Рөстәм Миңнеханов илче Капур белән Татарстан һәм Һиндстан хезмәттәшлеге турында сөйләште
Татарстан Рәисе Рөстәм Миңнеханов Һиндстанның Россиядәге Гадәттән тыш һәм Тулы вәкаләтле илчесе Паван Капур белән очрашты. Ул Казанга Әфганстан буенча консультацияләрнең Мәскәү форматы утырышында катнашу өчен килде. Татарстан җитәкчесе матбугат хезмәтендә шул хакта хәбәр иттеләр.
Алар Татарстан һәм Һиндстан хезмәттәшлеге турында фикер алышты. Рөстәм Миңнеханов билгеләп үткәнчә, узган елда товар әйләнеше 278 млн доллар тәшкил иткән, әмма аны үстерү өчен зур потенциал бар.
«Россия белән Һиндстан мөнәсәбәтләре дуслык һәм үзара хөрмәт традицияләренә таяна. Татарстан Россия-Һиндстан мөнәсәбәтләре үсешенә үз өлешен кертә», - диде Татарстан Рәисе.
Аның фикеренчә, Татарстан һәм Һиндстанга эшлекле элемтәләрне активлаштырырга кирәк, мисал өчен, бизнес-делегация оештырып. Алар хезмәттәшлекнең ике төбәк өчен дә кызыклы юнәлешләрен билгели алыр иде.