Новости за 07.11.2019

6-njy noýabr güni giçlik özüni Kasymberdi Garaýewiň kakasy, Maksat Garaýew hökmünde tanyşdyran bir erkek kişi Azatlyk Radiosynyň baş redaktory bilen habarlaşdy.

Täjigistanyň resmi delegasiýasy 1-nji noýabrda Türkmenistana baryp gaýtdy. Aşgabatdaky gepleşiklere gatnaşan Täjigistanyň transport ministriniň birinji orunbasary Suhrob Mirzoda delegasiýanyň ýük ulaglaryň Türkmenistanyň territoriýasyndan geçmegine degişli sorag berendigini, emma türkmen tarapynyň anyk jogap bermändigini Azatlyk Radiosy bilen söhbetdeşlikde aýtdy.

Lebap welaýatynyň Türkmenabat şäherinde bedenine tatuirowkalary, ýagny hemişelik suratlary çekdiren aýal-gyzlar soraga çekilip başlandy. Bu barada Azatlyk Radiosynyň Lebapdaky habarçylarynyň biri habar berýär.

Türkmenistanyň prezidenti Gurbanguly Berdimuhamedow 6-njy noýabrda resmi sapar bilen Italiýa bardy.

Türkmenistanyň prezidentiniň milli howpsuzlyk ministri Ýaýlym Berdiýewe berk käýinç bermegine türkmenistanly geý oglanyň dowul döreden ýagdaýynyň sebäp bolan bolmagy mümkin. Berdiýewiň MHB-niň ýolbaşçysy wezipesinde ilkinji gezek käýinç alan wagtynda kanun goraýjy edaralar seksual azlyklaryň wekilleri anyklamak boýunça çärelerini güýçlendirdiler. Azatlyk Radiosynyň habarçylarynyň maglumatlaryna görä, käbir regionlarda polisiýa Türkmenistanyň Jenaýat kodeksiniň 135-nji maddasy boýunça öň jenaýat jogapkärçiligine çekilen adamlary sorag edýär. Читать дальше...

Türkmenistanyň döwlete degişli dükanlarynda azyk ýetmezçiligi bilen bagly problema dowam edýär. Şu günler Mary şäheriniň döwlete degişli dükanlarynda arassalanmadyk pagta ýagy, “Ahal” ýagy, şeker, un, towuk ýumurtgasy we budy tapdyrmaýan mahaly, buhanka çöregi çäkli möçberde käte satuwa çykarylýar.

Gyrak-çetdäki serhet berkitmesine edilendigi aýdylan terror hüjümi bilen baglylykda, täjik resmileri tarapyndan elhenç görnüşli suratlar çap edildi, soňra olar redaktirlendi we ahyrynda öçürildi.

Halkara günä geçiş guramasy, Amnesty International 6-njy noýabrda türkmenistanly geý ýigit Kasymberdi Garaýewiň ykbaly barada alada edip, “gyssagly hereket” kampaniýasyna başlady.  Onuň çäginde Türkmenistanyň adam hukuklary boýunça öz üstüne alan halkara borçlaryny ýatladyp, resmi Aşgabady eden-etdilikli tussag etmelerden we zorlukly ýitirim etmelerden el çekmäge, LGBT hukuklaryny horamatlamag çagyrmak, Türkmenistanyň ýolbaşçylaryna hat ýazmak nazarda tutulýar. Bu kampaniýa Türkmenistanyň prezidenti... Читать дальше...

Aşgabat şäher sudy 29-njy oktýabrda 18 ýaşyndaky ýehowa şaýady Dawid Petrosowyň we Selim Taganowyň dini ynançlary esasynda hökmany harby gullukdan boýun gaçyrandyklary sebäpli berlen bir ýyl türme tussaglyklary zerarly eden şikaýatlaryny ret etdi diýip, dini habarlary çap edýän “Forum 18”  agentligi habar berýär.  Neşiriň maglumatyna görä, häzir Türkmenistanda ynanjy sebäpli goşun gullugyndan boýun gaçyrandan soň türmä basylanlaryň sany dokuz adam, olaryň altysy şu ýylda türmä basyldy. BMG Türkmenistanyň... Читать дальше...

Türkiýäniň prezidenti Rejep Taýyp Erdogan 6-njy noýabrda Siriýadaky türk gýüçleriniň “Yslam döwleti” toparynyň öldürilen lideri Abu Bakr al-Bagdadynyň aýallarynyň birini we beýleki maşgala agzalaryny ýesir alandygyny aýtdy. Emma ol başga detallary açmady we tussag edilen aýalyň adyny hem aýtmakdan saklandy. Bagdadynyň dört aýaly bar diýip bilinýär, ol 26-njy oktýabrda, Siriýanyň demirgazyk-günbataryndaky Idlib welaýatynda, ABŞ-nyň ýörite güýçleriniň geçiren operasiýasynda öldürildi. “Birleşen... Читать дальше...

Kiýew şäherinde, uly ýolda bolan awtoulag partlamasynda bir adam öldi, iki adam ýaralandy, bu hadysa üçünji tarap, motorly adam sebäp bolana meňzeýär diýip, ukrain polisiýasy aýtdy.  Polisiýa 6-njy noýabr güni giçlik gara reňkli “Mersedes” sedan awtoulagynyň Brest-Litowsk ýolunda, agşam sagat 9:40 çemesinde partlandygyny aýtdy. Sürüji wakanyň bolan ýerinde öldi, partlamanyň sarsgyny netijesinde golaýdaky iki awtoulaga zyýan ýetdi.  “Bu hadysa motosikletli adamyň gatnaşygy bolan bolmaly” diýip, polisiýa aýtdy. Читать дальше...

Hökümetden aýry guramalaryň ikisi, Orsýet ofiserleri we Esger eneleri komiteti geçen aýda Sibirdäki harby bölümde bolan we sekiz adamyň ölümine, iki adamyň ýaralanmagyna getiren ganly atyşyk sebäpli internet oýunlaryny ýazgardy. Ady agzalan hökümetden aýry guramalaryň wekilleri 5-nji noýabrda Moskwada žurnalistlere Zabaýkalýe sebitindäki harby bölümde, betbagtçylygyň bolan ýerinde dedowşinanyň, esger agalygynyň bolmandygyny aýtdylar we “internetiň baglanmagyna” çagyrdylar. Şu aralykda, Esger... Читать дальше...

Eýran Fordowdaky ýadro desgasynda sentrifugalara uran gazyny goýberýändigini aýtdy. Bu Tähranyň 2015-nji ýylda dünýä döwletleri bilen baglaşan aýdro ylalaşygynyň şertlerini berjaý etmekden has daşlaşýandygyny aňladýar. Eýranyň atom energiýasy gullugy 7-nji noýabrda öz websaýtynda beýanat çap edip, “Fordow desgasynda baýlaşdyrylan uranyň önümçiligi we toplanmagy başlandy” diýdi. Bu beýanat gullugyň sözçüsiniň bir gije ozal, “gelýän sagatlarda, Halkara atom energiýasy gullugynyň inspektorlarynyň gatnaşmagynda... Читать дальше...