Түбән Новгород татарлары милли-мәдәни автономиясе татар телен өйрәнү курслары оештыра
Түбән Новгород татарларының төбәк милли-мәдәни автономиясе татар телен өйрәнү курсларына чакыра, диелгән мөхтәриятнең ВКонтакте челтәрендәге сәхифәсендә хәбәр ителә.
Түбән Новгородта татар телен өйрәнергә теләүчеләрнең барысын да татар телен өйрәнү курсларына гариза язулары сорала. Әлегә исемлек төзелә. Гаилә белән дә курсларга килергә була, гариза һәр кешегә аерым тутырыла, диелгән хәбәрдә.