ბავშვებში ტყვიის შემცველობის დასადგენად 20 სექტემბრიდან კვლევა იწყება
საქართველოს დედაქალაქთან ერთად ქვეყნის 10 რეგიონში, მათ შორის აჭარაში, 1 500 ბავშვს გამოიკვლევენ. კვლევას ჩაატარებს სტატისტიკის ეროვნული სამსახური, გაეროს ბავშვთა ფონდის მხარდაჭერით. როგორც ბათუმში გამართულ საინფორმაციო შეხვედრაზე აღინიშნა, შეგროვდება მონაცემები ოჯახების, ბავშვებისა და ქალების მდგომარეობის შესახებ. გარდა ამისა, შემოწმდება წყლის ხარისხი ნაწლავის ჩხირის ბაქტერიაზე.