Новости за 29.05.2023

Болгар ислам академиясе һәм Татарстанның Фәннәр академиясе Сөләйман бине Дауд әс-Саксининың «Бакчаларның гүзәллеге һәм сырхау күңелләрнең юанычы» китабын бастырып чыгарды.

Парижның Көнчыгыш телләре һәм мәдәниятләре милли институтында (INALCO) татар язучыларының китаплары тәкъдим ителү көннәрендә татар язучысы Ленар Шәех һәм Төркиянең Сәлҗук университеты мөгаллиме Алсу Шәмсутова дөньякүләм танылган балет биючесе Рудольф Нуриевның каберен зиярәт кылганнар

https://tatar-congress.org/

Татарстанның Азнакай районында туып үскән татар спортчысы Алсу Абдуллина «Челси» хатын-кызлар командасы составында Англия чемпионы булды. Бу хакта Бөтендөнья татар конгрессының матбугат хезмәте хәбәр итә.

Бу - «Челси» клубының рәттән дүртенче тапкыр чемпион калуы. Команда исәбендә - барлыгы 7 җиңү. 2017 елгы титул исә, күчеш тибындагы турнирда ярышларны үткәрү системасы алышынган вакытта яуланганлыктан, рәсми рәвештә танылмады.

https://tatar-congress.org/

Парижның Көнчыгыш телләре һәм мәдәниятләре милли институтында (INALCO) татар язучыларының китаплары тәкъдим ителгән.

https://tatur.tatarstan.ru/

27 майда Свердловск өлкәсенең Лёвиха бистәсе мәдәният һәм ял паркында татар-башкорт халкының традицион бәйрәме – Сабан туе узды. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Сабан туенда барысы да (дәртле җырлар һәм күңелле биюләр, мастер-класслар, көч һәм җитезлектә ярышу, кунакчыллык һәм ачык йөз) бар иде.

Мактаулы кунаклар арасында исә Татарстанның Свердловск өлкәсендәге Даими вәкиле Хәйдәр Гыйльфановны... Читать дальше...

РФ прокуратурасының мактаулы хезмәткәре, Татарстанның атказанган юристы, күзәтү ведомствосы ветераны Фәрит Сафин вафат булды. Аңа 73 яшь иде.

Иртәгә Казанда, Салих Сәйдәшев һәйкәле янындагы мәйданда мәшһүр татар композиторының шәхесе һәм иҗатына багышланган IX «Халык мәхәббәте лауреаты» музыкаль сәнгать бәйрәме була.

Быел Башкортстанда уртача хезмәт хакы 15,8 процентка үскән. Республика халкының айлык кереме гыйнвардан алып 42,5 меңнән 46 979 сумга кадәр арткан. Омбудсмен Михаил Закомалдин Дәүләт Җыены – Корылтай утырышында республикада кеше хокуклары үтәлешенә багышланган докладында шундый мәгълүматлар китерде. Бу хакта «Башинформ» агентлыгы хәбәр итә.

«ТИ-Спорт» порталына билгеле булганча, иртәгә Казан Кремлендә Татарстан Рәисе Рөстәм Миңнехановның «Ак Барс» хоккей клубы белән очрашуы көтелә.

«Теләче-информ» мәгълүмат үзәге һәм Туган якны өйрәнү музее хезмәткәрләре «Музейный десант» дип исемләнгән бәйгедә җиңүчеләрне бүләкләгән. Бәйге райондагы музейларның эш тәҗрибәсен өйрәнүгә багышланган.

Чувашиянең «Гөлстан» мәдрәсәсендә белем алучы дүртенче курс шәкертләре диплом эшләре яклады. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Полиция хезмәткәрләре 35 яшьлек ир-атны тоткарлаган, ул 28 яшьлек Казан кешесен үтерүдә шикләнелә. Аның мәетен кичә кич Казанның Восстание урамындагы бер йортның ишегалдында тапканнар.

Киез аяк киеме – итек җитештерүчеләргә салымнар һәм иминият взносларының барлык төрләрен кичектереп түләү хокукы биреләчәк. Аның максималь срогы бер елдан да артык түгел, яки өч ел дәвамында өлешләп түләргә мөмкин. Итек җитештерүгә ташламалар РФ Хөкүмәтенең бүген үз көченә керә торган яңа карары белән билгеләнгән. Бу хакта «Парламентская газета» яза.

Республика Рәисе һәм «Россия — Ислам дөньясы» Стратегик күзаллау төркеме рәисе Рөстәм Миңнеханов Төркиянең гамәлдәге лидеры Рәҗәп Тайип Эрдоганны Төркия Президентын сайлауда җиңүе белән тәбрик итте.

24-25 май көннәрендә Татарстан Республикасының Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Курган өлкәсенең Йолдыз (Эчкен) авылына барган иде. Биредә Васил Шәйхразыев Курган өлкәсе губернаторы Вадим Шумков һәм милләттәшләребез белән очрашты.

26 майда Татарстаннан һәм тирә-яктан килгән мөселманнар Чүпрәле районының Татар Тюки авылында Абыз бабай кабере янында җыелды. Бу турыда Татарстан Диния нәзарәте хәбәр итте.

25 май көнне Яңа Малыклы районы Иске Исәнтимер авылы мөәзине, «Ак әбиләр» фольклор төркеменең оста гармунчысы Сәгыть Калимуллов юбилейлы туган көнен билгеләп үтте. Бу турыда «Өмет» газетасы телеграм-каналында хәбәр итте.

Төмән татарларының «Яңарыш» газетасында Римма Умитбаеваның «Тубылда «Зәнкиев укулары» дигән язмасы чыкты.

Зәй шәһәренең Ринат Фәрдиев исемендәге татар гимназиясендә капиталь төзекләндерү эшләре бара. Шунысы да бар, белем йорты заманча төзекләндерелгән бина белән беррәттән укыту процессында да үзгәрешләр кичерәчәк. Татар телендә белем бирү, бердәм форма - гимназияне төп аерып торучы элементлар. Бу хакта «Зәй хәбәрләре» сайтында хәбәр ителә.

Бу ял көннәрендә Татарстан Экология һәм табигать ресурслары министрлыгының Кама буе территориаль идарәсе инспекторлары һәм Чаллы шәһәре Башкарма комитетының Комсомол районы администрациясе хезмәткәрләре Бумажников бульварында өмә үткәрде. Бу хакта министрлыкның матбугат хезмәте хәбәр итә.

Арча муниципаль районының Чулпан авылында яңа фельдшер-акушерлык пункты төзелеше төгәлләнә. Модульле технология буенча ФАП төзелеше Сәламәтлек саклау илкүләм проектының беренчел сәламәтлек саклау звеносын модернизацияләү программасы ярдәмендә алып барыла. Бу хакта Татарстан Сәламәтлек саклау министрлыгының матбугат хезмәте хәбәр итә.