Անդրե Աղասին և Սերժ Թանկյանը կոչ են արել միանալ իրենց՝ Ցեղասպանության մասին պատմող «Խոստումը» ֆիլմի պրեմիերային

Աշխարհի նախկին համար մեկ թենիսիստ Անդրե Աղասին կոչ է արել բաց չթողնել Ցեղասպանության մասին պատմող «Խոստումը» ֆիլմի պրեմիերան, որն ԱՄՆ-ում կայանալու է ապրիլի 21-ին: Վերջինս տեսանյութ է հրապարակել իր թվիթերյան էջում` ասելով. «Հպարտ եմ տեսնելու, որ Քըրք Քըրքորյանի նախաձեռնությունն իրականություն է դարձել, միացե՛ք և օգնե՛ք կատարելու նրա խոստումը»: 

Նման կոչով հանդես է եկել նաև աշխարհահռչակ ռոք երաժիշտ Սերժ Թանկյանը, ում ստեղծագործությունը պետք է հնչի օսկարակիր ռեժիսոր Թերի Ջորջի ֆիլմում: Նա կոչ է արել միանալ իրեն, Քրիս Քորնելին և դերասաններ Քրիստիան Բեյլին և Օսկար Այզեքին, Անժելա Սարաֆյանին, ովքեր կներկայանան Կարմիր գորգին: 

Հիշեցնենք, որ ամերիկացի երաժիշտ Քրիս Քորնելը մարտի 10-ին ներկայացրել էր իր «Խոստումը» երգը, որը հնչելու է համանուն ֆիլմում և որից ստացված ողջ հասույթը փոխանցվելու է Փրկության միջազգային կոմիտեին, որն զբաղվում է հումանիտար ճգնաժամերում հայտնված մարդկանց օգնությամբ:

#KeepThePromise...@ThePromiseFilm pic.twitter.com/0czA1DrRVU

— Andre Agassi (@AndreAgassi) 30 марта 2017 г.

There’s less than a week to go! Will YOU join us at the premiere of The Promise? ENTER: https://t.co/WtqE7Tou4r @thepromisefilm pic.twitter.com/rll009Ws4s

— Serj Tankian (@serjtankian) March 30, 2017