Новости за 07.11.2018

Гал араион ақыҭанхамҩа аусбарҭа аиҳабы Ҭамаз Ҵәыџьба арадио Sputnik аҟны еиҭеиҳәеит араион аҟны сынтәатәи аџьықәреи аҽаҩра зеиԥшроу.

Арадио Sputnik амҩаԥгаҩцәа иреиуоу, "Аԥсны зҽаԥсазтәыз ажурналист" ҳәа ахьӡ зыхҵоу Сусана Саӡԥҳа аефир аҟны иазгәалҭеит ус еиԥш аҳаҭыртә хьӡы аҭакԥхықәра ду шлыднаҵо.

Аррамаҵзурауаа, аԥснытәи аполигонқәа "Нагвалоу", "Гәдоуҭа", "Ҵабал" рҟны 12 гектар рҟынӡа аҭыԥқәа дрыцқьароуп.

Арадио Sputnik амҩаԥгаҩцәа иреиуоу, ааигәа "Аԥсны зҽаԥсазтәыз ажурналист" ҳәа ахьӡ зыхҵоу Елеонора Коӷониаԥҳа аефир аҟны лгәаанагара лҳәеит арҿиара знапы алаку аҳаҭыртә хьыӡқәа рыҭара азҵааразы.

Аԥсны иҟоу Аладатәи арратә базаҿы аррамаҵзура иахысуеит 2 000-ҩык инарзынаԥшуа.

Агәыҳалалратә фонд "Ашана" аиҳабы Мактина Џьынџьалԥҳа еиҭалҳәеит Перм имҩаԥысуаз хатәгәаԥхарала ацхыраара ҟазҵо рфорум аҿы лкаақәас иҟаҵаз.

Аурыс-аԥсуа ҳәааҿы иааныркылаз ахаҵа ԥшьышықәса афедералтә шьҭазаара даҵанакуан.

Ахәыҷтәы шьапылампылтә команда Аҟәатәи "Динамо" Шәача имҩаԥысуаз ахәыҷтәы-қәыԥштә турнир аҿы ахԥатәи аҭыԥ аанакылеит, абри атәы арадио Sputnik Аԥсны иазеиҭалҳәеит Аҟәатәи "Динамо" ахәыҷқәа рҭаацәаратә хеилак ахантәаҩы Гәыранда Ҳашԥҳа.

Аԥсуа бызшәала раԥхьатәи ажәабжьқәа аефир ахь иҭыжьын абҵара 6, 1978 шықәса рзы. Абри амш ателерадиоеилахәыра аншьаҭаркыз амш ҳәа иԥхьаӡоуп.

Аԥсны Аҩныҵҟатәи аусқәа рминистрра асаит аофициалтә дыррақәа рыла, 2018 шықәса жьҭаарамзазы амҩатә машәырқәа еилагоуп ҳәа 4629 ҳәахьанҵа мҩаԥган, урҭ рҟынтәи 259 - амашьына аԥсҟы арыжәтә ыжәны акразы.

Аԥсны ахада Рауль Ҳаџьымба абҵара 6 рзы инапы аҵаиҩит "Аԥсны Аҳәынҭқарра зҽаԥсазтәыз ажурналист" ҳәа ахьӡ ахҵаразы Аусԥҟа.