ევროკავშირის წარმომადგენელი: რუსეთი და უკრაინა წლის ბოლომდე მიაღწევენ გაზზე შეთანხმებას
უკრაინა და რუსეთი 2019 წლის ბოლომდე შეძლებენ შეთანხმდნენ ევროკავშირში ბუნებრივი აირის ტრანსპორტირების საკითხზე - აცხადებს ევროკავშირის მაღალჩინოსანი. "თუ ყველაფერი კარგად წავა და ყველა მხარე ერთსა და იმავე მიზნისთვის იმუშავებს, დარწმუნებული ვარ, რომ ეს პროცესი წლის ბოლომდე წარმატებით დასრულდება" - განაცხადა ევროპის კომისიის ვიცე-პრეზიდენტმა, მაროშ შეფჩოვიჩმა ბრიუსელში 21 იანვარს, მას შემდეგ, რაც უხელმძღვანელა რუსეთისა და უკრაინის წარმომადგენლების შეხვედრას. მოლაპარაკებაში მონაწილეობდნენ რუსეთის ენერგეტიკის მინისტრი, ალექსანდრ ნოვაკი და უკრაინის საგარეო საქმეთა მინისტრი, პავლო კლიმკინი, ისევე, როგორც უკრაინის სახელმწიფო ენერგოკომპანიის, ნაფტოგაზისა და რუსეთის გაზის გიგანტი ორგანიზაციის, გაზპრომის წარმომადგენლები. შეფჩოვიჩი აცხადებს, რომ მხარეებს შესთავაზა კომპრომისული წინადადება, მაისში დანიშნული შემდეგი სამმხრივი შეხვედრის წინ განსახილველად. შევჩოვიჩმა ასევე თქვა, რომ მიმდინარე ზამთარს არ მოელის პრობლემებს რუსეთის გაზის უკრაინის გავლით ევროპისთვის მიწოდების პროცესში. კიევი შიშობს, რომ მოგებას დაკარგავს მას შემდეგ, რაც ვადა გაუვა მიმდინარე, 10-წლიან კონტრაქტს, იმ ფონზე, როცა მოსკოვთან კავშირები დაძაბულია რუსეთის მიერ ყირიმის ანექსირების და აღმოსავლეთ უკრაინაში სეპარატისტების მხარდაჭერის გამო.