Новости за 10.02.2023

Арча районында яңа стоматология поликлиникасы ачылды. Нәкь элекке 1938 елда төзелгән бина урынында урнашкан поликлиниканы ачу тантанасында район башлыгы Илшат Нуриев катнашты. «Арча хәбәрләре» сайтында шул хакта хәбәр ителә.

Татарстанда «Финанс грамоталылыгы культурасын тәрбиялибез» проекты кысаларында пенсиягә кадәрге һәм пенсия яшендәге кешеләр белән очрашу узды. Анда аларга телефон аферистлары хәйләләренә эләкмәү турында җентекләп сөйләделәр. Россия Эчке эшләр министрлыгының Казан буенча идарәсе матбугат хезмәте шулай дип хәбәр итә.

Россия төзелеш министры Ирек Фәйзуллин Президент Владимир Путинга яңа йортлардан алган фатирларны җиһазлауны ипотекага кертү тәкъдиме белән мөрәҗәгать итте.

«Блогерлык иртән теш чистарту кебек, аңа күнегергә кирәк», – ди Айдар Сәлимгәрәев.

Мисырда XXIX Халыкара Коръән укучылар бәйгесе узды. Бәйгене вакфлар эшләре буенча министрлык оештыра. Россия Мөфтиләр шурасы шул турыда хәбәр итә.

Татарстан Дәүләт Советы Рәисе урынбасары Марат Әхмәтов «Актаныш таңнары» газетасының 90 яшьлек юбилей тантанасында «басма матбугатны башка бернинди матбугат чарасы да алмаштыра алмый», – дип белдерде. 

Соңгы мәгълүматларга караганда, Төркиядә җир тетрәүләрдән һәлак булучылар саны 19 388 булган. Бу хакта илнең Президенты Рәҗәп Тайип Эрдоган Малатьеда узган брифингта сөйләде. РИА Новости шул турыда хәбәр итә.

Татарстан Дәүләт Советы Рәисе урынбасары Марат Әхмәтов «Актаныш таңнары» газетасын 90 яшьлек юбилее белән котлады. 

Уфа программисты Айгиз Кунафин «Алиса» колонкасына охшатып, тик башкорт телендә сөйләшә торган акыллы колонка ясый. Бу турыда «Башинформ» яза.

Төркиянең җир тетрәгән төбәгендә 78 мең 199 бина җимерек яки ярым җимерек хәлдә. Бу хакта телевидение журналистларына Төркия әйләнә-тирә мохит, урбанизация һәм климат министры Мурат Курум әйтте.

Бу көннәрдә Казанда Big Twin Arena мәйданында кышкы зур музыка фестивале уза. Оештыручылар татар төркемнәрен дә фестивальдә катнашырга өндәде.

Алтай шагыйре, шәрык белгече-тюрколог, Россиянең атказанган мәдәният хезмәткәре Бронтой Бедюров халык санын алуның дөреслеге татар халкы өчен генә түгел, ә күп милләтле Россиядә яшәүче кече халыкларның барлык вәкилләре өчен дә мөһим дип саный.

Иртәгә, 11 февральдә, Татарстанда һава торышы бозылыр дип көтелә. Көндез буран, шулай ук тизлеге секундына 16 метрга кадәр җитә торган көчле җил булыр дип фаразлана. Бу хакта республиканың Гидрометеорология үзәге хәбәр итә.

Шамил Садыйков Актаныш районын «иҗат чишмәсе» дип атады.

Республика муниципалитетлары арасында Әлмәт һәм Әлмәт районы аерым статуска ия, дип билгеләп үтте Татарстан Рәисе Рөстәм Миңнеханов. Бу хакта ул район һәм шәһәр советлары утырышында әйтте. Утырыш 2022 ел йомгакларына һәм 2023 елга планнарына багышланды.

9 февральдә Свердловск өлкәсе сәнәгать һәм фән министры Сергей Пересторонин җитәкчелегендәге Свердловск өлкәсе делегациясе Татарстанга килде.

Төркиядә җир тетрәү корбаннары саны 18 мең 991 булды, 75 меңнән артык кеше яраланган. Шулай итеп, әлеге җир тетрәү – 1939 елгы афәттән соң иң җимергече. Җомга көнне президент Рәҗәп Тайип Эрдоган шулай дип хәбәр итте.

Казан аэропортында 13 февральдә 12 сәгатьтә Төркиядәге җир тетрәүдән зыян күрүчеләргә гуманитар ярдәм кабул итү үзәге эшли башлый. Аэропортының матбугат хезмәте шул турыда хәбәр итә.

15 февраль көнне шагыйрь, Советлар Союзы Герое Муса Җәлилнең тууына 117 ел тула. Мәскәүдә 12.00 сәгатьтә Татарстан Республикасының Россия Федерациясендәге Тулы вәкаләтле вәкиллеге шагыйрьнең  һәйкәленә чәчәкләр салу тантанасы уздыра.

Тамашачылар Ильяс Әүхәдиев исемендәге Казан музыка көллиятенең Дина Венедиктова җитәкчелегендә катнаш хорын ишетә алачак.

Самара өлкәсе башкаласында «Самара китап ярминкәсе» дигән беренче халыкара махсуслаштырылган күргәзмә уза. Ул «Экспо-Волга» күргәзмә үзәгендә оештырыла һәм дүрт көн - 9 февральдән 12 февральгә кадәр дәвам итәчәк. «Самара татарлары» стендында татар телендә уникаль раритет басмалар тәкъдим ителәчәк.

Кичәдә күргәзмә дә эшләячәк: дирижерның сәхнә костюмы, дирижёр таякчыгы, музыка уен кораллары, фотолар һ.б. экспонатлар куела.

21 февральдә Россия Президенты Владимир Путин Федераль Җыенга юллама белән чыгыш ясаячак. Бу хакта ТАСС агентлыгы дәүләт башлыгының матбугат сәркатибе Дмитрий Песковка сылтама белән хәбәр итә.

Чечня Конституциясенә төзәтмәләр керттеләр, аны кырыгынчы утырышта республика парламенты әгъзалары бертавыштан хуплады. Документ төбәк башлыгы вазифасын чечен телендә «Мехк-Да» дип атауны аныклый. Бу хакта Чечня парламенты спикеры Магомед Даудов хәбәр итте.

9-11 февраль көннәрендә Казанда Big Twin Arena мәйданында кышкы зур музыка фестивале уза. Бу чара «Волга-Волга Fest» һәм «Big Twin Fest» фестивальләрен берләштерү нигезендә барлыкка килгән.