Новости за 24.02.2023

Балык Бистәсе районының Казаклар Чаллысы авылында  Милли мәдәниятләр һәм гореф-гадәтләр елы кысаларында «Эх, гармуннар уйный белсәм...» кичәсе булды.

Әлки районының Әхмәт авылында итекле-себеркеле хоккей уены үткәргәннәр. Анда китапханә, мәктәп коллективлары һәм авыл халкы катнашкан. Бу хакта «Әлки хәбәрләре» сайтында хәбәр ителә.

Казанда үткән «Ак Барс» – «Металлург» матчы Данис Зарипов өчен Континенталь хоккей лигасында соңгы уены булды.

Уен 3:6 исәбенә тәмамланды.

«Нефтехимик» хоккей командасы плей-офф этабында дүрт җиңүгә кадәр Казанның «Ак Барс»ы белән көч сынашачак.

14 мартта Роспотребнадзорның Татарстан буенча идарәсе җитәкчесе урынбасары Любовь Авдонина Түбән Кама һәм Зәй районнарында яшәүчеләрне шәхси сораулар буенча кабул итәчәк.

Бүген, 24 февральдә, Яңа Чишмә районы Зирекле авылында тантаналы рәвештә борынгы мәчет ачылды. Гыйбадәт йорты 1903-1905 елларда төзелгән. Шулай итеп, аның таш һәм кирпечтән салынган диварларына 117 ел. Узган елны биредә эчке төзекләндерү эшләренә керештеләр һәм барлык эшләр төгәлләнгәч ул кабаттан авыл халкы өчен үз ишекләрен ачты. Авылда 350гә якын хуҗалык бар. Бу хакта ТР Диния нәзарәте хәбәр итә.

Россиянең Мәгариф һәм фән өлкәсендә күзәтчелек буенча федераль хезмәт җитәкчесе Анзор Мозаев 2023 елгы чыгарылыш сыйныф укучыларының бердәм дәүләт имтиханын тапшыру өчен нинди фәннәрне сайлавы турында сөйләде. Татарстан Республикасы Мәгариф һәм фән министрлыгы «Россия мәгарифе» федераль порталы материалларына сылтама белән шул турыда хәбәр итә.

Татарстан Рәисе Рөстәм Миңнеханов республика үсешенә өлеш керткән шәһәр кешеләренә Чаллы шәһәр советы утырышында бүләкләр тапшырды. «Евростиль» җәмгыяте директоры Илнар Гайсин «Татарстан Республикасы алдындагы казанышлары өчен» ордены, Чаллының җылылык челтәре җитәкчесе Айрат Зәйнуллин «Фидакарь хезмәт өчен» медале белән бүләкләнде.

22 февральдә «Созвездие-Йолдызлык» XXIII Еллык ачык республика телевизион яшьләр эстрада сәнгате фестиваленең зона этаплары ачылды. Быел проект 2023 елның 24 апреленә кадәр дәвам итәчәк.

Чаллы республиканың социаль-икътисади үсешенә зур өлеш кертә, бүген шәһәр тулаем төбәк продуктының (ВРП) 9 процентын формалаштыра, республика сәнәгый продукциясенең 12 проценттан артыгын җитештерә, дип белдерде Татарстан Республикасы Рәисе Рөстәм Миңнеханов. Бу турыда ул Чаллы шәһәр советының йомгаклау сессиясендә әйтте.

Бүген Татарстан кешеләре, шул исәптән Чаллы ир-егетләре, махсус хәрби операция зонасында Ватан мәнфәгатьләрен лаеклы яклый, дип белдерде Татарстан Республикасы Рәисе Рөстәм Миңнеханов Чаллы шәһәр советының йомгаклау сессиясендә. Ул хәрби хезмәткәрләрнең батырлыгын мактады, шулай ук хәрбиләргә һәм аларның гаиләләренә ярдәм итүнең ролен билгеләп үтте.

Бүген Татарстанның Яшел Үзән районында фаҗига булган. Республика Дәүләт автоинспекциясе бу хакта үзенең Telegram-каналында хәбәр итә.

Ашыгыч медицина ярдәме хастаханәсенең баш табибы, Чаллы шәһәр Советы депутаты Марат Мөхәммәдиев Татарстан Рәисе Рөстәм Миңнехановка шәһәрнең 5нче хастаханәсенең яңа бинасы проекты эшләрен финанслауны хуплауны сорап мөрәҗәгать итте.

28 февральдә «Сәйдәш» мәдәни үзәгендә «Минем Казаным» проекты премьерасы була. Авторы ТРның атказанган сәнгать эшлеклесе Наил Ибраһимов булган тамашаны «Пантера» камера балеты һәм «Заманча биюне үстерү үзәге» коммерцияле булмаган автоном оешмасы тәкъдим итәчәк. Бу хакта Казан мэриясе матбугат хезмәте хәбәр итә. 

Дмитров урамындагы 6 нчы йорт янындагы су челтәрләрдендә авария булу сәбәпле, Казанның Киров районының кайбер йортлары сусыз калган.

Кичә, 23 февральдә, Татарстанның Чистай районында ике җиңел машина бәрелешкән. «Татар-информ»га вакыйга урынында булучылар шул турыда хәбәр итте.

Чаллыда республика җитәкчелеге һәм Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы ярдәме белән икенче ІТ-парк төзергә ниятлиләр. Электр автомобильләрен эшләү белән шөгыльләнә торган «Атом» инновацион компаниясе аның көчле резиденты булачак. Яңа бина төзелешен хисап сессиясендә шәһәр мэры Наил Мәһдиев игълан итте.

Казанның Яңа Савин районында урнашкан «Элекон заводы» яңартылган санкцияләр исемлегенә кертелгән, аны бүген Британия хөкүмәте чыгарды. Ул «хәрби техника җитештерү һәм ремонтлау» аркасында чикләүләр кертелгән предприятиеләр арасында, диелә белдерүдә.

Россия Президенты Владимир Путин дәүләт һәм җәмгыять алдында аерым казанышлары булган 40 гражданның кандидатураларын билгеләде һәм аларга РФ Иҗтимагый палатасы составына керергә тәкъдим юллады, дип хәбәр итә Кремльнең матбугат хезмәте. Президент сайтындагы мондый тәкъдим палатаның яңа составын формалаштыру процедурасын башлап җибәрү дип санала.

1 марттан Россиядә дача участокларында коры үлән һәм чүп-чар яндыруның, мангаллар урнаштыруның яңа кагыйдәләре үз көченә керәчәк. Шул рәвешле Гадәттән тыш хәлләр министрлыгында мангаллар, шашлык пешерү җайланмалары һәм яфрак яндыру өчен мичкә урнаштыру нормативларыннан баш тарттылар. «Российская газета» шул турыда яза.

Россиядә беренче тапкыр индивидуаль мобильлек чаралары (СИМ, электр самокатлары, гироскутерлар, монотәгәрмәчләр) өчен юл хәрәкәте кагыйдәләре кертелә. 1 марттан алар өчен максималь тизлек чикләнә, ә юлларда яңа юл билгеләре барлыкка киләчәк.

Чаллы шәһәрендә үзенчәлекле эко-проект башлана. Волонтёрлар аны «Әйдә, алмашабыз!» дип атаган. Әлеге проект яхшы, әмма тормышта кулланылмый торган әйберләр белән алмашуны күздә тота. Бу хакта «Шәһри Чаллы» газетасы хәбәр итә.

Кукмараның Данил Һадиев исемендәге крестьян-фермер хуҗалыгында район башлыгы, хуҗалык җитәкчеләре, белгечләр катнашында семинар-киңәшмә үткәрелде. Чарада катнашучылар техника ремонтының барышы белән танышты, терлек утарларын карады.

Балтач районы Түбән Субаш авылы егете, Россия хәрби көчләре сафларында хезмәт иткән өлкән лейтенант Рафил Гайнетдинов хөрмәтенә истәлек тактасы куелды. Ул махсус хәрби операция вакытында батырларча һәлак булган