Новости за 14.11.2018

Ахәыҷтәы вокалтә конкурс "Абжьы зхоу" азы апресс-конференциа мҩаԥысит Sputnik апресс-центр аҿы абҵара 14 рзы.

Адәныҟатәи аусқәа рминистрраҿы агәрагара рымоуп ЕАШ арра-транспорттә ҳаирплан дуқәа рыдкылара зылшо арратә ҳаиртә баӷәаза Аахыҵ Кавказ аҟны НАТО иалагистикатә центрны ишыҟало азы.

Ашәаҳәаҩ Хьыбла Мықәԥҳа арадио Sputnik Аԥсны аефир аҿы еиҭалҳәеит апроект ҿыц "Абжьы зхоу" хықәкыс иамоу атәы.

Ирҿыцу аспектакль "Гәараԥаа рԥисар" апремиера мҩаԥысит аԥсуа драматә театр аҟны.

Абҵара 13 ауха ԥшь-сааҭк инарзынаԥшуа Аԥсны араионқәа фымцалашарада иҟан, афымцатә цәаҳәа "Очамчыра 220"аҟны иҟалаз авариа иахҟьаны.

Абҵарамза 14, 60 шықәса ихыҵит аԥсуа литератураҭҵааҩы, афилологиатә наукақәа ркандидат Уасил Аҩӡба.

Агәыҳаларатә фонд "Ашана" аиҳабы Мактина Џьынџьалԥҳа арадио Sputnik Аԥсны ишишоу ицо аефир аҿы иазгәалҭеит "Ақьиара амш" Аԥсны ашколқәа зегьы рҿы ишымҩаԥысыз.

Аҟәа ақалақь аҿы аԥсыҭбара зцыз амҩатә машәыр ҟалеит Адлеиба имҩаҿы, аҩаша, абҵара 13 рзы.

Автомашьына Hyundai Sonata автобус маҷ Mercedes-Benz Жәандәрыԥшь ақыҭа ааигәара еиҿасит. Иҟоуп ааха зауз.

Акурорт аҿы еиуеиԥшым аԥырхага зуа амаҵақәа рыҟазаара иазкны Шәачатәи аусутә клуб аилатәара мҩаԥнагеит Олимпиисктәи ауниверситет аҿы абҵара 11 рзы.

Абҵара 14 рзы асааҭ 16:00 Очамчыра имҩаԥысуеит Оҭар Хәынҵариа ихьӡ зху жәлар ринструментқәа рыла ишьақәгылоу аоркестр аконцерт, уи акультура аминистрра ишьақәнаргылаз аплан ала иазгәаҭоуп, абри атәы иҳәеит арадио Sputnik аефир аҿы аоркестр асахьаркыратә напхгаҩы Денис Арухаа.

Аҟәатәи ашкол № 2 аҟны имҩасит "Аҳалалра аурок". Абри атәы шәаԥхьар шәылшоит Sputnik аматериал аҿы.

Урыстәыла атәылахьчара аминистрра арҵаратә Центр аушьҭымҭацәа Аԥсны иҟоу Аладатәи арратә округ аҟәшақәа хадырҭәааит.