Милли китапханәдә яшь җырчы Зәринә Вилданова концерты була
Җырчы Зәринә Вилданова 15 сентябрьдә 18.00 сәгатьтә Татарстан Милли китапханәсендә концерт куя.
«Ilgiz, Malsi Music, The CheekLaWeek төркемнәре, Тимур Вәлиев катнашында концерт була. Зәринә Вилданова дуслары һәм фикердәшләре белән бергә яраткан җырларын акустик һәм электрон вариантта башкарачак. Концерт Милли китапханәнең «Отдел искусств» концертлар сериясе кысаларында уза», - дип хәбәр итә Yummy Music лейблы матбугат хезмәте.
- Зәринә Вилданова Ильяс Әүхәдиев исемендәге Казан дәүләт музыка көллиятен һәм Россия театр сәнгате институтын (ГИТИС) тәмамлаган. Ул — Jager Music Awards музыкаль премия финалисты, Ballet Beyond Borders, Үзгәреш җиле, Татар моңы, Мин татарча сөйләшәм, Tat Cult Fest һәм башка фестивальләр катнашучысы, The CheekLaWeek төркеме һәм Sak-Sok перформансы солисты.