Новости за 18.11.2018

Ауаажәларратә усзуҩ, аиҭагаҩ Октаи Ҷкотуа арадио Sputnik Аԥсны аефир аҿы еиҭеиҳәеит Аҟәырҟан аԥсшәахь аиҭагара аус нап шаиркыз атәы.

Ахәыҷы ахьыӡ иҭара иадҳәалоу ақьабзқәеи, "ихьыӡ даԥсахааит" ҳәа аԥсуаа ражәа иалоу ҵакыс иамоуи ртәы дырзааҭгылоит Нарҭдырреи адәынтәи афольклорҭҵаареи рцентрр аҭҵаарадырратә усзуҩы Есма Ҭодуаԥҳа.

Гагра ақалақь ахада ихаҭыԥуаҩ Геннади Ҵәыџьба арадио Sputnik Аԥсны аефир аҿы еиҭеиҳәеит Гагреи Иалтеи ҩ-ганктәи аимадара аиқәшаҳаҭра анапаҵаҩра алшарақәас ирнаҭо атәы.

Изныкымкәагьы еиуеиԥшым астудиақәа иҭырххьеит ҳтәыла иазку адокументалтә фильмқәа, убас жанр рацәала акиноқәа, асериалқәа уҳәа рзы ахазхҭысқәа.

Сынтәа Очамчыратәи акоманда хада "Ерцахә" Аԥсны ашьапылампыласратә чемпионат иалахәӡам, ахәмарҩцәа реиҳараҩыкгьы егьырҭ агәыԥқәа рахь еимпит. Изеиԥшроузеи Очамчыра араион аҟны аспорт аҭагылазаашьа, абри азҵаара аҭак Sputnik акорреспондент Аинар Ҷыҭанаа ианҵамҭаҿ.

Амилаҭ маҭәа ианыԥшуеит иара зтәу ажәлар рҟазара, ргьама, рестетикатә ҭахрақәа. Ажәларқәа рхатәы маҭәа ашьақәгылараҿы ирацәаны афакторқәа анырра ҟарҵоит: иахьынхо агеографиатә еилазаара, рбзазаратә нхашьа, рқьабзқәа, етносла иахьаҵанакуа уҳәа.

Иахьа аҵыхәтәантәи имҩахь днаскьаргоит аԥсуа ҵарауаҩ, абызшәадырыҩ Борис Џьонуа. Аԥсуаҭҵааратә институт аиҳабы Арда Ашәба арадио Sputnik Аԥсны аефир аҿы иазгәеиҭеит аҵарауаҩ иус иацызҵо иахьа аҭҵаарадырраҿы дшыҟам.

Иахьа аҵыхәтәантәи имҩахь днаскьаргоит аԥсуа ҵарауаҩ, абызшәадырыҩ Борис Џьонуа. Аԥсуаҭҵааратә институт аиҳабы Арда Ашәба арадио Sputnik Аԥсны аефир аҿы иазгәеиҭеит аҵарауаҩ иус иацызҵо иахьа аҭҵаарадырраҿы дшыҟам.