Уапсени околу 2500 демонстранти во Судан

Министерството за внатрешни работи на Судан соопшти дека за време на протестите во саботата биле уапсени 2.496 демонстранти. Во саботата имаше протести ширум земјата против владеењето на претседателот Омар ел Башир. Од Министерството соопштија дека за време на протестите биле уништени шест полициски возила. И денеска имало протести, трет ден по ред.

Граѓаните повеќе од три месеци бараат смена на владата, обвинувајќи ја за лошата економска состојба, бидејќи во земјата има недостаток од горива, а основните продукти за живот поскапуваат. Башир на 22 февруари прогласи вонредна состојба во земјата, но одби да си даде оставка. Протестите првин започнаа против поскапувањето на лебот, а потоа преминаа во антивладин протести.