Новости за 15.01.2018

Повеќето Грци не сакаат терминот Македонија да биде употребен во решението на спорот со името, покажува анкетата објавена вчера. Резултатите на анкетата направена за весникот „Прото тема“ покажуваат дека 68 насто се против употребата на името Македонија. Двете земји се согласија да формираат работни групи со цел изнаоѓање решение. Овие групи ќе бидат предводени од шефовите на дипломатиите кои деновиве изразија надеж за напредок на разговорите со медијаторот Метју Нимиц на 17 јануари во Њујорк.

Палестинскиот претседател Махмуд Абас изјави дека Израел го завршил мировниот договор потпишан во Осло во 1993 година со кој се гарантира палестинска самоуправа. Тој притоа изјави дека не прифаќа американско посредување во разговорите со Израел.

Рускиот министер за надворешни работи Сергеј Лавров во Москва на денешната редовна прес конференција ќе се осврне врз руската дипломатска активност во минатата година. Притоа, главен акцент ќе биде ставен врз односите со САД, Украина, НАТО, Европската унија, Сирија и ситуацијата на Корејскиот полуостров. Лавров се очекува на 18 и 19 јануари во Њујорк да учествува на два состанока на Советот за безбедност на ОН.

Амбасадорот на Бугарија во Македонија Иван Петков денеска во Собранието на Македонија ќе ги претстави програмата и приоритетите за работа на Бугарското претседателство со Советот на ЕУ, а се очекува и ратификација на Договорот за добрососедство и соработка меѓу Македонија и Бугарија. На седницата на Комисијата за европски прашања која ја води Артан Груби, свои излагања освен Иван Петков, ќе имаат и вицепремиерот за европски прашања Бујар Османи, министерот за надворешни работи Никола Димитров и амбасадорот на Европската Унија во Македонија... Читать дальше...

Во Македонија ќе биде облачно со локални врнежи претежно од снег, главно со слаб интензитет. Повеќе врнежи ќе има во планинските региони на северозападот и истокот на земјата, каде што се очекува и зголемена снежна покривка. Ќе дува слаб до умерен ветер од јужен правец. Температурата од минус 1 до пет степени. Во Скопје и околината слично време со температура околу 3 степени.