Новости за 29.01.2018

„Дигитални икони“ е насловена изложбата на Даниела Киш, што во периодот од 1 до 12 февруари, ќе се одржи во Отвореното графичко студио во Скопје. Станува збор за претставување на творештвото на парализирана жена која не контролира 99 проценти од своето тело, но која за половина декада има насликано над 500 икони и портрети и која знае да ја препознае сржта и исходот на животниот смисол и убавина.

Шестмесечно дете во Куманово заболело од мали сипаници. Антивакциналната кампања го намалила бројот на вакцинираните деца, велат од Центарот за јавно здравје.

Посредникот на ОН во спорот за името меѓу Грција и Македонија, Метју Нимиц, утре ќе се сретне и со шефот на грчката дипломатија Никос Коѕијас и со одговорниот за надворешна политика во опозициската Нова демократија, Јоргос Кумуцакос. Според грчките медиуми, средбата со Кумуцакос е по барање на медијаторот Нимиц. Предвидено е Нимиц и Комуцакос да се сретнат претпладне, а неколку часа подоцна медијаторот ќе разговара со шефот на грчката дипломатија Никос Коѕијас, објави МИА.

Русија покажа поголема отвореност за американскиот предлог за можна мировна мисија на Обединетите нации во источна Украина, но Вашингтон и Москва се уште се далеку од договор, изјави специјалниот американски пратеник за Украина, Курт Волкер. Изјавата на Волкер следува по средбата со неговиот руски колега Владислав Сурков во Дубаи. Американскиот советник за Украина додаде дека на почетокот на оваа година, во телефонски разговор, му рекол на Сурков оти „во Вашингтон има силно чувство на разочарување... Читать дальше...

Претседателот на Собранието Талат Џафери на денешната седница ја одложи точката за расправа по Законот за употреба на јазиците, бидејќи, како што рече, не се исполнети технички услови за нејзино отворање поради големиот број на амандмани. Според него, не била завршена формалната процедура за обработка на сите амандмани.  Во Парламентот беше доставен пакет од над триесет илјади амандмани за Законот за јазици, со кој се унапредува употребата на албанскиот јазик во Македонија. Сите амандмани се поднесени од ВМРО-ДПМНЕ. Читать дальше...

Кремљ не го смета за закана лидерот на опозицијата Алексеј Навални, изјави Дмитри Песков, портпаролот на рускиот претседател Владимир Путин, по апсењето на Навални и по масовните демонстрации низ цела држава за бојкот на претседателските избори на 18 март годинава. "Популарноста на Владимир Путин стигнува подалеку од границите на Русија. Не мислам дека некој може да се сомнева оти Путин е апсолутен лидер според јавното мислење, апсолутен лидер на политичкиот Олимп... со кого е малку веројатно дека... Читать дальше...

Собранието го утврди дневниот ред на 32 седница и како осма точка го стави Законот за употреба на јазиците. На дневниот ред, и покрај најавите, не беше ставена точката за избор на потпретседател на Парламентот.  Претседателот на Собранието Талат Џафери ги прочита точките на дневниот ред и пред да се гласа пратеникот Антонио Милошоски се јави процедурално и побара пауза за да им се достави дневниот ред испечатен, но Џафери не даде пауза со образложение дека дневниот ред ќе им биде поделен во текот на седницата. Читать дальше...

Пратеникот од ВМРО-ДПМНЕ Илија Димовски изјави дека со постапката на поднесување на бројни амандмани за Законот за употреба на јазиците се обидуваат да упатат порака до СДСМ и ДУИ да размислат и да го прифатат тоа што го бараат мнозинството граѓани и експерти. Димовски рече дека решение треба да има, но тоа да биде изградено на здрави темели, а како што рече да не се носи со прекршување на Деловникот најмалку десет парти до сега. Тој додаде дека законското решение е еднострано, според него на ДУИ... Читать дальше...

Загина градежен работник на автопатот Штип-Миладиновци, кај клучката на штипското село Криви Дол, соопштија од СВР Штип. Оттаму велат дека работникот околу пладне бил прегазен од машина за изградба на делницата, по што на местото пристигна Итна медицинска помош од Свети Николе и бил констатирана смртта на работникот. Основен јавен обвинител и екипа на крим-техника прават уви на терен, а во тек е и обдукција на загинатиот работник.

Претседателот на ВМРО-ДПМНЕ Христијан Мицкоски во Брисел се сретна со еврокомесарот Јоханес Хан, со кого разговарале за евроинтеграциите на Република Македонија, за предвидените реформските процеси, но и за спорот за името со Грција. Мицкоски рече дека го запознал Хан за содржината на средбата во Клубот на пратениците со останатите претставници и функционери и дека дознале за што станува збор во преговорите, откривајќи дека го виделе предлогот што Нимиц им го доставил на преговарачите. Во однос на состојбата во Македонија... Читать дальше...

Мајка на возраст од 50 години и нејзиниот 17-годишен син загинаа во пожар кој се случил рано изутрината во семејната куќа во Битола. Според првичните сознанија на битолските пожарникари, причината за пожарот е старата електрична инсталација во куќата. Екипи на основното јавно обвинителство, МВР-Битола и Противпожарната служба се на терен и вршат увид на местото на настанот, а исто така е издадена наредба за обдукција на пронајдените тела. Пожарот бил пријавен во 4 часот и 5 минути.

Портпаролот на грчката Влада Димитрис Ѕанакопулос денска даде проценка дека постои приближување на позициите на владата со дел од грчките партии, а со тоа и дека евентуалниот договор за името ќе биде изгласан во грчкиот Парламент.  „Во преговорите доаѓаме со националната позиција, односно сложено име со временска или географска одредница, повлекување на иредентистичките позиции и ставови на соседот. Доколку врз основа на ова се постигне договор, целосно сум сигурен дека нема да имаме само парламентарно мнозинство... Читать дальше...

Во Собранието на дневен ред е законот за јазици. Според експертите на Собранието ќе му бидат потребни месеци за да ги разгледа 30 те илјади амандмани поднесени од ВМРО ДПМНЕ.

Измените на законот за минерални суровини кои се во собраниска процедура и кои треба да се донесат по скратена постапка, ќе предизвикаат затворање на рудниците и блокирање на целата индустрија, соопшти Македонската асоцијација за рударство (МАР). Оттаму велат дека не е точно тврдењето во Предлог-текстот дека законските измени нема да имаат финансиски последици, бидејќи евентуално раскинување на договорите за концесии штетите би достигнале една до три милијарди евра, велат од МАР додавајќи дека рударската индустрија брои 12.600 вработени... Читать дальше...

Посредникот на ОН во спорот за името Метју Нимиц ги почна посетите на двете земји. Во Скопје го дочекува воздржаност и претпазливост на лидерите, во Атина негодувања, пред сè, од Нова демократија.

Авганистанското Министерство за одбрана соопшти дека милитанти нападнале армиски комплекс во близина на главната воена академија во Кабул, убивајќи 11 војници, а 16 се повредени. Групата на Исламската држава ја презеде одговорноста за денешниот напад преку нејзината новинска агенција Амак. Нападот следи по неколку смртоносни напади на Талибанците во изминатите неколку недели во главниот авганистански град. Портпаролот на Министерството за одбрана Давлат Вазири изјави дека петмина милитанти биле... Читать дальше...

Судењето за предметот „Поткуп“ во кое е обвинет премиерот Зоран Заев денеска беше одложено за 26 февруари. Одложувањето е на барање на јавен обвинител кој во петокот го известил новиот судија Дарко Тодоровски дека не може да присуствува на денешното рочиште. Претходното рочиште исто така беше одложено бидејќи предметот не беше стигнат во Апелациониот суд, кој требаше да одлучи по жалбата на одбраната на Заев која бара видео снимките од Посебните истражни мерки (ПИМ) да не бидат користени како доказ во судската постапка за случајот „Поткуп“. Читать дальше...

Неделното интервју со професор Фрчкоски, лидерската средба за прашањето за името и илјадниците амандмани на ВМРО-ДПМНЕ за Законот за јазиците, привлекоа најмногу коментари на социјалните мрежи.

Американскиот претседател Доналд Трамп изјави дека Европската унија „многу нефер“ тргува со Соединетите држави, предупредувајќи дека тоа би можело да „прерасне во нешто многу големо“. „Имав многу проблеми со ЕУ. Не можеме да извеземе наши производи таму. Од друга страна тие испраќаат нивни производи кај нас, без даноци, многу малку даноци“, изјави Трамп во интервју за британскиот телевизиски канал Ај Ти Ви.

Авганистанските безбедносни сили соопштија дека вооружени луѓе денеска ја нападнале Воената академија во Кабул. Притоа биле убиени петмина авганистански војници. Ова е најнов во серијата напади во овој град во изминативе неколку денови. Милитантите на Исламската држава ја презедоа одговорноста за нападот. За претходните смртоносни напади во Кабул одговорноста ја презедоа талибанците. Франс прес, повикувајќи се на извори од локалните власти, јавува дека некои од напаѓачите биле убиени, додека двајца претходно се разнесле со експлозив. Читать дальше...

Руската полиција во неделата насилно го приведе лидерот на опозицијата, Алексеј Навални неколку мигови откако тој се појави на митингот, за да ги повика гласачите да ги бојкотираат, како што рече, лажирани претседателски избори во март годинава. Навални по неколку часови беше ослободен.

Посредникот на ОН во преговорите за спорот за името денеска и утре ќе престојува во посета на Атина, а следните два дена, на 31 јануари и 1 февруари во Скопје. Во пресрет на овие посети Нимиц во интервју за грчкиот весник „Катимерини“, оцени дека средбата на премиерите на Македонија и на Грција Зоран Заев и Алексис Ципрас била позитивна и од историско значење. „Постои динамика за да дојдеме до решение на проблемот“, рече тој, забележувајќи дека во соработка со меѓународната заедница, а особено со Вашингтон... Читать дальше...

Турската крајбрежна стража го блокираше грчкиот министер за одбрана Панос Каменос да стигне до островот Кардак. Ова го соопшти турското Министерство за внатрешни работи додека тензиите меѓу двата соседа ескалираа во последниве недели.

Собранието на Македонија денеска во 11 часот треба да ја започне 32. седница на која на дневен ред е Законот за употреба на јазиците, во трето читање, со кој се унапредува употребата на албанскиот јазик. Тој беше вратен од претседателот на државата Ѓорге Иванов без потпишан указ и со бројни укажувања. Седницата за овој закон претседателот на Собранието Талат Џафери ја закажа во предидениот рок и го стави на повторно гласање, а за законот се поднесени и над 32.000 амандмани од опозициската ВМРО-ДПМНЕ. Читать дальше...

Репрезентацијата на Шпанија е новиот европски шампион во ракомет, откако синоќа во Загреб во финалето ја совлада Шведска со 29:23. Клучна фигура во триумфот на шпанската селекција беше голманот на Вардар Арпад Штербик кој со своите одбрани во второто полувреме имаше огромен придонес за резултатскиот пресврт. За Шпанија ова е прв трофеј од евро-шампионатите. Во предигра на големото финале, Франција со 32:29 ја совлада Данска и го освои бронзениот медал.