Новости за 13.11.2019

Türkmenistanda dowam edýän ykdysady kynçylyklaryň fonunda käbir azyk harytlarynyň bahalary ýene-de sähel gymmatlady. Manat dollaryň garşysynda has-da hümmetini ýitirýär.

Türkmenistanyň döwlet metbugaty Daşoguz welaýatynyň kärendeçileriniň ýyllyk şaly hasyl borçnamalaryny üstünlikli ýerine ýetirendigini we munuň planlaşdyrylandan has köp bolandygyny habar berýär.

Türkmenistanyň raýatlarynyň ýurduň daşyna çykmagyna döredilýän bökdençlikleriň we olaryň halkara reýslerden köpçülikleýin düşürilmeginiň fonunda ilatyň ýurduň daşyna çykmagyna ýardam bermek boýunça hyzmatlar köpelýär.

Şu günler Özbegistanyň Aşgabatdaky ilçihanasynyň öňünde ýüzlerçe adamyň syýahatçylyk wizasyny almak üçin nobata durandygyny görse bolýar diýip, “Türkmen.news” neşiri habar berýär.

Italiýanyň Wenesiýa şäherinde soňky 50 ýylda iň güýçli suw joşguny emele geldi. Kanallardan ybarat bu şäherde suwuň derejesi taryhda ikinji gezek şeýle ýokary derejä galýar.  12-nji noýabrda agşam suwuň derejesi 187 santimetr beýiklige göterilip, şäheriň 90% çemesini basypdyr. 13-nji noýabrda Italiýanyň suw joşgunlaryna gözegçilik edýän merkezi bu ýagdaý suw joşguny bilen bagly adatdan daşary ýagdaýy döredýär.  Mundan öň Wenesiýada suwuň joşmagynyň iň ýokary derejesi 1966-njy ýylda 198 santimetr derejesinde hasaba alnypdy. Читать дальше...

ABŞ-nyň wekiller öýüniň prezident Donald Trampa impiçment bildirmek boýunça derňewleri 13-nji noýabrda telewideniýede göni efirde köpçülikleýin diňlenişik görnüşinde dowam eder.  Taryhda seýrek bolan we uzaga çekýän bu proses prezidentiň wezipesinden öz şahsy we syýasy bähbidi üçin peýdalanyp-peýdalanmazlygyny, daşary ýurduň hökümetini öz garşydaşlaryny derňemäge itermek ýaly hereketlere baş goşup goşmandygyny, şeýle-de bu hereketleriň öwezini dolup bolmaýan jenaýat bilen ilteşigini anyklamak maksady bilen geçirilýär. Читать дальше...

Hytaýyň demirgazyk-günbatar Ksinjang regionyndan etnik gazak zenany serhetden bikanun geçendigi üçin sud edilende özüniň Gazagystanda galmagyna rugsat sorady we öz ýurdunda yzarlanmakdan howatyrlanýandygyny aýtdy.  Kaişa Agan 12-nji noýabrda Gazagystanyň günorta-gündogaryndaky Žarkent şäherinde geçirilen sud diňlenişiginde eden çykyşynda özüniň Gazagystanyň serhedinden 2018-nji ýylyň maý aýynda bikanun geçmegine Ksinjangda özüne musulmanlar üçin lagere ýerleşdirilmek haýbatynyň atylmagynyň sebäp bolandygyny aýtdy. Читать дальше...

Türkiýäniň prezidenti Rejep Taýyp Erdogan geçen gezek prezident Donald Tramp bilen duşuşmak üçin Waşingtona sapar edende onuň howpsuzlyk resmileri 2017-nji ýylda Türkiýäniň ilçihanasynyň golaýynda kürtçi parahat demonstrantlara hüjüm edipdi. Erdoganyň 13-nji noýabrda baran wagty NATO boýunça iki agza ýurdunyň arasyndaky dartgynlylygyň gurama döredileli bäri 70 ýylyň dowamyndaky iň güýçli derejä baran pursadyna gabat geldi. “Biz bu sapary türk-amerikan gatnaşyklarynyň agyryly prosesden geçýän döwründe edýäris" diýip... Читать дальше...

13-nji noýabrda Owganystanyň Içeri işler ministrliginiň Kabuldaky edarasynyň jaýynyň golaýynda awtoulaga goýlan bombanyň partlamagy zerarly azyndan ýedi adam wepat boldy diýip, resmiler aýdýarlar.  Içeri işler ministrliginiň metbugat wekili Nasrat Rahiminiň sözlerine görä, partlama Kabulyň Kasaba giňişliginde aeroportdan demirgazyk tarapda polisiýanyň 15-nji bölüminde bolupdyr. Hüjümiň jogapkärçiligini hiç bir topar dessine öz üstüne almady. "Talyban" we "Yslam döwleti" toparynyň ikisi-de Kabulda aktiw hereket edýärler. Читать дальше...

Türkmenistanda iň pes aýlyk zähmet haky 790 manada deň mahaly, Mary welaýatynda iň arzan çaga paltolarynyň bahasy 700 manada ýetdi. Bu barada Azatlyk Radiosynyň Marydaky habarçylarynyň biri habar berýär.

Plagiat: Biriniň döreden eserini hiç bir esassyz öz adyňa geçirmeklik, edebi ogurlyk.