Новости за 27.02.2019

АКШнын президенти Дональд Трампка узак жылдар бою жеке юрист болуп иштеген Майкл Коэн 27-февралда Өкүлдөр Палатасынын Көзөмөл жана реформа комитетиндеги көрсөтмөсүндө аны “шылуун” жана “жалганчы” деп атады.

Бакиевдердин мурдагы финансылык кеңешчиси, учурда Америкада шарттуу абакта отурган Евгений Гуревич АКШ Кыргызстанга которууга макул болгон 4,6 миллион доллардын таржымалын түшүндүрдү.  Ал бул каражат 2012-жылдын жаз айларында мурдагы кыргыз президентинин уулу Максим Бакиевге бейрасмий түрдө таандык болгон Гонконгдогу компаниядан АКШга которулганын “Азаттыкка” ырастады. Анын алдында Гуревич АКШ бул акчага 2014-жылы “инсайдердик соодада” колдонулду деген шек менен арест койгонун, өзү Американын Юстиция министрлиги менен кызматташып... Читать дальше...

Бүгүн, 27-февралда АКШнын президенти Дональд Трампка узак жылдар бою жеке юрист болуп иштеген Майкл Коэн Өкүлдөр Палатасынын Көзөмөл жана реформа комитетинде көрсөтмө берип жатат. Америкалык мыйзам чыгаруучулар Трамптын шайлоо командасынын Орусия менен байланышын билүүнү максат кылууда. Бир күн мурда Коэн Сенаттын Чалгын комитетиндеги угууларга катышкан. Азыр Өкүлдөр Палатасынын Көзөмөл жана реформа комитетинде ачык сурак берип жатат. Сөзүнүн башында Коэн Трамптын юристи болгонуна өкүнөрүн билдирип... Читать дальше...

Казакстандын Жаңы-Өзөн шаарында 23-25-февралга чейин он алты адам кармалып, беш күндөн жети күнгө чейин камакка алынды. Бул тууралуу Маңгыс-Тоо облустук прокуратурасы билдирди. Маалыматка караганда, алар "коомдук жайды булгаган, адепсиз сөздөрдү сүйлөгөн" деген негизде кармалган.  Мындан тышкары Жаңы-Өзөндүн бир тургунуна "социалдык, расалык, улут аралык кастыкты козутуу" беренеси менен кылмыш иши козголду. Кылмыш кодексине ылайык, бул берене менен айыпталгандар эки жылдан жети жылга чейин эркинен ажыратылат. Читать дальше...

Индиянын Тышкы иштер министрлигинин басма сөз катчысы Равиш Кумар 27-февралда Нью-Делидеги маалымат жыйында соңку чыңалууда индиялыктардын бир, пакистандыктардын бир учагы атып түшүрүлгөнүн билдирди. Равиш Пакистанда жайгашкан "Жаиш-е-Мухаммед" террордук тобунун кол салууларына жол бербөө үчүн Индия алардын лагерине абадан сокку ургандан кийин Исламабад 27-февралда чабуул жасаганын, бирок алардын мизи кайтарылганын кошумчалады. Анын айтымында, Индиянын кыйраган учагынын учкучу Гималай аймагында... Читать дальше...

Кыргыз өкмөтү Евразия Экономикалык Биримдигине (ЕАЭБ) кирип жатканда айыл чарба азыктарын 250 миллион калкы бар базарга сатууга жол ачылат деп убада берген. Кыргызстан өз базарын биримдиктин өлкөлөрүнө ачканы менен, тескерисинче, кыргызстандык дыйкандарга уюмдагы башка мамлекеттер эшигин кенен ачкан жок. Мындай кырдаалдын себептери эмнеде жана аны жөнгө салуу жолдору кайсы? Студиянын коноктору – мурдагы премьер-министр Темир Сариев жана айыл чарба адиси, ишкер Манас Саматов.

АКШ, Жаңы Зеландия, Австралия, Швеция, Литва жана башка өлкөлөрдүн дипломаттары бүгүн, 27-февралда Москвада оппозициялык саясатчы Борис Немцовдун мемориалына гүл коюшту.   АКШнын Мамлекеттик департаменти Немцовдун өлүмүнө катышы бар бардык адамдарды жоопко тартууга чакырды. АКШ Мамлекеттик департаментинин расмий өкүлүнүн орун басары Роберт Палладино журналист, жарандык активист жана оппозиция өкүлдөрүнүн укуктарын, сөз эркиндигин камсыздоо чакырыгы менен орус өкмөтүнө кайрылды.   Бейшембиде Орусиянын... Читать дальше...

АКШнын президенти Дональд Трамп менен Түндүк Кореянын лидери Ким Чен Ын Вьетнамдын борбору Ханой шаарында жолугушту.

Пакистан Индиянын эки аскер учагын атып түшүрүп, пилотторун кармаганын билдирүүдө. Эки өлкө тиреши курчуп баратат. Казакстанда митингге чыккандар Назарбаевдин президенттиктен кетүүсүн талап кылышты. АКШ Бакиевдер тушунда чыгарылып кеткен акчанын 4,5 миллион долларын Кыргызстанга кайтарды. Трамп менен Ким Ханойдо кол алышты.

АКШ президенти Дональд Трамп 27-февралда Түндүк Корея лидери Ким Чен Ын менен Вьетнамдын борбору Ханойдо өтүп жаткан жолугушууда Пхеньяндын экономикалык кудурети жогору экенин билдирди.  Ал АКШ Түндүк Кореянын экономикасын көтөрүүгө көмөктөшө турганын айтты: - Түндүк Кореянын экономикалык кудурети жогору жана чексиз. Мыкты лидер катары өз өлкөңүздүн келечеги кең экенин көрсөтүп жатасыз. Мен ошого жетишкениңерди көргүм келет жана көмөктөшүүнү каалайм.   Ал эми Ким Чен Ын АКШ менен сүйлөшүүлөрдө... Читать дальше...

Билеттер 1-марттан тарта сатыла баштайт.

27-февралда Кыргызстандын Көкбөрү федерациясынын кезексиз курултайы өтүп, анда Жыргалбек Саматовдун ордуна жетекчи болуп Искендер Кадыркулов шайланды. Бирок бул жыйында Жыргалбек Саматов жаңы жетекчини шайлоо мыйзам бузуу менен өтүп жатканын айтып, жыйындан чыгып кетти. Саматов менен чогуу залдан Баткен жана Ош облусунан келген делегаттар да кетип калышты. Ал эми калган делегаттар кворум жетиштүү экендигин айтышып, Кадыркуловдун талапкерлигин бир добуш менен колдошту. Жыйын бүткөн соң Искендер Кадыркулов... Читать дальше...

Египеттин борбору Каирдеги башкы темир жол бекетинде чыккан өрттүн курмандыктары 25 кишиге жетти. Египеттин бийлигинин маалыматына караганда, 27-февралдагы кырсыктан 50дөн ашык адам ар кандай жаракат алышты. Окуяга жүргүнчү ташыган поезд Каирдин Рамзес станциясында тосмого урунгандан кийин анын май куйган багы жарылып кеткени себеп болгону айтылууда. Ал эми өлкөнүн премьер-министри Мустафа Мадбули поезддин кырсыкка учуроо себептери белгисиз экенин айтты. Башкы прокуратура окуянын чоо-жайын иликтей турган болду.

«Шоро» компаниясын түптөгөндөрдүн бири, ишкер Жумадил Эгембердиев аймактарды өнүктүрүү жергиликтүү жетекчилерден көз каранды экенин, бирок алар эски көз караштан арыла албай жатканын ачык сындады.

Президент Сооронбай Жээнбеков аймактарды өнүктүрүүгө багытталган форумда жер-жерлерде ишкерликке мурда-кийин бут тосуп келаткан маселелерди бирден санап өттү.

27-февралдагы нааразылык акциясында Казакстанда "Назарбаев кетсин!" деп кыйкыргандарды полиция алып кетти.

Мамлекет башчы Сооронбай Жээнбеков аймактарды комплекстүү өнүктүрүү боюнча системалуу жана бирдиктүү саясат жок деп эсептейт. Ал мындай пикирин Бишкекте өтүп жаткан «Аймактарды өнүктүрүү боюнча улуттук диалог» аттуу жыйында билдирди.

Бишкек Жылуулук электр борборун (ЖЭБ) модернизациялоодогу коррупцияга айыпталгандардын жактоочулары «ЖЭБди модернизация кылууда мамлекетке 111 миллион доллар зыян келтирилген» деген эксперттердин корутундусунан күмөн санап жатышат.

27-февралда Астанада "Нур Отан" партиясынын курултайы өтүп жаткан кезде бир канча шаарда чогулган ондогон адамдарды полиция кармады. Казакстанда бир айдан бери социалдык талаптар менен нааразылык акциялары өтүп жатат. Курултайда сүйлөгөн сөзүндө президент Нурсултан Назарбаев элге социалдык колдоо күчөтүлө турганын айтты.

Кыргызстанда ишкерликтин мамлекет менен тил табышы оңой эмес, айрыкча ишин жаңы баштап жаткандар (стартап) үчүн. Анткен менен ишти жаңыдан баштап жаткандардын баары бирдей эмес экен.

Мурдагы премьер-министр Сапар Исаковдун адвокаты «ЖЭБди модернизация кылууда 111 миллион доллар зыян келтирилген» деген эксперттердин корутундусунан күмөн санап жатат. Ал муну далил материалдардын катарынан алыш керектигин айтып чыкты.

Жалал-Абад шаарынын мэриясы 2010-жылы мурунку президент Курманбек Бакиевдин жакындарына таандык экендиги сөз болуп жүргөн базарды жана Кадыржан Батыровго тиешелүү көп кабаттуу үйдү өзүнө каттата албай жатат.

АКШнын президенти Дональд Трампка узак жылдар бою жеке юрист болуп иштеген Майкл Коэн 27-февралда Конгрессте көрсөтмө берип, «Трамп 2016-жылдагы президенттик шайлоодо атаандашы Хиллари Клинтондун электрондук каттарынын жарыяланып кетишин алдын ала билген» деп айтууну көздөп жатат.   Америкалык маалымат каражаттары билдиргендей, Коэн Өкүлдөр Палатасынын Көзөмөл жана реформа комитетине даярдаган көрсөтмөсүндө Трамп шайлоо өнөктүгү маалында Москвадагы мүлк тууралуу сүйлөшүү жүргүзгөнүн кабарлап, президентти «расист... Читать дальше...

Шаардын Г. Базарбаев көчөсүндөгү турак жайлардын биринен өрт чыгып, сыртка чыгууга үлгүрбөй калган 60 жаштагы киши каза тапты. Бул туралуу «Азаттыкка» облустук өзгөчө кырдаалдар башкармалыгынын өрт өчүрүү бөлүмүнүн башчысы Чынарбек Шекенов билдирди. Маалыматка ылайык, 27-февралда ӨКМдин шаардагы бөлүмүнүн байланыш түйүнүнө Г. Базарбаев көчөсүндө шаар тургуну үйдүн ичинде кулпуланып калганы тууралуу кабар түшкөн. Куткаруучулар өрт чыккан үйдөн 60 жаштагы үй ээсинин өлүгүн табышкан. Учурда кырсыктын себептери... Читать дальше...

Миңдеген алжирлик студенттер бешинчи күнү катары менен нааразылык акцияларын өткөрүп жатышат. Жаштар президент Абделазиз Бутефликанын бешинчи мөөнөткө барышына каршы. Күбөлөр көчө жүрүштөрү баш калаа Алжирден башка да шаарларда болуп жатканын айтышууда. Полиция кампустан чыгарбай тосуп, көчөдөгү жүрүшчүлөргө кошулууга тоскоол болгондуктан айрым студенттер факультеттердин өзүндө митинг уюштурушту. 81 жаштагы Бутефлика Алжирди 1999-жылдан бери башкарып келет. Ал алты жыл мурда инсультка кабылгандан бери коомчулукка азыраак чыгып... Читать дальше...