Новости за 28.10.2020

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.

Аԥсны ААР аусзуҩцәа имҩаԥырго антинаркотикатә реидқәа азырхоуп Аԥсныҟа анаркотикқәа раагара аԥкразы.

Аԥсны атуризм аминистр Ҭеимураз Хышба Аԥсуа телехәаԥшраҿы апресс-конференциа мҩаԥигеит жьҭаара 28 рзы.

Ақалақь аҟны аӡы аҟамзаара рыдҳәалоуп жьҭаара 29 рзы имҩаԥысуа аремонттә усурақәа.

91 шықәса зхыҵуа Раиса Голанӡиаԥҳа акороновирус лхылгеит. Уи ачымазара дшаиааиз атәы арадио Sputnik Аԥсны аефир аҿы еиҭалҳәеит.

Апансионатқәа реидгыла "Акурорт Пицунда" адиректорс нанҳәа 7 рзы дҟаҵан Фрикан Гәынба. Уаанӡа ари аҭыԥ никылон Нодар Шьаҟрыл.

Аус аӡбарҭатә еилыргара ҿыц азуразы инашьҭуп Аԥсны Иреиҳаӡоу аӡбарҭахь.

600 нызқьҩык атуристцәа Аԥсны иаҭааит нанҳәа 1 аахыс, Аԥсни Урыстәылеи рҳәаа анаадырт ашьҭахь.

Аԥсны атуристтә сезон ыҟан ҳәа уҳәар ауеит ҳәа иҳәеит ареспублика атуризм аминистр Ҭеимураз Хышба жьҭаара 28 рзы апресс-конференциаҿ.

Мҷышьҭатәи акалмаҳааӡарҭа Аӡеиқәа аҟәараҿы еиҿкаауп. Иргылан 1935 шықәса рзы.

Аҳәынҭқарратәи ауаажәларратәи усзуҩ Лев Шамба арадио Sputnik аефир аҟны дигәалаиршәеит Паҷ Харитон-иԥа Барцыц.

Урыстәыла Аладатәи арратә округ арратә медусзуҩцәа уахи-ҽни инеиԥшьны амобилтә госпиталь аҿы арациентцәа рыдыркылоит. Уажәтәи аамҭазы агоспиталь аҟны рхы рхәышәтәуеит 60 пациент, COVID-19 змоу.

2020 шықәса жьҭаара 15 инаркны абҵара 27-нӡа акоронавирус алаҵәара аԥкрази COVID-19 змоу рхыԥхьаӡара аларҟәрази ареспублика ашколқәа рҿы акарантин рылаҳәоуп.

2017 шықәса нанҳәамзазы жәеиза шықәса зхыҵуаз Кьасоу Лаӷынӡиа инапы абаҟахаҳә ақәҳаит. Акультура-гәыҳалалратә фонд "Ашана" аоперациаз аԥара еизганы Новосибирсктәи аклиникақәа руак ахь дрышьҭит.

Аҭҵаарадырратә центр "Вектор" атест-системақәа урыстәылатәи аган иаанашьҭит Аԥсны акоронавирустә инфекциа аламырҵәаразы ацхыраараз.

Акоронавирустә инфекциа алаҵәареи аепидемиологиатә ҭагылазаашьа аицәахареи инарыдҳәаланы Агәабзиарахьчара аминистр Ҭамаз Ҵахнакьиа жьҭаара 23 рзы Аԥсны анҭыҵ аус зуа ҳџьынџьуаа амедусзуҩцәа рыцхырааразы ааԥхьара ҟаиҵеит.

Арахәааӡара иадҳәалоу жәлар разгәаҭарақәа арадио Sputnik аефир аҟны еиҭалҳәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.

Иахьазы Аҟәа игылоу урыстәылатәи амобилтә госпиталь иҭоуп 55 пациент Аԥсны атәылауаа.

Ашьапылампыл азы Аԥсны Ахраҿа афиналбжаҿ гәдоуҭатәи "Риҵеи" очамчыратәи "Ерцахәи" рыхәмарра мҩаԥысит аҟәатәи астадион "Динамо" аҿы жьҭаара 27 рзы. Атурнир афинал ахь анеиразы ахәмарры шымҩаԥысуаз Sputnik Аԥсны аматериал аҿы.