа граѓаните информирано да излезат и да гласаат според сопствено убедување, вели Дарко Алексов, извршен директор на граѓанската асоцијација МОСТ која веќе 16 години ги набљудува сите изборни процеси во земјава.