Спасовски – Мирни избори без посериозни нарушувања
„Институциите покажаа дека можат да организираат мирни и демократски избори, како што доликува на земја која наскоро ќе стане членка на НАТО и е на пат за членство во ЕУ“, рече Спасовски.
Тој рече дека во текот на гласањето биле забележни четири фотографирања на гласачко ливче, а сторителите биле приведени. Еден пијан човек во Новаци ја оштетил гласачката кутија, а во село Кучичино едно лице делело рекламен материјал за еден од кандидатите. Имало пријавено 11 случаи агитирање пред избирачко место, од кои 8 биле неосновани, а на 3 се работи, рече Спасовски.
Тој рече дека нема пријавено ниедно кривично дело, што не било случај со претходните изборни циклуси.
Спасовски рече дека на денешните избори имало за 5 пати помалку пријавени инциденти од изборите во 2017 и двојно помалку од референдумот во 2018.