თარაშ კანდელაკს სასამართლომ პატიმრობა შეუფარდა
საქართველოს მოკრივეთა ნაკრების ყოფილ წევრ თარაშ კანდელაკს სასამართლომ აღკვეთის ღონისძიების სახით პატიმრობა შეუფარდა. მსოფლიოს ჩემპიონ გიორგი კანდელაკის ვაჟს 18 წლის ე.თ-ის ცემაში ედება ბრალი. გორის რაიონული სასამართლოს მოსამართლე გერმანე დადეშქელიანმა ბრალდების მხარის შუამდგომლობა ცოტა ხნის წინ დააკმაყოფილა. პროკურორ ია მეფარიშვილის განცხადებით, ბრალდებულს არ გამოუჩენია გამოძიებასთან თანამშრომლობის სურვილი. არსად ჩანს კანდელაკის მობილური ტელეფონი და მაისური, რომელიც მას დანაშაულის ჩადენის დროს ეცვა. Читать дальше...