Телейлĕ ачалăх çулталăкĕ ачасен куçĕпе
Çитес çул Чăваш Енре телейлĕ ачалăх çулталăкĕ пулĕ. Çак пулăма халалласа Республикăра тĕрлĕ ĕç-пуç иртет. Сăмахаран, «Телейлĕ ачалăх çулталăкĕ - ачасен куçĕпе» акци. Унта шкул ачисем, ача-пăча садне çӳрекенсем, вĕрентекенсем, ашшĕ-амăшĕ хутшăнма пултараççĕ.
Вĕсен телейлĕ ачалăх çулталăкне халалласа логотип хатĕрлемелле, сăмах çавранăшĕ шухăшласа кăлармалла. Видероликсене, презентацисене, карточкăсене авăн уйăхĕн 30-мĕшĕччен электронлă адреспа ярса памалла. Чи лайăх шухăшсене республика Пуçлăхĕ Олег Николаев уйăх вĕçĕнче ирттерекен тӳрĕ линире палăртĕç.
АНДРЕЙ МИХАЙЛОВ: «2023-мĕш çул Чăваш Республикинче Чăваш Республикин Хушăвĕпе телейлĕ ачалăх çулталăкĕ тесе палăртнă. Çак çулталăка çӳллĕ шара ирттерес тесе пирĕн республикăра ĕç ушкăнĕ йĕркеленĕ. Тĕрлĕ министерствăсенчен специалистсем кĕреççĕ. Общество организацийĕсен представителĕсем те пур».