Түбән Камада хәрби операциядә һәлак журналист Комаров хөрмәтенә мемориаль такта ачылды
Түбән Камада «НТР» редакциясе бинасында журналист Александр Комаров хөрмәтенә мемориаль такта ачылды. Ул махсус хәрби операция зонасында һәлак булды. Бу хакта муниципалитет хакимиятенең телеграм-каналында хәбәр ителә.
Тантанада каһарманның туганнары һәм хезмәттәшләре, «Татмедиа» матбугат һәм массакүләм коммуникацияләр буенча республика агентлыгы җитәкчесе Айдар Сәлимгәрәев катнашты.
Исегезгә төшерәбез, Комаров «Алга» батальоны составында махсус операция зонасына үз теләге белән китә. 2023 елның 6 февралендә ул Угледар шәһәре янында һәлак була.
«НТР» да 10 елдан артык эшләгән журналист хөрмәтенә телерадиокомпания территориясенә чыршы утыртканнар. Аны «Нефтехимик» эзләү отряды әгъзалары Карелиядән алып килгән.
Шуны искәртәбез: бу көннәрдә Түбән Камада уза торган «Камский бриз» төбәк телекомпанияләре фестивале «НТР» телеканалы журналисты Александр Комаров истәлегенә багышланды. Хатыны теләге белән аның исеме вакыйганың «Геройлар» төп премиясенә ия булды.