Новости за 11.03.2022

(Казан, 11 март, «Татар-информ»). Казахстан авиакомпаниясе Air Astana Россиягә һәм аның территориясенә очуны туктатачак. Бу хакта авиакомпания матбугат хезмәтенә сылтама белән ТАСС хәбәр итә. «Авиакомпания, рейсларны янәдән гамәлгә кертү өчен, Казахстан хакимияте белән бу мәсьәләләрне хәл итәчәк. Air Astana пассажирларга сатып алган билетлар өчен акчаны кире кайтара. Моның өчен билет сатып алган урынга мөрәҗәгать итәргә кирәк. Билет өчен акча тулы күләмдә кайтарылачак.

(Әлмәт, 11 март, «Татар-информ», «Әлмәт таңнары» ). Әлмәттә куркынычсыз интернет турында әңгәмә «Бердәм Россия» партиясенең җирле бүлекчәсе активистлары белән берлектә үткәрелде. Профилактик чара 16нчы мәктәптә узды. Очрашуга 11 сыйныф укучылары чакырылган иде. Интерактив формада балаларга ялган яңалыкларны һәм сәхифәләрне ничек танып белү турында сөйләделәр. Өлкән сыйныф укучыларын үзләренең шәхси мәгълүматларын якларга өйрәттеләр. «Интернет киңлекләрендә балалар психикасы өчен куркыныч материаллар... Читать дальше...

(Казан, 11 март, «Татар-информ», Гөлия Хәсбиуллина). Казанның «Ак Барс» хоккейчылары Омскиның «Авангард» командасын 4:3 исәбе белән җиңде. Матч Казанның «Татнефть Арена» боз сараенда узды.  Плей-оффның «Ак Барс» — «Авангард» сериясенең бишенче уены үтте. Плей-оффта командалар Гагарин Кубогы өчен көрәшә. Дүрт җиңү яулаган команда алга таба үтә һәм көрәшне дәвам итә, ә җиңелгәннәр ярыштан төшеп кала. Хәзергә «Ак Барс» исәбендә ике җиңү, «Авангард»ныкында — өч.  Беренче период уртасында «Ак Барс» ның... Читать дальше...

(Әлки, 11 март, «Татар-информ», «Әлки хәбәрләре» , Лия Мәрдегалләмова). Әлки районында оештырылган «Танышулар клубы»на 30 яшьтән өлкәнрәкләр ешрак мөрәҗәгать итә. Кыяр-кыймас кына башланган эшнең күңелле нәтиҗәләре дә бар. Шушы чорда клуб ярдәмендә танышкан һәм гаилә корган парлар саны дистәгә якынлаша. «Алар күбрәк тә. Әмма олы яшьтәгеләрнең барысы да никахларын рәсмиләштерергә ашыкмый», — дип аңлата Людмила Емельшина. Клубчылар ялгызлар өчен кичәләр уздыралар, бер-берсе белән танышу мөмкинлеге тудыралар. Читать дальше...

(Актаныш, 11 март, «Татар-информ», « Актаныш-информ », Ләйсән Газизова). Актанышның «Әнәк» агрофирмасы Цифрлаштыру елынныклы әзерлек белән каршы ала. Быелгы язгы чәчүне «Агросигнал» программасы урнаштырылган техникалар белән башкарып чыгачак. «Безнең басуларны үлчисе, машина-тракторларның кайсы басуга барганын, каян кайтканын, күпме чәчү чәчкәнен тикшереп-барлап торасы юк хәзер. Цифрлаштыру технологиясе буенча тракторлардагы датчиклар офистагы белгечләргә бу хакта хәбәр итеп торачак. Бу безгә бик күп чыгымнарны киметергә булышачак»... Читать дальше...

(Зәй, 11 март, «Татар-информ», « Зәй офыклары »). Зәйдә оешма-предприятиеләр, учреждениеләр арасында Зәйнең 370 еллыгы уңаеннан «Җир йөзендәге иң яхшы шәһәр» дип исемләнгән шәһәр үзешчән иҗат фестивале старт ала. Ул  Зәйнең 370 еллыгына багышлана. Фестиваль халык сәнгатен, популярлаштыру һәм мәдәни традицияләрне саклау, туган илебезгә, республикабызга  һәм туган шәһәребезгә мәхәббәт, гражданлык җаваплылыгы, ватанпәрвәрлек һәм Ватаныбыз өчен горурлык хисләре тәрбияләү максатыннан үткәрелә. Фестивальдә мәктәпкәчә белем бирү... Читать дальше...

(Казан, 11 март, «Татар-информ»). Идел буе Болгар дәүләтендә ислам динен кабул итүгә 1100 ел булуны билгеләп үтү кысаларында Кукмара мәдрәсәсендә чираттагы кызыклы чара үткәрелде. «Мөслимәләр бәйгесе» дип аталган әлеге чарада мәдрәсәдә белем алучы хатын-кызлар төркемнәре катнашты. Бәйгедә «Нәсыйхәт», «Фатиха» һәм «Күңелләр нуры» дип атаган өч төркем катнашты, Бу турыда Татарстан мөселманнары Диния нәзарәтенең матбугат хезмәте хәбәр итә. Алар «Сәламләү, ягъни төркем белән таныштыру», «Коръән уку»... Читать дальше...