Димитров очекува Македонија кон средината на 2019 да стане членка на НАТО

Министерот за надворешни работи Никола Димитров изјави дека Македонија кон средината на следната година може и формално да стане 30. земја-членка на НАТО, доколку сите други процеси се одвиваат како што треба. Тој во интервју за Еуро Вестерн Балканс посочува дека станува збор за технички процес.


„Но, тој исто така е поврзан со исполнување на нашите обврски од Договорот со Грција. Ни претстои референдум и процес на измена на Уставот. И откако ова биде финализирано, ќе може да ги потпишеме протоколите за пристапување, кои потоа ќе бидат ратификувани во Парламентот на Атина и во другите земји-членки. Ако работите одат добро во прашање се месеци. Можеби кон средината на следната година ќе бидеме формално 30 земја-членка на НАТО“, изјави Димитов.


Во врска со неговите очекувања од референдумот Димитров смета дека граѓаните ќе го поддржат договорот, бидејќи, како што рече, со него е покриен најсензитивниот дел, идентитетот и јазикот. Референдумот, според него, ќе биде голем предизвик кој во голема мера ќе зависи од опозицијата и начинот на кој таа ќе постапи.