Новости за 30.06.2018

ABŞ-nyň Estoniýadaky ilçisi prezident Donald Trampyň Ýewropa Bileleşigi we NATO barada eden belliklerini berk tankytlap, dynç alşa çykýandygyny yglan etdi. 2015-nji ýyldan bäri ABŞ-nyň Tallindäki wekili bolup işlän ilçi Jeýms Melwil (James Melville) bu beýanaty özüniň hususy feýspuk sahypasynda etdi we bu barada ony görendigini aýdan neşir, “Foreign Policy” ilki bolup, 29-njy iýunda habar berdi. Estoniýanyň habar guramasyEesti Ekspress 30-njy iýunda gürrüňi edilýän feýsbuk beýanatynyň ekrandan alnan suratyny çap etdi. Читать дальше...

Owganystanyň ýörite polisiýa güýçleriniň uly derejeli komandiri 28-nji iýunda paýtagt Kabulyň Makroraýan diýen ýerinde maşagalasy bilen meýdanda dynç alýan wagty atylyp öldürildi diýip, Owganystanyň Içeri işleri ministrligi 29-njy iýunda aýtdy. Içeri işler ministrliginiň sözçüsi Paktika welaýatynda ýörite polisiýa güýçleriniň 01 bölümine komandirlik eden we “Talybana” garşy onlarça operasiýa ýolbaşçy bolan Azizullah Karwanyň öldürilendigini aýtdy. Aýdylmagyna görä, ol ozal birnäçe gezek guralan kast ediş synanyşyklaryndan aman galypdyr. Читать дальше...

TDH 29-njy iýunda Türkmenistanyň prezidenti Gurbanguly Berdimuhamedow bilen Russiýa Federasiýasynyň prezidenti Wladimir Putiniň, Özbegistanyň prezidenti Şawkat Mirziýoýewiň arasynda telefon söhbetdeşliginiň bolandygyny habar berýär. Bu söhbetdeşlikler G.Berdimuhamedowyň doglan gününde, Moskwanyň we Daşkendiň inisiatiwalary bilen guraldy. W.Putin türkmen kärdeşini “doglan güni bilen gutlap, berk jan saglyk, uzak ömür hem-de ýokary döwlet wezipesinde alyp barýan asylly işlerinde täze ajaýyp üstünlikleri arzuw etdi” diýip,  habarda aýdylýar. Читать дальше...

Gürjüstanyň sudy ozalky prezident Mihail Saakaşwilini wezipesini hyýanatçylykly peýdalanmka günäli tapyp, gaýybana alty ýyl türme tussaglygyna höküm etdi. Tbilisiniň şäher sudunyň 28-nji iýunda çykaran höküminde Saakaşwiliniň öz wezipesini 2005-nji ýylda oppozisiýadaky deputat Waleriý Gelaşwiliniň urlup-ýenjilmegine degişli subutnamany bassyr-ýussur etmek synanyşygynda ulanandygy aýdylýar.  Häzir Niderlandiýada ýaşaýan Saakaşwili bu sud hökümini ýazgaryp çykyş etdi we onuň syýasy äheňlidigini öňe sürdi. Читать дальше...

Owganystanyň prezidenti Aşraf Gani hökümetiň “Talyban” bilen birtaraply ýaraşygyny resmi taýdan bes edýändigini yglan etdi, emma jeňçi topary parahatçylyk gepleşiklerine girmäge çagyrdy.  Ganiniň 30-njy iýunda Kabulda guralan metbugat ýygnagynda aýdan habary Oraza baýramy mynasybetli yglan edilen gysga wagtlyk ýaraşykdan soň ýene 10 gün uzaldylan ýaraşygy we owgan güýçlerine “Talybana” garşy opersiýalary togtatmak barada berlen buýrugy ýatyrýar. “Ýaraşyk tamam boldy. Owgan howpsuzlyk we goranyş... Читать дальше...

ABŞ-nyň prezidenti Donald Tramp rus kärdeşi bilen planlaşyrylan sammitiň öňüsyrasynda Orsýetiň Ukrainanyň Krym ýarymadasyny anneksiýa etmegini ykrar etmegi aradan aýyrmakdan ýüz öwürdi. 29-njy iýun güni giçlik žurnalistleriň “Howa güýçleri Birde” onuň Waşingtonyň anneksiýa uzak wagtlap garşy durmagyny bes etjegi baradaky habarlar çynmy diýip beren soragyna, Tramp: “Biz muny göreris” diýip jogap berdi. Tramp ABŞ-nyň Orsýete garşy anneksiýa sebäpli girizilen sanksiýalary ýatyrylarmy diýen soraga hem şeýle jogap berdi. Читать дальше...

Türkmen döwlet habarlar gullugy 29-njy iýunda, prezident Gurbanguly Berdimuhamedowyň 61 ýaşynyň dolmagyny toýlaýan gününde Türkmenistanyň prezidentiniň Ahalteke atçylyk toplumyna degişli Akhan atly atyň çarpaýa galyp ýöremekde Ginnesiň rekordlar kitabyna girendigini habar berýär.