Новости за 11.08.2020

Тажикстан быйылкы окуу жылын 17-августта баштаганы турат. Эми тажикстандык окуучулар эрте башталган эки апта ичинде өткөн жылдагы чаласын толукташмакчы. Өлкөнүн Билим берүү министрлиги коронавирустун экинчи толкуну башталып кетсе, окуучулардын жана сабактардын санын кыскартууну убада кылышууда.

Президент Владимир Путин Орусияда «коронавирус инфекциясына каршы дүйнөдөгү алгачкы вакцина» каттоодон өткөнүн билдирди. Ал мындай сөзүн 11-августта өкмөт мүчөлөрү менен жолугушуу учурунда айтканын «Интерфакс» агенттиги кабарлады. «Мага маалым болгондой, бүгүн эртең менен коронавирус инфекциясына каршы дүйнөдөгү биринчи вакцина каттоодон өттү», - деди Путин. Ал кыздарынын бири вакцинанын сыноосуна катышып, эмдөөдөн өткөнүн, биринчи күнү анын дене табы 38 градуска чейин көтөрүлүп, кийинки күнү 37ге түшкөнүн... Читать дальше...

Мурдагы «Ганси» аба базасынын имаратында ачылган «Семетей» госпиталында ушул тапта 20 бейтап дарыланууда. Госпиталда баш-аягы 1300дөн ашык орун бар. Анын ичинен 50 орун реанимация катары иштеп жатат. Бул тууралуу премьер-министр Кубатбек Боронов 11-августтагы брифингде билдирди: «Биз 20 бейтапты да ооруканадан чыгаргандан кийин «Семетей» клиникасын жаап, ишин токтотобуз. Эгерде оорунун экинчи толкуну болуп кете турган болсо ага каршы күрөшүүгө даярдык көрөбүз. Имаратты дезинфекция кылып, жабдыктар... Читать дальше...

Арменияда март айынан бери жабык турган мектептер 15-сентябрда ачылат. Бул тууралуу Армениянын билим берүү министри Араик Арутюнян билдирди. Анын айтымында, мындай чечим коронавируска каршы күрөштү тескеген өкмөттүк жетекчилердин макулдугу менен кабыл алынды. Ага ылайык, 15-сентябрдан тартып кесиптик коллеждер, музыкалык мектептер окуучуларды кабыл ала баштайт. Бирок жогорку окуу жайларынын иши качан жанданары кийинки аптада белгилүү болмокчу. Министр Арутюнян коронавирустун жаңы очокторунун алдын алыш үчүн мектеп мугалимдери... Читать дальше...

Вашингтондо Ак үйдүн сыртында АКШнын Жашыруун кызматынын офицери бир адамга ок атты. Аталган кызмат маалымдагандай, окуя 10-августта кечки саат 18:00 чамасында болгон. 51 жаштагы адам офицерге жакындап келип, куралы бар экенин айткан жана ок атууга камданган. Ушундан улам Жашыруун кызматтын офицери көкүрөк тушка аткан. Натыйжада ок тийген адам да, офицер да ооруканага жеткирилди. Азырынча алардын абалы тууралуу маалымат бериле элек. Окуя президент Дональд Трамп Ак үйдө коронавируска байланыштуу брифинг өткөрө баштаган маалда болду. Читать дальше...

Саламаттык сактоо министрлигинин илимий тобу Кыргызстанда канча адамга коронавирус жукканын аныктоо боюнча илимий иштерди жүргүзүп жатат. Бул тууралуу премьер-министр Кубатбек Боронов 11-августта онлайн брифинг учурунда айтты.  Анын сөзүнө караганда, калктын канча пайызы ооруга чалдыкканын жана айыкканын адистер атайын ыкма менен жер-жерлерде эсептеп чыга башташты. Боронов мындан тышкары COVID-19 илдети өлкөдө канча кишиге жугушу мүмкүн экенин жарыялады. «Кыргызстандагы илимий-консультативдик эксперттик кеңештин баштапкы божомолу боюнча... Читать дальше...

Дүйнө жүзүндө коронавируска кабылгандар 20 миллион адамдан ашты. Дээрлик беш айга аяк баскан пандемия маалында 736 миңден ашуун бейтап көз жумду.

Милиция кызматкерлери ала качууга кабылган кызды Түп районунда бекитип жаткан жеринен таап, баш калаага алып келишти. Ала качууга шек саналып үч адам убактылуу кармоочу жайга киргизилди.

Дүйнө жүзүндө коронавирус инфекциясын жугузуп алганы ырасталган адамдардын саны 20 миллиондон ашты. Жон Хопкинс университетинин маалыматына ылайык, өпкөнү сезгенткен COVID-19 илдетинен баш-аягы 736 миң киши көз жумду. Дүйнөдөгү коронавирустун тастыкталган учурларынын төрттөн бири АКШга туура келет. 11-августка карата вирус жугузуп алгандардын саны беш миллион 94 миң кишиге жетти. Алардын 163 миңден ашууну кайтыш болду. Кошмо Штаттарда COVID-19 илдети июль айында күчөгөнү менен соңку күндөрү кайра басаңдап баратканы кабарланууда. Читать дальше...

Экономикалык кылмыштарга каршы күрөшүү кызматы (мурдагы Финпол) 11-августта Бишкектеги тигүү цехтеринин биринде мыйзамсыз иштеген майнинг-ферма табылганын билдирди. Маалыматка караганда, «Түндүкэлектр» ишканасы Баялинов көчөсүндө жайгашкан тигүү цехинин ишин текшерүүнү өтүнүп кайрылган. Текшерүү учурунда тигүү цехи катары майнинг-ферма иштеп жатканы аныкталган. Имаратта 187 майнинг-система (криптовалюта жана биткоин чыгарган компьютердик жабдуулар) табылган. Факты Кылмыштар менен жоруктардын бирдиктүү реестрине катталган. Читать дальше...

Кара-Суу районунун Папан айыл өкмөтүнө караштуу Тогуз-Булак айылынын алты тургуну күйдүргүгө (Сибирь жарасы) кабылган деген шек менен ооруканага түштү. Учурда айыл карантинге алынып, мал алып кирип-чыгуу токтотулду. Бул тууралуу Папан айыл өкмөтүнүн башчысы Курбанбек Мияшев билдирди. Анын айтымында оорукана түшкөн алты киши - элге таратылган малды союуга катышкандар. Ал эми союлган уйдун этин 288 киши жеген. «Азыр так аныктала элек, шек менен гана ооруканага жатышты. Союшту башка жактан алып келип элге таратышкан. Читать дальше...

Беларустагы президенттик шайлоодо Александр Лукашенконун башкы атаандашы болгон оппозициячыл талапкер Светлана Тихановская өлкөдөн чыгып кетти. Ал азыр Литвада экенин Балтика боюндагы бул өлкөнүн тышкы иштер министри Линас Антанас 11-августта «Твиттер» аркылуу жарыялады. «Светлана Тихановская коопсуз жайда. Ал Литвада», - деп жазды Антанас.  Тихановская 10-августта Борбордук шайлоо комиссиясына (БШК) шайлоонун жыйынтыгына байланыштуу арызын тапшырыш үчүн барган. Анын штабынын өкүлдөрү Тихановская... Читать дальше...

Бишкек шаарынын мэриясынын Санитардык-экологиялык инспекциясы соңку 10 күндө санитардык талаптарды бузуп, массалык иш-чараларды өткөргөн ишкерлерге 80 миң сомго 20 протокол түздү. Бул тууралуу мэриянын басма сөз кызматы билдирди. Мекеме жакында эле Дэн Сяопин көчөсүндө жайгашкан «Нур-Суфра» тойканасынын администрациясы санитардык эрежелерди сактабай куран окутуу өткөрүп жатканы аныкталганын кабарлады. Дем алыш күндөрү ушундай эле тартип бузуу «Улуу-Тоо» чайханасында, «Главпивтрест» кафесинде да аныкталды. Читать дальше...

Коронавируска каршы күрөш боюнча республикалык штабдын маалыматына караганда, быйыл майда түзүлгөн 112 ыкчам байланышына үч айдын ичинде 614 жаран акысыз юридикалык кеңеш сурап кайрылды. Алардын көбү же 231и ошол кездеги карантин тартиби тууралуу болсо, 94ү үй-бүлөлүк укуктук мамилелерге байланыштуу. Ошондой эле жарандар эмгек укуктарын коргоо, жарандык укуктук мамилелер, үй-бүлөлүк зомбулук, социалдык коргоо, документтештирүү боюнча юристтерден кеңеш алышты. Кеңири укуктук жардам керек болгондуктан, 115 адам башка жактарга жиберилген. Читать дальше...

Кыргызстандын Орусиядагы элчилиги 11-августта  Орусиянын аймагында чет элдиктердин өлкөгө киришине чектөөлөр алына элек экенин эскертти. Мекеме олуттуу себептери болбогон жарандардын кайра Кыргызстандан Орусияга кириши мүмкүн эмес экенин билдирди. Маалыматка караганда, учурда Орусия менен Кыргызстандын ортосунда жүргүнчүлөрдүн туруктуу аба каттамы калыбына келе элек. Орусия менен Казакстандын чек арасы да жабык. Эпидемиологиялык кырдаалга байланыштуу элчилик Кыргызстанга барууга олуттуу себеби... Читать дальше...

11-августта Улуттук тарых музейин оңдоого жана Чолпон-Атадагы ипподромду реконструкциялоого байланышкан кылмыш иштери боюнча Бишкек шаардык сотунда өтчү жараян болбой калды. Бул иште айыпталып жаткан мурдагы премьер-министр Сапар Исаковдун адвокаты Бакытбек Автандил уулу отурум дагы бир айыпталуучу Мира Карыбаева ооруп сотко келбегендигине байланыштуу 18-августка жылдырылганын билдирди. Анын сөзүнө караганда, шаардык сот ишти кароо процессине кирише элек. Буга чейин жабырлануучу тарап катары... Читать дальше...

Чет жактардагы кыргызстандыктарды мекенине кайтаруу тууралуу президенттин чечимине ылайык, 3-9-август аралыгында Орусиядан Кыргызстанга 4 181 жаран алынып келди. Аларды алып келиш үчүн сегиз чартердик аба каттамы жана 43 автобус уюштурулду. Кыргызстандын Орусиядагы элчиси Аликбек Жекшенкуловдун маалыматына караганда, Кыргызстанда коронавирус пандемиясы башталган 20-марттан 10-августка чейин Орусиянын 21 аймагынан жалпы 26 685 жаран мекенине кайтты. Бул мезгил аралыгында алар  102 аба каттамы... Читать дальше...

Кыргызстан жыл башынан бери 12 млрд. сомдой салык жана бажы төлөмдөрүн чогулта албай калды.

Бир сутка ичинде Кыргызстанда COVID-19 илдетинен төрт киши кайтыш болду. Саламаттык сактоо министрлигинин Коомдук саламаттыкты сактоо башкармалыгынын жетекчиси Айнура Акматова 11-августтагы брифингде билдиргендей, каза болгондордун үчөө Бишкекте, бирөө Баткен облусунда катталды. Пандемия башталган март айынан бери өлкөдө коронавирустун курмандыктары 1478 кишиге жетти. Расмий маалыматка караганда, бир күн ичинде COVID-19 вирусу 278 адамдан лабораториялык жол менен жаңы аныкталды. Өлкөдө пандемияда... Читать дальше...

Июль айынын аягынан бери 76 сомдун тегерегинде кармалып келаткан АКШ доллары соңку бир сутка ичинде 20-30 тыйынга чейин кымбаттады. Кыргызстандын улуттук банкы 11-августка карата доллардын курсун 77 сом 42 тыйын деп белгилеп, АКШ акчасынын куну 0,48 пайызга көтөрүлдү. Ал эми жеке менчик банктар бир долларды 77 сом 40 тыйындан, 77 сом 50 тыйындан сатып алып, кайра 77 сом 80 тыйындан, 77 сом 90 тыйындан сатып жатат. 2016-жылдан бери туруктуу бойдон 69 сомдун тегерегинде кармалып келген АКШ доллары быйыл 10-мартта үч сомго кымбаттап... Читать дальше...

Укук коргоочулар кыргыз бийлигин Бишкекте кармалган өзбекстандык журналист Бобомурод Абдуллаевди Ташкентке өткөрүп бербөөгө чакырышты.

Жогорку окуу жайларына онлайн кабыл алуунун III турунда (3-5-август) «Абитуриент Online» (https://2020.edu.gov.kg/) системасына 7 701 талон түштү. Анын 2 678и бюджеттик орундарга берилсе, 5 023 талон келишимдик негизде билим алууга бөлүнгөн.  Билим берүү жана илим министрлиги III турдун жыйынтыгы менен 3 952 абитуриент жогорку окуу жайына кабыл алынганын билдирди. Анын 766сы бюджеттик негизде, 3 186ы келишимдик негизде билим алат. III турда системага жалпы 53 012 талон катталып, жогорку окуу... Читать дальше...

Беларуста шайлоодон кийинки экинчи түн да тынч болгон жок.

Ташкенттин өтүнүчү менен Кыргызстанда кармалган Бобомурод Абдуллаевдин жагдайы тууралуу журналист Шохрух Саипов ой бөлүшөт. Анын оюнча, эгер Бишкек Абдуллаевди Өзбекстанга өткөрүп берсе, Кыргызстан эл аралык уюмдардын сынына кабылат жана бул өлкөнүн демократиялык баалуулуктарына шек келтирет. 9-августта Бишкекте кармалган Абдуллаевди Биринчи май райондук соту 8-сентябрга чейин камакта калтырды.

Түркмөнстанда диний ишенимдеринен улам армияда кызмат өтөөдөн баш тарткан эки бир тууган соттолду. Бул тууралуу «Иегово күбөлөрү» уюмунун басма сөз катчысы Жаррод Лопес «Азаттыктын» түркмөн кызматына билдирди. Анын айтымында, түркмөн соту 6-августта 21 жаштагы Элдор Сабуров менен 25 жаштагы Санжарбек Сабуровду эркинен ажыраткан. Диний уюмдун маалыматына караганда, Санжарбек Сабуров армияга 2016-жылы чакырылган. Анда ал колуна курал алып аскердик кызмат өтөөдөн баш тартканы үчүн эки жылга соттолгон. Читать дальше...