Новости за 06.10.2021

نشنل نیوز د نشنل نیوز انټرنټي خپرونې په یوه لیکنه کې د افغانستان روان وضعیت ته کتنه کړې او لیکي، هغه جګړه‌ماران چې افغانستان‌یې دړې وړې کړی او پر دې هېواد د امریکا د پوځي حملې تر شا یې د قدرت پیاوړي څلي جوړ کړي و، اوس په جلاوطنۍ کې لاس او پښې وهي. نشنل نیوز لیکي، کله چې شپږ اوونۍ مخکې طالبانو کابل ونیو، دغو جګړه‌مارانو تر خپل نفوذ لاندې سیمې او ماڼۍ له لاسه ورکړې، خو دوی تر اوسه په خپلو پخوانیو لقبونو پورې نښتي دي. دوی هغه والیان دي چې ولایتونه نه‌لري، هغه جنرالان دي چې پوځونه نه‌لري. د... Читать дальше...

د طالبانو د حکومت استازیو او د ایران د دولت یوه پلاوي د اقتصادي اړیکو د پیاوړتیا او په سوداګرۍ کې د اسانتیاوو په برخو کې موافقه وکړه. د طالبانو ویاند او د اطلاعات او کلتور وزارت مرستیال ذبیح الله مجاهد په یوه بیان کې چې پرون خپور شو، وویل، له ایراني پلاوي سره یې سلا وکړه چې د یوې میاشتې په ترڅ کې به د دواړو لوریو جګپوړی پلاوی د اسلام کلا او دوغارون په بندرونو کې د شته ستونزو ارزونه وکړي. همدا راز موافقه شوې چې هند ته به د دوغارون-چابهار له لارې د افغانستان د تجارتي مالونو او وچې میوې د انتقال... Читать дальше...

د افغانستان د کرکټ د ملي لوبډلې لوبغاړي د شل اوورونو په نړیوال جام کې د ګډون لپاره سبا له کابله روانېږي. د کرکټ بورډ رییس عزیزالله فضلي ازادي راډیو ته وویل: "اووم تاریخ د اکتوبر به لوبغاړي له پلازمېنې کابل څخه قطر ته ځي او له هغه ځایه به متحد عربي اماراتو ته ځي. د کرکټ د نړیوالې شورا له لوري موږ ته پیغام راغی چې زموږ د لوبغاړو ویزې او نور مسایل چمتو شوي دي." د شل اوورونو نړیوال جام په متحد عربي اماراتو او عمان کې ترسره کېږي. دا لوبې د اکتوبر په اوولسمه پیلېږي. افغانستان په 'ب' ګروپ کې له هند، پاکستان او نیوزیلنډ سره یوځای شوی دی. Читать дальше...

د روغتیا نړیوال سازمان اندېښنه څرګنده کړه چې په افغانستان کې به د کرونا یو میلیون او شپږ لکه ډوزه واکسین ضایع شي که چېرته ژر استفاده ترې ونه شي. د روغتیا نړیوال سازمان د دې ستونزې د مخنیوي لپاره ژمنه کړې ده چې د افغانستان په شپاړس ولایتونو کې له خپلو همکارانو سره د واکسین لپاره یو کمپاین وکړي. د روغتیا نړیوال سازمان په ورته وخت کې ژمنه کړې ده چې په پروان، لغمان او کاپیسا کې به ډېر ژر نوي لابراتوارونه جوړ کړي او تردې مخکې یې په نیمروز او کونړ کې د کرونا د معایناتو لپاره لابراتوارونه جوړ کړي وو. Читать дальше...

د افغانستان د موسیقي د ملي انسټیټیوټ بنسټ ایښودونکي احمد سرمست ژمنه وکړه چې له هېواده به بهر د موسیقي چارې سمبال کړي. ښاغلي سرمست فرانس پرېس اژانس ته په مرکه کې وویل چې له کابله تازه د موسیقي د لسګونو زده کوونکو او استادانو له وتلو وروسته دا هیله ورته پیدا شوې ده. سرمست زیاته کړه: "دا کوم کسان چې له افغانستانه اوس وتلي، موږ په اسانۍ کولی شو چې د افغانستان بهر ډېره ښه ارکیسټرا جوړه کړو." د دوشنبې په ماښام د افغانستان د موسیقي د انسټیټیوټ تر سلو ډېر زده کوونکي او استادان له کابله پلازمېنې دوحې ته ورسېدل. Читать дальше...

د افغانستان دوو شمالي ګاونډیو ازبیکستان او ترکمنستان د افغانستان ثبات د ټولې منځنۍ اسیا د ودې لپاره اړین وباله، خو په شمال کې د افغانستان له بل ګاونډي؛ تاجکستان سره د طالبانو د رژیم ناندرۍ په زیاتېدو دي. د ترکمنستان ولسمشر قربانقلي بردي محمدوف د ازبیکستان له ولسمشر شوکت میر ضیایف سره د ازبیکستان په پلازمېنې تاشکند کې د افغانستان پر روان وضعیت خبرې وکړې. د ازبیکستان د ولسمشر د رسنیو دفتر پرون تر دې لیدنې کتنې وروسته په یوه بیان کې وویل چې د دواړو هېوادونو مشرانو په افغانستان کې د سولې او ثبات... Читать дальше...

کابل ته د بریتانیایي پلاوي سفر طالبان هیله مند کړي دي چې له نورو هېوادونو سره به یې سیاسي روابط ټینګ شي، خو بریتانیایي پلاوي د دې سفر په ترڅ کې له طالبانو یو لړ غوښتنې کړي دي. طالبان وایي، له بریتانیایي پلاوي سره یې د دپلوماتیکو اړیکو د راژوندي کولو په نیت خبرې کړي دي. د بریتانیا د بهرنیو چارو د وزارت په وینا د افغانستان د انتقالي دورې لپاره د بریتانیا ځانګړي استازي سایمن ګاس د طالبانو د سرپرست رییس الوزرا له مرستیال ملا عبدالغني برادر او په قطر کې د طالبانو د سیاسي دفتر د یوه غړي ملا عبدالسلام... Читать дальше...