აშშ-ის და რუსეთის წარმომადგენლებმა დაასრულეს ბირთვულ ხელშეკრულებაზე მოლაპარაკების პირველი დღე
აშშ-მა და რუსეთმა 22 ივნისს დაიწყეს ორდღიანი მოლაპარაკება ატომური იარაღის კონტროლის შესახებ ძალაში დარჩენილი მათი უკანასკნელი ხელშეკრულების, ანუ ახალი START-ის შესახებ, რომელიც აწესებს შეზღუდვას ორივე ქვეყნის არსენალში გრძელი რადიუსის ბირთვულ ქობინებზე. ვენაში შეკრებილ დელეგაციებს ხელმძღვანელობენ აშშ-ის წარმომადგენელი, მარშალ ბილინგსლი და რუსეთის საგარეო საქმეთა მინისტრის მოადგილე, სერგეი რიაბკოვი. გავრცელებული ვარაუდით, ახალი START-ის თაობაზე ხელშეკრულება ახლო მომავალში ვერ გაფორმდება. მოქმედ ხელშეკრულებას ვადა 2021 წლის თებერვალში ეწურება.