Новости за 02.07.2021

د نړۍ د فوټبال د وتلي ستوري لیونل میسي او بارسلونا قرارداد پای ته رسېدلی دی.  دا په دې معنی چې لیونل میسي اوس د نورو ټيمونو له‌خوا پېرل کېدای شي.  میسي او د اسپانیې د لالیګا د فوټبال لوبډلې بارسلونا ترمنځ تړون د جولای په لومړۍ پای ته رسېدلی او تر اوسه داسې ښکاري چې د نوي تړون یا د تړون د غځېدو څرک نه‌لګېږي.  د بارسلونا او میسي ترمنځ د څلورو کلونو په مخه ۵۰۰ ملیونه یورو تړون شوی و، خو د سپورټي چارو د پوهانو په باور د بارسلونا یو میلیارد یورويي پور، د 'کووېډ-۱۹' اغېزې او د منصفانه مالي لوبې مسئله... Читать дальше...

په افغانستان کې د امریکایي ځواکونو تر ټولو لویه اډه بګرام دفاع وزارت ته سپارل شوې ده. دا خبره د افغانستان په دفاع وزارت کې یوې سرچینې ازادي راډیو ته وکړه. سرچینې چې د موضوع د حساسیت په خاطر د نوم د نه‌خپرېدو غوښتنه کړې وویل چې بګرام پوځي اډه تخلیه شوې ده.  ټول امریکايي او ناټو ځواکونه به د سپټمبر تر ۱۱مې له افغانستانه ووځي او خپلې اډې به افغان پوځیانو ته سپاري.

فوربس مجله له امریکا څخه خپرېدونکې فوربس مجلې د افغانستان په اړه یوه لیکنه خپره کړې چې سرلیک‌یې دی "په یوه میاشت کې د افغان ځواکونو ۷۰۰ پوځي ګاډي د طالبانو لاس ته ورغلي." دا پوځي ګاډي د امریکايي ځواکونو له‌خوا افغان ځواکونو ته پاتې وو. فوربس دا شمېرې د پرانیستې څېړنو پر بنسټ د اورېکس د تحقیقاتي راپورونو د وېبلاګ په حواله خپرې کړې دي.  لیکوال وايي، په ټولنیزو رسنیو کې د خپرو شویو عکسونو او وېډیوګانو پر بنسټ راټولې شوې دا شمېرې ښيي چې د سږ کال جون میاشت کې طالبانو ۷۰۰ پوځي زغروال او هاموې پوځي... Читать дальше...

د اتریش پولیسو پر یوې ۱۳ کلنې ماشومې د جنسي تېري او بیا د هغې د وژنې په قضیه کې د لاس لرلو په تور دوه افغان کډوال د دوشنبې په ورځ نیولي وو، خو پرون ماسپښین‌یې درېیم تورن چې هغه هم افغان وګړی دی، ونیوه. د اتریش صدراعظم دا پېښه په کلکه وغندله او په غبرګون کې یې د کډوالو له‌خوا د شویو جنایتونو په اړه ترخې څرګندونې وکړې. پولیسو د دې ماشومې جسد د شنبې په ورځ د پلازمېنې ویانا په یوه ناحیه کې وموند او د دوشنبې په ورځ دوه افغان هلکان چې یو ۱۶ کلن او بل ۱۸ کلن دی او دواړو په اتریش کې سیاسي پناه غوښتې ده، د دې جنایت په تور ونیول شول. Читать дальше...

د امریکا د بهرنیو وزیر انتوني بلېنکن د ازبکستان او تاجکستان د بهرنیو چارو وزیرانو سره د جولای پر لومړۍ نېټه وکتل. په دې لیدنه کې افغانستان د خبرو د اجنډا په سر کې شامل و. امریکا چې د روان کال د سپټمبر تر ۱۱مې نېټې پورې له افغانستانه خپل ټول سرتېري وباسي، په دې هدف، په منځني اسیا کې د خپلو ملګرو هېوادونو مرستې غواړي.     په واشنګټن کې ترسره شوې دا لیدنې پر داسې مهال شوي چې په دې وروستیو کې په افغانستان کې وسله‌والو طالبانو لسګونه ولسوالۍ نیولي او د افغان حکومت او امنیتي قواوو د نسکورېدو اندېښنې پیدا شوې دي. Читать дальше...

د کندز په بېلابېلو ولسوالیو کې د سختو نښتو له امله لارې تړل شوي او دا کار د دې لامل شوی چې د دې ولایت کرنیز محصولات نورو ولایتونو ته وانه‌ستول شي. اوس چې په سیمه کې د هندواڼو او خټکیو موسم دی، خو د بازار د نه‌موجودیت له امله‌یې بزګران اړ دي چې باید خپل محصولات په نیمه بیه په بازار کې وپلوري.

په دوحه کې د افغان دولت د مرکچي پلاوي غړې فوزیه کوفي وايي، د سولې روانې خبرې لازم سرعت نه‌لري او ادعا کوي چې د طالبانو تر ولکې لاندې سیمو کې د ښځو حقونه تر پښو لاندې کېږي. فوزیه کوفي ټینګار کوي چې له ځینو هغو سیمو چې طالبانو نیولي د ښځو پر حقونو د تېري راپورونه ترلاسه شوي دي. دا په داسې حال کې ده چې جګړو او تاوتریخوالي په ټول افغانستان کې زور اخیستی او تقریباً هره ورځ د ولسوالیو د لاس په لاس کېدو خبرونه رارسېږي. مېرمن کوفي په دوحه کې د روانو بین‌الافغاني خبرو د څرنګوالي او د طالبانو له‌خوا... Читать дальше...