Новости за 08.09.2020

Кыргызстанга Орусиядан июнь, июль айларында өз ыктыяры менен келип, "кызыл зоналарда" эмгектенген Москва, Санкт-Петербургдагы алдыңкы ооруканалардын кыргызстандык дарыгерлери ишине кайта албай убара тартышууда. Кыргызстандын оор күндөрүндө билек түрүп жардамга келген дарыгерлер азыр кете албай, ооругандары кенемте алышкан эмес.

Кыргызстанда шайлоодон кийин премьер-министрди жана өкмөт курамын парламентке өтүп келген партиялар аныктайт.

Беларус оппозициясынын лидерлеринин бири, Координациялык кеңештин президиум мүчөсү Мария Колесникова өзүн күчтөп өлкөдөн чыгарууга жол бербей, Украина менен чек арада кармалды. Бул тууралуу украин расмий органдары жана беларус оппозициясындагы булактар билдиришти.

Өкмөт коронавирустун очогунда иштеген медицина кызматкерлеринин айлыгына жылдын аягына чейин кошумча төлөм үчүн дагы 640 миллион сом бөлдү. Бул тууралуу 8-сентябрда премьер-министр Кубатбек Боронов билдирди: «Канчасы үстөк пулга берилери табелдин негизинде эсептелип чыгат. Ай сайын буйрук чыгарып отурбастан жылдын аягына чейин деп болжолдуу сумма катары 640 миллион сомго токтом чыгардык. Ошону ай сайын канча керек болсо алып турушат, эгер жетпесе кошуп беребиз, ашып калса кайра бюджетке кайтарабыз». Читать дальше...

Ички иштер министринин мурдагы орун басары Курсан Асановдун ишине жаңы адвокат киришкенине байланыштуу 8-сентябрга белгиленген сот отуруму болгон жок. Бул тууралуу Биринчи май райондук сотунун басма сөз кызматы кабарлады. Кийинки отурум 18-сентябрга белгиленди. Асановдун укугун сотто үч жактоочу коргоп жатат. Алардын бири Таалайгүл Токтакунова парламенттик шайлоодо партиянын өкүлү катары иштеп жаткандыктан бир ай сотко катыша албай турганын, ордуна башка адвокат иштеп турарын «Азаттыкка» билдирди. Читать дальше...

Кыргызстан менен Өзбекстандын ортосундагы соода көлөмү, өзбек тараптын эсебинде, эки жылда 3,2 эсе көбөйдү. Бул тууралуу “Кабар” улуттук маалымат агенттигине курган маегинде Өзбекстандын Кыргызстандагы элчиси Хуршид Мирзахидов билдирди. Анын айтымында, соңку жылдары ортодогу соода-экономикалык кызматташтык “болуп көрбөгөндөй активдешти”, соода-сатык 2017-жылы 253 миллион доллар болсо, 2019-жылы 829 миллион долларга жетти. Быйылкы жылдын биринчи жарымында бул көрсөткүч 470 миллион долларга болуп, анын 399 миллионун Кыргызстанга экспорт түзгөн.

Мамлекеттик «Эркин Тоо» гезитине Жогорку Кеңештин депутаттарын шайлоого катышып жаткан саясий партиялардын талапкерлеринин тизмеси жарыяланды. «Кыргызстан» партиясынан Жогорку Кеңештин депутаттыгына 102 талапкер катталды. Тизме төмөнкүдөй иретте түзүлгөн: № Аты-жөнү Туулган күнү, жылы Иштеген жери Ээлеген кызматы 1 Исаев Канатбек Кедейканович 07.02.1975 Жогорку Кеңеш Депутат 2 Мамытов Талант Турдумаматович... Читать дальше...

Москванын Пресненск райондук соту 8-сентябрда актёр Михаил Ефремовду адам өлүмү менен аяктаган жол кырсыгына күнөөлүү деп таап, аны сегиз жылга эркинен ажыратты. Ошондой эле маркумдун жакындарына 800 миң рубль кенемте төлөп берүүгө милдеттендирди. Сот өкүмү күчүнө киргенге чейин актёр камакта болот, буга чейин ал үй камагында жүргөн эле. Буга чейинки сот жараянында Ефремов өзү да айыбын мойнуна алган жана прокурорлор аны 11 жылга эркинен ажыратуу тууралуу өтүнүч келтиришкен. Прокурорлор кырсык учурунда актёр мас абалында... Читать дальше...

Мамлекеттик «Эркин Тоо» гезитине Жогорку Кеңештин депутаттарын шайлоого катышып жаткан саясий партиялардын талапкерлеринин тизмеси жарыяланды. «Ордо» партиясынан Жогорку Кеңештин депутаттыгына 100 талапкер катталды. Тизме төмөнкүдөй иретте түзүлгөн: № Аты-жөнү Туулган күнү, жылы Иштеген жери Ээлеген кызматы 1 Мияров Мирбек Ибаратович 02.12.1984 «Ордо» партиясы Төрага... Читать дальше...

Өкмөт сасык тумоого каршы 700 миң доза вакцина сатып алды. Бул тууралуу 8-сентябрда өкмөттүн басма сөз кызматы кабарлады. Эмдөө каражаттарын сатып алууга 221,5 млн сом коротулганы маалым болду. Биринчи кезекте балдар, мугалимдер, калктын аярлуу катмары жана дарыгерлер эмделери айтылды. Премьер-министр Кубатбек Боронов өлкөдө эпидемиологиялык абал жакшырды деп айтуу азырынча эрте экенин белгилеп, коомдук жайларда, билим берүү мекемелеринде кабыл алынган алгоритмдерге ылайык санитардык-эпидемиологиялык талаптар күчөтүлөрүн кошумчалады. Читать дальше...

Бишкек шаардык сотунун чечими менен баш калаадагы Юлиус Фучик атындагы парк толугу менен мэриянын карамагына өттү. Бул тууралуу 8-февралда мэриянын басма сөз кызматы кабарлады. Мекеменин маалыматына караганда, эми каттоо иштери жүргүзүлөт. Жалпы аянты 7,41 гектарлык парк 1995-жылы өкмөттүн токтому менен шаар башкармалыгына өткөрүлгөн. Кийин курулушу бүтпөй калган кинотеатрдын 13 337 чарчы метр аянты жеке менчикке өтүп кеткен. Мэриянын Муниципалдык мүлк башкармалыгы жерди сатуу-сатып алуу тууралуу... Читать дальше...

Мамлекеттик «Эркин Тоо» гезитине Жогорку Кеңештин депутаттарын шайлоого катышып жаткан саясий партиялардын талапкерлеринин тизмеси жарыяланды. «Мекеним Кыргызстан» партиясынан Жогорку Кеңештин депутаттыгына 200 талапкер катталды. Тизме төмөнкүдөй иретте түзүлгөн:   № Аты-жөнү Туулган күнү, жылы Иштеген жери Ээлеген кызматы 1 Бакиров Мирлан Исакбекович 11.05.1975 Жогорку Кеңеш... Читать дальше...

Кыргызстанда миңдеген студенттер окуусун улантуу үчүн Орусияга кире албай жатат.

Элдин сасык тумоого жана респиратордук вирустук инфекцияларга каршы эмделиши COVID-19 пандемиясы учурундагы абалды жеңилдетет. Бул тууралуу 8-сентябрда Коронавируска каршы республикалык ыкчам штабдын жыйынында айтылды. Саламаттык сактоо министрлигинин өкүлдөрү жыл сайын күз-кыш мезгилинде тумоологондор кескин көбөйөрүн,  учурда элди эмдөөгө мамлекеттик медицина жайлары менен катар жеке клиникалар да даярданып жатканын айтышты. Биринчи вице-премьер-министр Алмазбек Баатырбеков эмдөөнүн маанилүүлүгүн элге жеткирүү зарылдыгын... Читать дальше...

Кытай менен Индия чек арадагы талаштуу тилкедеги соңку чыңалган абалга байланыштуу бири-бирине доомат артты. Кабарларга караганда өзөктүү эки державанын аскерлери эскертүү ирээтинде, асманга карай ок атышкан.  Кытайдын Тышкы иштер министрлиги индиялык аскерлерди 8-сентябрда эки өлкө ортосундагы көзөмөл тилкесинен мыйзамсыз өтүп, атайылап эскертүү иретинде асманга ок атканын айыптады.  Индиянын расмий өкүлдөрү бул маалыматты четке кагып, тескерисинче кытай аскерлери индиялыктардын чек ара бекетин... Читать дальше...

Казакстандагы укук коргоочулар ар кандай кылмыш иштердин негизинде камакка алынган алты жарандык активистти саясий туткундардын тизмесине кошту. Бул тууралуу «Ар.Рух.Хак» өкмөттүк уюмунун башчысы Бахытжан Торегожина «Фейсбуктагы» барагына жазды. Алардын арасында соцтармактарда бийликти, адилетсиз сот чечимдерин сындап келген Санавар Закирова бар. Ал быйыл июль айында камалган. Ошондой эле бул тизмеге сот аркылуу экстремисттик деп таанылган, ишмердигине тыюу салынган «Көше партиясы» кыймылынын лидерлери Асхат Жексебаев... Читать дальше...

АКШ менен Британиянын медициналык академияларынын илимпоздору ымыркай түйүлдүк кезинде анын генине кийлигишүүгө азырынча эртелик кыларын билдиришти. Эл аралык окумуштуулардын тобунун корутундусу 6-сентябрда жарыяланды. Мындан эки жыл мурда кытайлык илимпоз Хэ Цзянкуй адам эмбриондорунун генин тарыхта биринчи жолу өзгөрткөнүн жарыялаган. Мунун жыйынтыгында гени өзгөртүлгөн эгиз кыздар төрөлгөн. Хэ Цзянкуй атайын технологиянын жардамы менен өзгөрткөн, CCR5 деп аталган ген эгиз кыздарды ВИЧ илдетинен коргойт деп билдирген. Читать дальше...

Москванын Пресненск райондук соту актер Михаил Ефремовду адам өлүмү менен аяктаган жол кырсыгына күнөөлүү деп тапты. Судья ушул тушта өкүмдү окуп жатат жана аны кандай жазага тартары азырынча белгисиз. Соңку сот жараянында Ефремов өзү да айыбын мойнуна алган жана прокурорлор аны 11 жылга эркинен ажыратуу тууралуу өтүнүч келтиришкен. Прокурорлор кырсык учурунда актёр мас абалында, баңгизат чегип алганын, уруксат берилген ылдамдыктан ашырып айдаганын, ошондон улам машинесин башкара албай калганын айтышкан. Читать дальше...

Мамлекеттик «Эркин Тоо» гезитине Жогорку Кеңештин депутаттарын шайлоого катышып жаткан саясий партиялардын талапкерлеринин тизмеси жарыяланды. «Биримдик» партиясынан Жогорку Кеңештин депутаттыгына 200 талапкер катталды. Тизме төмөнкүдөй иретте түзүлгөн: № Аты-жөнү Туулган жылы, айы Иштеген жери Кызмат орду 1 Жамангулов Акылбек Жекшенович 24.10.1988 «Альфа Телеком» мамлекеттик... Читать дальше...

Венгриянын борбору Будапешт шаарында ондогон студенттер Театр жана киноискусство университетинин алдында нааразылык акциясын улантып жатышат. Алар өкмөттүн университет боюнча кабыл алган чечимине каршылыгын билдиришүүдө. Өткөн айдын соңунда бийлик буга чейин эч кимге көз каранды эмес болуп келген университеттин Камкорчулар кеңешине өз кишилерин дайындаган. Университеттин жетекчилиги буга каршылыгын билдирип, кызматтан кетүүгө арыз жазган.  Студенттер да 1-сентябрдан бери нааразылык акциясын уюштуруп келатышат. Читать дальше...

Кылмыш жолу менен табылган акчаны мыйзамдаштыруу Кыргызстан үчүн кооптуу көрүнүш бойдон кала берүүдө. Бул тууралуу 8-сентябрда премьер-министр Кубатбек Боронов Финансылык чалгын кызматында иштегендерди кесиптик майрамы менен куттуктоосунда айтты. Өкмөт башчы кийинки убакта террорчулукту каржылоого жана кылмыш аркылуу табылган акчаны мыйзамдаштырууга каршы күрөштө айрым ийгиликтер бар болуп жатканын, бирок коркунуч дагы эле сакталып турганын, андыктан бул багытта заманбап жана натыйжалуу ыкмаларды колдонуп иштөө керек экенин белгиледи. Читать дальше...

Түркмөн президенти Гурбангулы Бердымухамедов өкмөттү «өлкө жетишкендиктери» менен «экономикалык маселелердин чечилиши» жалпыга маалымдоо каражаттарында (ЖМК) жакшы чагылдырылбай жатканы үчүн сынга алды. Ал ушундан улам министрлерге жакында өзгөртүүлөр болорун эскертти. Бердымухамедов Маданият министрлиги менен ЖМКнын башчыларын өздөрүнүн материалдык-техникалык кубатын толугу менен пайдалана албай жатат деп айыптады жана жагдайды ондоону тапшырды. Түркмөн президенти бул тууралуу өткөн аптада премьер-министрдин... Читать дальше...

Жогорку окуу жайын быйыл гана аяктаган Адина Эсентурова мектепти сагынган окуучулар менен айылдык жеңелерге англис тилин үйрөтүп жатат. Ал 40ка чукул окуучуну эртең мененки саат ондон баштап кечки бешке чейин төрт тайпага бөлгөн. Адинага окууга керектүү курал-жаракты Нарындын Таш-Башат айылында турган ата-энеси алып берген.

9-сентябрда Кыргызстандын аймагында түнкүсүн жаан-чачын жаабайт. Күндүз Ысык-Көл облусунун кээ бир райондорунда өткүн өтүп, күн күркүрөп, бийик тоолуу райондорунда кар жаашы мүмкүн. Калган аймактарда жаан-чачын болбойт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 6…11, күндүз 21…26; Талас жергесинде түнкүсүн 2...7, күндүз 21…26; Ош, Баткен, Жалал-Абад дубандарында ​түнкүсүн 9…14, күндүз 26…31; Ысык-Көл облусунда түнкүсүн 4…9... Читать дальше...

Сауд Арабиясында журналист Жамал Хашогжини өлтүрүүгө катышкан деген шек менен камалгандарга акыркы сот өкүмү чыкты. «Al Arabia» телеканалы анда беш адам 20 жылга түрмөгө кесилип, дагы үчөө жети жылдан он жылга эркинен ажыратылганын маалымдады.  Ушул жылдын май айында журналисттин үй-бүлөсү Хашогжини өлтүргөндөрдү кечирген. Падышалыктын мыйзамдарына ылайык, мындай учурда оор кылмышка айыпталгандарды өлүм жазасына тартууга болбойт.  Түркияда сот июль айынан тартып Хашогжинин киши колдуу болушуна байланыштуу ачылган ишти карай баштаган. Читать дальше...