Новости за 06.02.2019

Виржиния штатынын Чыгыш округунун соту Кыргызстандын жараны Тенгиз Сыдыковду "курал аткезчилигине аралашкан" деген негизде үч жылга эркинен ажыратты. Сыдыков өзүнө тагылган айыптардын бирин мойнуна алгандан үч ай өткөн соң, 11-январда судья Т. Эллис өкүмүн чыгарган.   Соттун өкүмүндө айыпкер Филадельфия штатынын Маршан өрөөнүнө жакын жердеги түрмөлөрдүн биринде 36 ай жазасын өтөй турганы жазылган.        Сыдыковго тагылган айыптар боюнча 20 жылга чейин абакка кесилиши мүмкүн болчу. Ал башында коюлган айыпты толук четке какканы белгилүү. Читать дальше...

Өзбек парламентинин төмөнкү палатасы өлкөдө жасалма уруктандырууга жол берген «Жарандардын репродуктивдик саламаттыгын коргоо жөнүндө» мыйзам долбоорун жактырды.     Өзбек маалымат каражаттары билдиргендей, мыйзам кабыл алынса, Өзбекстанда балалуу болуунун чет өлкөлөрдөгү алдыңкы технологияларын колдонууга, жасалма уруктандырууну ишке ашырууга жана cапаттуу урук клеткасын тандоого мүмкүнчүлүк берилет. Документте бул тармакта мамлекеттик жана жеке медициналык мекемелердин өнөктөштүгүнө, менчик медициналык жайларды түзүүгө... Читать дальше...

Германиядагы "колбаса мейманканасынын" дубал кагазында, шыпта, жаздыктарда да колбасанын сүрөттөрү тартылган. Албетте мындай көрүнүш эт жебеген вегетариандар үчүн тозок болор, бирок бул ата-бабаларынан бери эт менен иштеп келаткан Клаус Бебелдин азыркы инновациялык табылгаларды колдонуп, ишке ашырган кыялы болду. Ал муну менен Бавариянын бир кыштагындагы чакан эт дүкөнүн да сактап калды.

Москвада экс-президент Хамид Карзай баштаган делегация менен "Талибан" кыймылынын өкүлдөрүнүн сүйлөшүүсү экинчи күнү уланды. Талибдердин өкүлдөрү Ооганстандан чет элдик күчтөрдүн чыгып кетишине басым жасашты. Ошондой эле жолугушууга катышкандар президент Ашраф Ганинин администрациясын сындашты. Москвадагы жолугушууга ооган бийлигинен эч ким барган жок. Орусиянын баш калаасында өткөн сүйлөшүүнү Кабул администрациясы сындаганы менен ал 17 жылдык согушту тынчтык жолу менен токтотуунун кеңейтилген варианты катары бааланып жатат. Читать дальше...

АКШнын президенти Дональд Трамп кызматка киришкенден кийинки экинчи ирет Конгресске кайрылды.

1-январдан тартып күчүнө кирген беш кодекс жана эки мыйзам боюнча талаш-тартыш токтой элек. Парламенттин, коомчулуктун кодекстер боюнча сын-пикирлеринен кийин өкмөт айрым беренелерди оңдоп жатат. Ал ортодо соттук-укуктук реформа жүргүзүүнүн алкагында жумшалган 13 млн 600 миң евро (1 млрд 82 млн. сом) каражаттынын кайда жана кандай жумшалганы боюнча суроолор жаралды. Бийлик алты жыл түзгөн жаңы эрежесин ишке киргизе албай жатканын себеби? Бир эмес эки чакырылыштагы парламенттин колунан өткөн кодекстер, мыйзамдар эмнеге көйгөй жаратууда? Читать дальше...

АКШ президенти Доналд Трамп Түндүк Корея лидери Ким Чен Ын менен ушул айдын аягында Вьетнамда жолугат. Тажикстандык эмгек мигранттарына Катарга барып иштеп келүүгө жол ачылды. Орусияда "Жахабанын күбөлөрүнүн" мүчөсү соттолду.

Бишкектин Октябрь райондук прокуратурасы өзүн табып деп атаган Ашым (Хашим) Зайналиевдин ишмердүүлүгүн мыйзамсыз деп табуу, медициналык дарылоо жүргүзүшүнө тыю салуу жана лицензияланбаган дармектерди колдонушуна чек кою өтүнүчү менен сотко кайрылды. Бул тууралуу Башкы прокуратуранын басма сөз кызматы кабарлады. Учурда прокуратуранын доо арызы Октябрь райондук сотунда каралууда. Прокуратура өз аракетин саламаттык сактоо боюнча тиешелүү орган Зайналиевге лицензия бербегени жана ага карата буга чейин козголгон кылмыш иши менен түшүндүрөт. Читать дальше...

Улуттук коопсуздук боюнча мамлекеттик комитет Бишкек жана Ош аэропортторунда бомба коюлгандыгы тууралуу кабар тараткандарды таба элек.

Бул тууралуу "Азаттыкка" Айыл жана суу чарба министрлигинин басма сөз катчысы Гүлчехра Садыкова билдирди. Анын айтымында, былтыр Кыргызстандан 145 миң тонна картөшкө сатып алууга кызыкчылыгы бар экенин Өзбекстандын 73 ишканасы билдирген. Бирок өткөн жылы ноябрь айында өзбекстандык ишкерлер менен Кыргызстандын картөшкөсүн сатуу боюнча сүйлөшүүлөр жүргүзүлүп, бирок тараптар келишимге жетише алган эмес:  - Сүйлөшүүлөрдүн жыйынтыгында тараптар келишимге жетише алышкан жок. Буга "кыргыз картөшкөсү кымбат" деген жүйө айтылган. Читать дальше...

Дин кызматкерлери эл арасында кургак учук илдети тууралуу маалымат таратышат. Бул тууралуу “Азаттыкка” USAID агенттигинин «Кургак учукту жеңебиз!» долбоору кабарлады. Улуттук фтизиатрия борбору, Саламаттык сактоо министрлиги жана Кыргызстан мусулмандарынын дин башкармалыгынын ортосунда кабыл алынган меморандумга ылайык, бир катар иш-чаралар өткөрүлөт. Атайын окуудан өткөн дин кызматкерлери кургак учуктун белгилери, жугуу жолдору, амбулатордук шартта дарылоонун артыкчылыктары тууралуу расмий медицинага негизделген маалыматтарды жайылтышат. Читать дальше...

Тогуз-Торо районунун Казарман - Актал-Чат унаа жолунун 43-45-чакырым аралыктарында кар көчкү түшүп, камалып калган бир жеңил автоунаа, эки оор жүк ташуучу автоунаа тогуз жүргүнчүсү менен чыгарылды. Бул тууралуу Өзгөчө кырдаалдар министрлигинин басма сөз кызматы билдирди. Мекеме кабарлагандай, камоодо калгандар кар көчкү тазаланган соң өз багыттары боюнча жүрүп кетишти. Эч ким жабыркаган жок.  Автоунаа жолу бир тараптуу ачылды. Учурда жолду кеңейтип тазалоо иштери жүрүп жатат.  6-февралга караган... Читать дальше...

Апта башында белгилүү делген Menwithhealt Instagram аккаунту кыргызстандык жигиттин күч өлчөгүч аспапта буту менен укмуштуудай соккуларды узатып жаткан видеосун жүктөгөн. Бишкектин чок ортосунда тартылган видео аз убакытта көрүүчүлөрдү топтоп, жылуу пикир жарата алды. Жигитке карата "Онг Бак" тасмасындай", "Жеки Чан го" деген билдирүүлөр көп түшкөн.

Казакстандын президенти Нурсултан Назарбаев 2020-жылга белгиленген президенттик шайлоону жылдырып, мөөнөтүнөн мурда өткөрүү планы жок экенин билдирди.

Президент Сооронбай Жээнбеков 6-февралда Бишкек шаарынын жалпы билим берүүчү мектептеринин абалы менен таанышты. Бул тууралуу президенттик аппарат кабарлады. №12 мектепте Бишкек шаарынын мэри Азиз Суракматов борбордогу толук эмес жана ашыкча комплектиленген мектептердин абалы боюнча маалымат берди.  Маалыматты уккан соң президент айрым мектептер 40 пайызга гана комплекттелгенин, ал эми башка мектептерде ашыкча комплектилөө 300 пайызга чейин жеткенин, бул абалды терең талдап, тийиштүү чечим кабыл алуу зарыл экенин белгиледи. Читать дальше...

НАТОго кирген 29 мамлекет Македония менен Грекиянын ортосундагы алакалар бир нукка түшкөн соң бул өлкө менен тарыхый келишимге жетишти. Брюсселдеги салтанаттуу иш-чарага Македониянын тышкы иштер министри Никола Димитров катышты. Документти НАТОго кирген бардык мамлекеттер ратификациялагандан кийин Македония Түндүк-Атлантикалык альянстын 30-мүчөсү болуп калат. Македония менен Греция былтыр келишимге келип, македондор өз өлкөсүнүн аталышын Түндүк Македония Республикасы деп өзгөрткөн. 25-январда... Читать дальше...

Бишкек шаарында жүздөн ашуун киши Кесиптик кошуундар федерациясынын жетекчиси Мирбек Асанакуновго каршы митингге чыгышты. Алар мекеме башчысы кошуунга чогулган мүчө-акыларды мыйзамсыз жумшап, федерациянын карамагындагы эс алуучу жайларды багытсыз иштетип жатканын айтып, анын иштен кетишин талап кылышты. Нааразылыкка чыккандардын бири, кесиптик кошуундун мүчөсү Венера Маймендеева акцияга чыккан себептерин эсептеп берди: -Мирбек Асанакунов көз боёмочулук менен, жасалма документтер менен төрага болуп шайланып алган. Читать дальше...

Жалал-Абаддын Базар-Коргон районунда өрттөн улам 21 жаштагы тургун көз жумду. 13-14 жаштагы эки өспүрүм күйүк алып, ооруканага түштү. Окуя 5-февралда Чарбак айылында болгон. Өрт өчүрүү кызматынын маалыматына ылайык, күндүз балдар үй ичиндеги күйүүчү май сактаган кампада бензин алып жаткан кезде өрт чыккан. Буга коопсуздук эрежелери сакталбаганы негиз болгон. Жабыркагандарды жергиликтүүлөр куткарып, ооруканага алып барышкан. Алардын абалы туруктуу. (RsK)

Москвада 21 жаштагы кыргызстандык мигрант жумуш берүүчүсүнүн - өкмөттүк мекеменин жетекчисинин колунан жабыр тарткан.

Орусиянын Орел шаарында Даниянын жараны Деннис Кристенсен "Жахабанын күбөлөрү" диний уюмунун жергиликтүү бөлүмүн жетектегени үчүн күнөөлүү деп табылып, алты жылга эркинен ажыратылды. 46 жаштагы Кристенсен - “Жахабанын күбөлөрү” Орусияда экстремисттик уюм катары таанылган соң ушундай айып менен кесилген биринчи адам. Тергөөнүн версиясына караганда, ал акча чогултуп, жаңы адамдарды тартыш үчүн диний үгүт менен алектенип келген. 2017-жылы кармалган Кристенсен Федералдык коопсуздук кызматы эгер ал күнөөсүн толук мойнуна алса... Читать дальше...

Ирандын тышкы иштер министри Мухаммад Жавад Зариф АКШнын президенти Дональд Трамптын Иранга каршы айыптоолоруна жооп кылып , “АКШнын душманчылыгы аларды  аймакты бүлгүнгө салган диктаторлорду, баш кесерлерди жана экстремисттерди колдоосуна алып келди”, - деп билдирди. 

Ушул жылдын жайында тажикстандык эмгек мигранттарына Катарга барып иштеп келүүгө жол ачылды. Тажикстандык эмгек жана миграция министринин орун басары Нурулло Махмадуллозода эки мамлекеттин ортосунда өкмөт аралык келишим түзүлүп, май айынан тартып Катарга биринчи эмгек мигранттары жөнөтүлөрүн билдирди. Маалым болгондой, Катарга жумушчулар министрлик аркылуу гана Доха талап кылган адистердин тизмесине ылайык жөнөтүлөт. Иштеп келем деген тажикстандыктар араб тилинин курсуна барышы зарыл. 2022-жылы Дохада футбол боюнча дүйнөлүк чемпионат өтөт... Читать дальше...

Өзбекстанда сот хижабга байланыштуу алгачкы ишти карай баштады. Эл аралык ислам академиясынын 17 жаштагы студентинин атасы окуу жайынын жетекчилигин кызын сабакка хижабчан келүүгө тыюу салганы үчүн сотко берген. Абдувохид Якубов анын арызы боюнча сот процесси 7-февралда уланарын билдирди. Ал ошондой эле Шайхонтохур райондук соту үч ай бою анын арызын кароодон баш тартканын кошумчалады. 2018-жылдын сентябрь айында Ташкенттеги Эл аралык ислам академиясы жоолук салынган кыздарга сабакка катышууга тыюу салган. Читать дальше...

Венесуэладагы азыркы кыйчалыш кырдаал, тарыхый тандоо мүмкүндүгү Кыргызстанда болуп өткөн окуялар менен табияты бир. Алардагы окшоштуктар жана айрым мыйзам ченемдүү сабактар тууралуу абактагы саясатчы Өмүрбек Текебаевдин ой толгоосу.

Маданият, маалымат жана туризм министрлигине караштуу Маалымат департаментинин юристи Кыял Кенжематова “Новые лица” гезитинин башкы редактору Лейла Саралаеваны сотко берди. Бул тууралуу “Азаттыкка” Саралаева өзү билдирди.  Анын айтымында, Кенжематова редакциядан гезиттин ар бир чыгарылышынан эки нусканы бекер берүүнү талап кылган. Саралаева мунун себебин сураганда мекеменин юристи жагдайды түшүндүрбөй, жөн гана алар милдеттүү экенин айтуу менен чектелген.  - Ал мага “мамлекет силерге тоскоол болбогону үчүн силер иш жүргүзүп жатасыңар... Читать дальше...