Кытайлыктардын Кыргызстанга мыйзамсыз киргендери жок
Бишкектин Ала-Тоо аянтында 17-январда активисттер Кыргызстанда мыйзамсыз жүргөн кытайлык жарандарды өлкөдөн кетирүүнү талап кылып митинг өткөрүшкөн. Ушундай эле митинг 7-январда болгон.
Кийинчерээк тышкы иштер министри Чыңгыз Айдарбеков Кыргызстандагы кытайлык мыйзамсыз мигранттарга каршы маанай Бишкек менен Бээжиндин алакасына залака тийгизе албай тургандыгын билдирген.
Расмий маалыматтар боюнча 2010-жылдан бери Кыргызстандын жарандыгын алган 352 кытайлыктардын 171и кыргыз, 72си уйгур, тогузу өзбек жана алтоо кытай улутундагылар болгон.
2010-жылдан бери чет өлкөлүк жарандар менен никеге турган кыргызстандыктардын саны 17 миң 669 болсо, анын ичинен 60 адам кытай жарандары менен баш кошкон. (ZKo)