უკრაინამ განაცხადა, რომ დაკავებულია MH17-ის ჩამოგდებისთვის პასუხისმგებელი „ბუკის“ გადაზიდვაში ეჭვმიტანილი პირი
უკრაინის უშიშრობის სამსახურმა განაცხადა, რომ დაკავებულია იმ საზენიტო-სარაკეტო კომპლექს „ბუკის“ გადაზიდვაში ეჭვმიტანილი პირი, რომლითაც 2014 წელს აღმოსავლეთ უკრაინის თავზე ჩამოაგდეს მალაიზიის ავიახაზების „ბოინგი“. ამის შესახებ განაცხადა უკრაინის უშიშროების სამსახურის მთავარი საგამოძიებო სამმართველოს უფროსმა ვიტალი მაიაკოვმა.
მაიაკოვის თქმით, დაკავებულია მძღოლი სატვირთო ავტომანქანისა, რომლითაც გადაჰქონდათ „ბუკი“ დონეცკის ტერიტორიაზე. გამოძიების თანახმად, კომპლექსი ქალაქში რუსეთის ტერიტორიიდან ჩაიტანეს.
2014 წლის 17 ივლისს აღმოსავლეთ უკრაინაში, დონეცკის ოლქში ავარია განიცხადა მალაიზიის ავიახაზების „ბოინგმა“. დაიღუპა მასში მყოფი 298-ვე ადამიანი. 19 ივნისს ნიდერლანდის პროკურატურამ მკვლელობის ოფიციალური ბრალდება წაუყენა რუსეთის სამ და უკრაინის ორ მოქალაქეს, რომლებიც აღმოსავლეთ უკრაინაში სეპარატისტების მხარეს იბრძოდნენ. გამოძიებას მიაჩნია, რომ ისინი არიან პასუხისმგებელი უკრაინაში „ბუკის“ ჩატანისთვის.