Ագիտացիա արեք, որ ժողովրդի ուղեղը փոխվի. գորիսեցու առաջարկը՝ Նիկոլ Փաշինյանին
Գորիսում քարոզարշավ իրականացնող «Ելք» դաշինքի առաջնորդներին՝ Նիկոլ Փաշինյանին ու Արամ Սարգսյանին մի քաղաքացի խորհուրդ տվեց. «Ագիտացիա արեք, որ ժողովրդի ուղեղը փոխվի»։
«Շատ ճիշտ եք ասում էլի, ուղեղը կա, բայց ոնց որ քնածա էլի, պետք է զարթնացնել»,-նշեց Նիկոլ Փաշինյանը:
Քաղաքացին շարունակեց. «Թե չէ էն նախկին ուղեղով չեք կարա մեր ռազմական արդյունաբերությունը զարգացնենք»:
Մեկ այլ քաղաքացի էլ հարցրեց, թե «Ելքի» առաջարկը ո՞րն է, դո՞ւրս գալ ԵԱՏՄ-ից: «Մենք Եվրոպական մոդելի պետություն ենք ստեղծում՝ հայկական մեր ազգային ավանդույթները պահելով, այսինքն՝ եվրոպական կրթություն, եվրոպական առողջապահական համակարգ»,-պատասխանեց Արամ Սարգսյանը:
Արամ Սարգսյանը նշեց, թե իրենք գնում են ասոցացման համաձայնագիրը ստորագրելու: «Այստեղ համարում ենք 500 միլիոնանոց շուկա է, Եվրասիական շուկան ավելի փոքր է, և հետո՝ ԵԱՏՄ շուկայում համ մենք են տուժում, համ ռուսները, համ ղազախները, համ բելառուսները, մեզ ընդամենը մեկ տոկոս են տալիս, որը մենք չենք աշխատել»,-ասաց նա: