Новости за 04.01.2022

(Казан, 4 гыйнвар, «Татар-информ», «Сарман» , Зөлфия Шәрипова). 3 гыйнвар көнне Сарман район үзәк хастаханәсенең бала тудыру йортында Яңа елның беренче баласы туды. Баланың авырлыгы — 3080 гр, буе — 54 см. Петровка Завод авылында яшәүче Рахматуллаевлар гаиләсендә әлеге малай — икенче бала һәм балаларның икесе дә — малайлар. Район үзәк хастаханәсе баш табибы урынбасары Лилия Бектемированың хәбәр итүенчә, бала да, ана да үзләрен яхшы хис итәләр, диелә хәбәрдә.

(Казан, 4 гыйнвар, «Татар-информ», «Зәй офыклары» , Ләйлә Мостафина). Чаңгы ярышлары буенча Россия Кубогының өченче этабы Красногорск шәһәрендә узды. 28 декабрьдә Россия Кубогының чаңгы ярышлары буенча өченче этабы — «Красногорск чаңгы юлы» ярышлары тәмамланды. Ярышлар нәтиҗәләре буенча Зәйнең Федор Симашев исемендәге олимпия резервы спорт мәктәбе спортчысы Антон Тимашов ир-атлар арасында 15 км дистанциягә ирекле стиль белән шәхси ярышта II урынны яулады.

(Казан, 4 гыйнвар, «Татар-информ»). Атнасына ике сәгать җәяү йөргән кеше аз хәрәкәтләнүче кешегә караганда алты-сигез елга озаграк яши. Бу хакта РИА Новости агентлыгы Бакулев исемендәге Йөрәк-кан тамырлары хирургиясе илкүләм медицина тикшеренү үзәге һәм «Милләт сәламәтлеге лигасы» гомумроссия иҗтимагый оешмасы президенты, Россия Фәннәр академиясе академигы Лео Бокериягә сылтама белән хәбәр итә. «Бик тә гыйбрәтле бер мисал китерәм. Америкалылар дистәләрчә миллион кеше арасында тикшеренү үткәргән,... Читать дальше...

(Казан, 4 гыйнвар, «Татар-информ», « Яшел Үзән »). Елның якты символы — кардан ясалган Юлбарыс сыны Татарстанның Яшел Үзән районында Мирный бистәсендә барлыкка килде. Аның биеклеге 3,5 метр, ә озынлыгы — тугыз метр тәшкил итә. Бу турыда район басмасы яза. Әлеге мәһабәт «мәче» белән янәшә, шулай ук, кызгылт-сары-кара фонда «Яңа 2022 ел белән!» дигән язу да бар. Узган ел шул ук урында, якынча шундый ук зурлыктагы — 4,5 метр биеклектә һәм озынлыкка 9 метр булган Үгез бик матур басып тора иде. Яшел Үзән... Читать дальше...

(Казан, 4 гыйнвар, «Татар-информ»). Самараның « Бердәмлек » газетасында Смышляевка бистәсеннән Нәҗибә Шәйхетдинованың «Ялкынлы яшьлек»тә үзгәреш җиле» дигән язмасы чыкты. 11 декабрьдә Самараның «Стройкерамика» бистәсендәге «Юбилейный» мәдәният йортында «Ялкынлы яшьлек» җыр, бию һәм шигърият ансамбле «Аулак өй» дип аталган программасы белән чыгыш ясады. «Бердәмлек» газетасының 49нчы санында Альмира Алтынбаеваның «Аулак өйдә ни булды?!» дип аталган мәкаләсән укыгач, әлеге тамашаны үз күзләребез белән күрмәгәнгә үкенгән идек. Читать дальше...

(Истанбул. 4 гыйнвар, «Татар-информ», Рушания Алтай). Татар язучысы Марат Кәбировның фантастик романы төрекчә китап буларак дөнья күрде. «Убырлар уянган чак» дип аталган әсәрне Бартын университеты яшь галиме Альп Әрән Демиркая тәрҗемә итеп бастырган. Тәрҗемәче әсәргә «Вампирлар уянганда» дигән исем куйган. 256 битлек төрекчә әсәр «Парадигма академи» нәшриятында басылган. Китап сатуга бер атнадан соң чыгачак. «Марат Кәбировның бу романын татар әдәбиятының беренче фантастика һәм курку әсәре дип атарга була. Читать дальше...

(Казан, 4 гыйнвар, «Татар-информ»). Төмән өлкәсе мөселманнары Диния нәзарәте вәкилләре «Әл-Манар» (Маяк) волонтерлар хәрәкәте җитәкчеләре һәм әгъзалары белән берлектә Төмән өлкәсе Боровский бистәсенең «Родонит» мәдәният һәм ял үзәге каршындагы туган якны өйрәнү юнәлешендәге клуб берләшмәсендә булды. Бөтендөнья татар конгрессының матбугат хезмәте хәбәр иткәнчә, кунакларның бирегә килүенең максаты — клуб берләшмәсенең татар бүлегендә саклана торган борынгы мөселман китаплары белән танышудан гыйбарәт. Читать дальше...

(Казан, 4 гыйнвар, «Татар-информ», Павел Климчак). Чаллыда берьюлы биш автомобиль: такси, ике җиңел машина һәм ике «КАМАЗ» катнашында юл-транспорт һәлакәте булган. Шаһитлар «Татар-информ» агентлыгына хәбәр иткәнчә, авариядә «Лада Гранта» автомобиленең йөртүчесе һәм пассажиры зыян күргән.

(Казан, 4 гыйнвар, «Татар-информ»). Иртәгә, 5 гыйнварда, Татарстанда салкын һава торышы саклана. ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, республикада алмашынучан болытлы һава торышы булачак. Урыны белән, Казанны да кертеп, томан төшәчәк. Томан вакытында күз күреме 500 метрга кадәр начараер дип көтелә. Шул ук вакытта тотрыксыз, талгын җил исәчәк. Юлларда бозлавык сакла, дип искәртә синоптиклар. Төнге сәгатьләрдә республикада һава температурасы -21..-26... Читать дальше...

(Казан, 4 гыйнвар, «Татар-информ», Артур Хәлилуллов). «Салават Юлаев» (Уфа) хоккей клубының өч уенчысы коронавируска уңай тест тапшырган. «Чемпионат» порталы хәбәр иткәнчә, «Салават Юлаев» командасы, Казанның «Ак Барс» хоккей клубыннан ике очкога гына калышып, Континенталь хоккей лигасының Көнчыгыш конференциясе турнир таблицасында дүртенче урынны били. Континенталь хоккей лигасы КХЛ составындагы дүрт клуб уенчыларының коронавирус инфекциясе йоктыруына бәйле 15 факт турында хәбәр иткән иде. Шулай... Читать дальше...

(Казан, 4 гыйнвар, «Татар-информ»). Санкт-Петербург һәм Россиянең Төньяк-Көнбатыш төбәге мөселманнары Диния нәзарәте рәисе, мөфти Равил хәзрәт Панчеев Петровск Фәннәр академиясенең хакыйкый әгъзасы итеп сайланган. Россия мөселманнары Дини җыены Үзәкләштерелгән дини оешмасының матбугат хезмәте хәбәр иткәнчә, декабрь ахырында Академиянең бюро һәм президиум утырышы узган. Материалларны тикшергән вакытта мөфтине Петровск академиясенә сайлау турында карар кабул ителгән. Равил хәзрәткә Петровск академиясенең... Читать дальше...

(Казан, 4 гыйнвар, «Татар-информ», « Актаныш », Ләйсән Газизова). Бүген Актаныш муниципаль районы хакимиятендә эшләүчеләр чаңгыда узышты. Дистанцияне беренче булып Актаныш районы башлыгы Энгель Фәттахов урап килде. Ул I урынга лаек булды. II урында башкарма комитетның социаль һәм агарту бүлеге башлыгы Назил Латыйпов, III урында Аяз Сәрвәров. Хатын-кызлар арасында I урында Земфира Хаҗиева, II урында Ойгөл Мирзашәрипова, III урында Айгөл Әхтәмова. Актанышта «Бүләк» чаңгы трассасы эшли, кичен дә яктыртылган чаңгы юлыннан шуарга була. Читать дальше...

(Казан, 4 гыйнвар, «Татар-информ», Павел Климчак). Бүген Бөгелмә шәһәренең Гафиятуллин урамында торак йортның дүртенче катындагы фатирда җиһазларга ут капкан. Бу хакта 101 янгын сагы номерына хәбәр иткәннәр. Урынга килгән янгын сүндерүчеләр 15 квадрат метрга таралган утны сүндерергә керешкән. Янгынны сүндергән вакытта ир-ат мәетен тапканнар. Ашыгыч медицина ярдәме табиблары аның үлемен раслаган. Моннан тыш, ут белән көрәшүчеләр әлеге фатирдан өч кешене коткарганнар. Аларга махсус битлек кидереп... Читать дальше...

(Казан, 4 гыйнвар, «Татар-информ»). Соңгы елларда балалар тюбингта шуганда шактый еш имгәнә. Шунлыктан аны маневр ясавы күпкә җайлырак булган чана һәм ледянкаларга алыштыру хәерле. Бу хакта РИА Новости агентлыгы кичектергесез балалар хирургиясе һәм травматологиясе фәнни-тикшеренү институтының дәвалау эше буенча директор урынбасары Александр Брянцевка сылтама белән хәбәр итә. Табиблар киңәш иткәнчә, җитди имгәнмәс өчен, махсус җиһазландырылган тау битләрендә генә тюбингта шуарга кирәк. Алар сөзәк булырга... Читать дальше...

(Казан, 4 гыйнвар, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 93 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, җиде кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «33 кеше хастаханәгә озатылган, 60 кеше өендә дәвалана», — диелә ведомство хәбәрендә. Казанда — 45, Чаллыда — 12, Түбән Камада алты очрак теркәлгән. Коронавирус очраклары республиканың барлыгы 17 муниципалитетында ачыкланган. Читать дальше...

(Казан, 4 гыйнвар, «Татар-информ», Надежда Гордеева). Быел «Авыл укытучысы» программасы «Мәгариф» илкүләм проектының «Заманча мәктәп» федераль проектына кертеләчәк. Бу хакта Татарстан Мәгариф һәм фән министрлыгының матбугат хезмәтеннән хәбәр иттеләр. «Авыл җирендә һәм кечкенә шәһәрләрдә урнашкан мәктәпләрдә кадрлар кытлыгына бәйле проблема өлешчә „Авыл укытучысы“ федераль программасын гамәлгә ашыру ярдәмендә хәл ителә», — дип искәрттеләр министрлыкта. Быел Россия Мәгариф министрлыгы — 10, ә 2023 елда 23 педагогка квота бүлеп биргән. Читать дальше...

(Казан, 4 гыйнвар, «Татар-информ»). Ханты-Манси автономияле округы - Юграда урнашкан Покачи шәһәренең «Туган як» татар-башкорт иҗтимагый оешмасы «Кышкы игелек атналыгы» кысаларында «Яңа ел могҗизасы» акциясендә катнашты. Бөтендөнья татар конгрессының матбугат хезмәте хәбәр иткәнчә, иҗтимагый оешма әгъзалары 81 яшьлек Алсу Галиева һәм 85 яшьлек Ольга Касыймованың өенә барды. Аларга бүләкләр һәм азык-төлек җыелмалары тапшырдылар. «Бу алар өчен көтелмәгән бүләк булды, чөнки өлкәннәр Яңа елның могҗиза алып килүенә балалардан ким куанмый. Читать дальше...

(Казан, 4 гыйнвар, «Татар-информ»). Татарстанда тагын җиде кеше (өч ир-ат һәм дүрт хатын-кыз) коронавирус инфекциясе корбаны булган. ТР Сәламәтлек саклау министрлыгының матбугат хезмәте хәбәр иткәнчә, 2022 елның 4 гыйнварына республикада коронавирус корбаннарының гомуми саны 1460 кешегә җиткән. Коронавирустан 1937, 1939, 1953 елгы ир-атлар һәм 1927, 1930, 1936, 1950 елгы хатын-кызлар вафат булган. Росстат мәгълүматлары буенча, Россиянең төрле төбәкләрендә, Татарстанны да кертеп, теркәлгән һәм... Читать дальше...

(Казан, 4 гыйнвар, «Татар-информ»). Быел россиялеләрнең 71 проценты эшен алыштырырга тели. Күпләр яңа эштән югары хезмәт хакы көтә. Бу хакта ТАСС агентлыгы «Работа.ру» сервисы үткәргән тикшеренүгә сылтама белән хәбәр итә. «Яңа эштән күбесенчә югары хезмәт хакы көтәләр — респондентларның 76 проценты шулай дип билгеләп үткән. Тикшеренүдә катнашкан кешеләрнең 58 проценты яңа эштә коллектив һәм җитәкчелекнең адекват булуын тели, ә 48 проценты эш һәм ял арасында баланс сакларга исәп тота», — диелә сораштыруда. Читать дальше...

(Казан, 4 гыйнвар, «Татар-информ»). Санкт-Петербург һәм Россиянең Төньяк-Көнбатыш төбәге мөселманнары Диния нәзарәте ислам дисциплиналары буенча дәрескә чакыра. Россия мөселманнары Дини җыены Үзәкләштерелгән дини оешмасы матбугат хезмәте хәбәр иткәнчә, дәресләр Коръән һәм Коръән белеме, тәҗвид; Мөхәммәд пәйгамбәрнең (с.г.в.с.) тәрҗемәи хәле; гарәп теле дисциплиналары буенча оештырыла. Дәресләр Санкт-Петербург Җәмигъ мәчетендә дүшәмбе, чәршәмбе, шимбә һәм якшәмбе көннәрендә 18.00-20.00 сәгатьтә узачак.

(Казан, 4 гыйнвар, «Татар-информ», Павел Климчак). Бүген иртән Кама Тамагы районында Тәмте авылы янында Идел елгасында балыкчы ир-ат салкында өшеп үлә язган. -20 градус салкында туңып беткән балыкчыны Кече үлчәмле суднолар буенча дәүләт инспекциясе хезмәткәткәрләре коткарган. Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр итүләренчә, мотовездеходы ватылып калу сәбәпле, 43 яшьлек ир-ат өенә кайтып китә алмаган. Аны Кама Тамагы бистәсенә алып кайтканнар. Читать дальше...

(Казан, 4 гыйнвар, «Татар-информ»). Европада газның 1 мең кубометры янә 1000 долларга якынлашып килә. Әйтик, ICE биржасы мәгълүматларыннан күренгәнчә, бүгенге көндә соңгы бәя — 982,6 доллар, бу 31 декабрьгә караганда 19,6 процентка артыграк. Сату-алу башланган вакытта февраль фьючерслары бәясе 817 доллар тәшкил итте, җомгада ул кыйммәтрәк — 821,9 доллар иде. Беренче өч сәгать эчендә килешүләрнең бәясе кимеп, 771,1 долларга җитте. Әмма көндезге бердән соң вазгыять үзгәрде һәм «зәңгәр ягулык»ның бәясе арта башлады. Читать дальше...

(Казан, 4 гыйнвар, «Татар-информ», Павел Климчак). Узган төндә Казанда яшәүче 34 яшьлек хатын-кыз мунчада ис газы белән агуланган. Гадәттән тыш хәл Лаеш районының Александровка бистәсендә Новостройка урамында шәхси мунчада булган. Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр итүләренчә, аны 7нче шәһәр хастаханәсенә озатканнар. Хәзер әлеге хәлнең сәбәпләрен ачыклыйлар.

(Казан, 4 гыйнвар, «Татар-информ»). «Дакар» ралли-рейдының икенче этабында йөк машиналары зачетында тагын Россия спортчылары уңышка иреште. Аны беренчеләрдән булып «КАМАЗ-мастер» командасы пилоты Андрей Каргинов экипажы буйсындырды. Юлның беренче өлешендә кичә Дмитрий Сотников экипажы алдан килгән иде. «КАМАЗ-мастер» командасының матбугат хезмәте хәбәр иткәнчә, махсус участокның озынлыгы 338 километр тәшкил иткән. Каргинов экипажы аны 3 сәгать 52 минут 7 секунд эчендә буйсындырды. Икенче булып килгән Сотников экипажы аннан ... Читать дальше...

(Казан, 4 гыйнвар, «Татар-информ»). Коронавирус җиңел формада узган яки симптомнар күзәтелмәгән очракта прививка ясатмаган кешеләр авыруның төрле нәтиҗәләреннән сакланмаган. Бу хакта Journal of Translational Medicine журналы АКШның Седарс-Синайский медицина үзәге тикшеренүчеләренә сылтама белән хәбәр итә. Белгечләр китергән мәгълүматлар буенча, коронавирус инфекциясен кичергән кайбер пациентларда аутоантитәнчекләр күләме арткан. Алар, гадәттә, системалы аутоиммун авырулар, шул исәптән кызыл волчанка белән чирләгәндә ачыклана. Читать дальше...