შვეიცარიის სპეცსამსახურებმა დავოსში ჩაშალეს რუსეთის სპეცსამსახურების ოპერაცია. ამას იუწყება გამოცემა Tages-anzeiger-ი. ჯერ კიდევ ზაფხულში შვეიცარიის სპეცსამსახურებმა ყურადღება მიაქციეს შვეიცარიაში ჩასულ რუსეთის ორ მოქალაქეს. ერთ-ერთმა განაცხადა, რომ სანტექნიკოსი იყო. ამასთან, რუსები შვეიცარიაში სამი კვირით დარჩენას აპირებდნენ, მაგრამ ვერ შეძლეს კონკრეტული გეგმების დასახელება. ამან შვეიცარიის ხელისუფლებას ეჭვები გაუჩინა. გარდა ამისა, ორივე „ტურისტს“ რუსეთის დიპლომატიური პასპორტები ჰქონდა. გაზეთის წყაროების თანახმად, რუსები დავოსში შესაძლოა აპირებდნენ საუბრების საიდუმლოდ მოსმენას ან ჰაკერულ თავდასხმას ამზადებდნენ საერთაშორისო ეკონომიკური ფორუმის დროს. მაგრამ საბოლოოდ რუსები გაათავისუფლეს, ვინაიდან ვერ შეძლეს მათი ჯაშუშური საქმიანობის დამტკიცება. დღეს კი ფინანსისტმა უილიამ ბრაუდერმა განაცხადა, რომ რუსეთის სპეცსამსახურების მიზანი მისი დაპატიმრება იყო. მას მიაჩნია, რომ ოპერაცია დაკავშირებულია მის მცდელობებთან, საჯაროდ წარუდგინოს რუსეთის ხელისუფლებას რუსი იურისტის, სერგეი მაგნიტსკის მკვლელობის ბრალდება, დააზუსტა ბრაუდერმა რადიო თავისუფლებასთან საუბარში.
