Трамп: Oд ништо не се откажав на средбата со Путин
Претседателот на САД, Доналд Трамп, рече дека "не се откажал од ништо " на средбата со рускиот претседател Владимир Путин, сугерирајќи дека не направил никакви отстапки или договори кои би можеле да бидат штетни за американските интереси. На Твитер , Трамп денеска исто така објави дека тој и Путин "добро се дружеле, што е добра работа" и го обвини, како што ги нарече "корумпираните медиуми" дека сакале да ги спинуваат резултатите од самитот. Путин и другите руски официјални лица рекоа дека Трамп и Путин постигнале неколку договори на самитот на 16-ти јули во Хелсинки. Американските официјални претставници не наведоа никакви значителни договори и дадоа малку детали за разговорите на самитот, оставајќи ги критичарите на Трамп загрижени дека тој можеби направил неразумни зделки.