Новости за 06.11.2018

Гәдоуҭа араион ахада Руслан Ладариа арадио Sputnik Аԥсны аефир аҟны еиҭеиҳәеит 2019 шықәса рзы араионтә биуџьет зеиԥшрахо атәы.

XV-тәи жәларбжьаратәи ахәыҷтәы фестиваль-еицлабра "Без границ" мҩаԥысит Санкт-Петербург, абҵара 4 — 6 рзы.

Мызкы аахижьҭеи Гагра апальмақәа рыхәшәтәра нап аркуп.

Аинтеллектуалтә хәмаррақәа рзы Аԥсны аабатәи ачемпионат аиҿкааҩцәа иреиуоу Дана Кәыџԥҳа арадио Sputnik аҟны еиҭалҳәеит ахәмаррақәа хықәкы хаданы ирымоу.

Абҵара 6, 1978 шықәсазы Аԥсуа телехәаԥшра аефир ахь аҭыҵра иалагеит, уи ахҭыс аахыижьҭеи иҵуеит 40 шықәса.

40 шықəса аҧсыуа ҩнаҭацыԥхьаӡа аҧсышəала абжьы гоит Аҧсуа телехəаҧшра. Уи аиреи, ашьақəгылареи, аиҿкаареи, аусуреи шҳəаақəҵоу ртəы Сырма Ашəҧҳа ланҵамҭаҿы.

Ҽнак аусура сымцар, сычмазаҩхоит ҳәа азгәалҭеит арадио Sputnik Аԥсны аефир аҿы ҩынҩажәа шықәса Аԥсуа телехәаԥшраҿы аус зуа арежиссиор Лиудмила Ҳагԥҳа.

Инеиԥанкыланы 24 шықәса Аԥсуа телехәаԥшраҿы дикторс иҟаз, иахьа аредакторс аус зуа, аҿарацәа зԥышәа рымыздо Емма Адлеиԥҳа лҭоурых, ажурналист Елеонора Коӷониаԥҳа лматериалаҿы.

Иамоума зегьы бзиа еицырбо аԥсуа амандарина аԥеиԥш, иарбан ҭыԥу иара Аԥсны ақыҭанхамҩаҿы иааннакыло, абри атәы арадио Sputnik Аԥсны аефир аҟны еиҭеиҳәеит агрофирма "Софиа" адиректор ихаҭыԥуаҩ Виачеслав Анқәаб.

Аԥсуа телехәаԥшра адиктор Емма Адлеиԥҳа арадио Sputnik Аԥсны аефир аҟны илгәалалыршәеит раԥхьаӡа акәны аефир ахь лцырҵра шыҟалази, лусура илнаҭаз аԥышәеи ртәы.

Абҵара хба рзы апальмабжы аҟынтәи аҵлақәа рыхәышәтәра мҩаԥысуан Аҟәатәи аиндустриалтә коллеџь ааигәара.

Очамчыратәи ахәыҷтәы ансамбль "Абжьыуаа" афестиваль-конкурс "Богатство России" аҿы иқәгылеит. Афестиваль мҩаԥысит Пиатигорск, абҵара 3 рзы.