ამერიკული ნაღმოსანი ხომალდი საქართველოშია
დღეს დილით საქართველოს ტერიტორიულ წყლებში შემოვიდა აშშ-ის სამხედრო-საზღვაო ძალების ხომალდი „დონალდ კუკი.“ ის ამჟამად ბათუმის პორტში იმყოფება. ტაქტიკური რაკეტებითა და საარტილერიო დანადგარებით აღჭურვილი ამერიკული გემი საქართველოს ტერიტორიულ წყლებში 25 იანვრამდე დარჩება და სანაპირო დაცვის სამსახურთან ერთად მონაწილეობას მიიღებს სხვადასხვა წვრთნაში. საქართველოს სანაპირო დაცვის სამსახურის განცხადებით, ამერიკული სამხედრო ხომალდის შემოსვლა მიზნად ისახავს სტაბილურობის განმტკიცებას შავ ზღვასა და მთლიანად რეგიონში. “დონალდ კუკი” საესკადრო ნაღმოსანი ხომალდია, რომელიც აღჭურვილია “არლი ბიორკის” ტიპის სამართავი რაკეტებით.