Новости за 15.06.2018

Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.

Orsýetiň oppozisiýa lideri Alekseý Nawalny Moskwanyň Futbol boýunça dünýä çempionatyny geçirmek üçin eden çykdajylaryny tankytlap, oňa sarp edilen maliýe serişderleriniň käbir böleginiň prezident Wladimir Putiniň ýakyn töweregindäki barlykly biznesmenler tarapyndan ogurlanandygyny aýtdy.

Şu gün Türkmenistanda Oraza baýramy bellenilýär. Bu gün ýurtda dynç güni diýlip yglan edilendigine garamazdan, Daşogzuň döwlet edara-kärhanalarynda işleýän işgärler sport çärelerine gatnaşmaga mejbur edildi. Bu barada Azatlyk Radiosynyň Daşoguzdaky çeşmesi habar berýär.

Türkmenistanda un-çörek gytçylygynyň dowam edýän mahaly, ýurduň mediasy käbir etraplaryň kärendeçileriniň bugdaý hasyly boýunça şertnamalaýyn borçnamalaryny ýerine ýetirendigini habar berýär.

Aşgabadyň döwlet dükanlarynda azyk önümleriniň nobatlary artýar, welaýatlarda çörek pasport boýunça satylýar, ilat unuň nobatlaryna bir aý öňünden ýazylýarlar. Bu barada Azatlyk Radiosynyň Türkmenistandaky habarçylary aýdýarlar. "Köp adam irden agşama çenli toparlanyşyp durýar. Düýn agşam öýe barýarkam Türkmenbaşy şaýolundaky "Milli Marketiň" öňünde märeke durdy. Irden işe barýan wagtymda märeke dargamadyk ýaly ýene durdy. Esasy azyk önümleriniň ählisi gyt, şäker, un, ösümlik ýagy, emma adamlar... Читать дальше...

Demirgazyk Türkmenistan bilen Özbegistanyň arasyndaky serhet geçelgelerinde täze çäklendirmeler öz güýjüne girýär. “Häkimiýetler türkmen-özbek serhet geçelgelerinden syýahat, söwda we ýaşaýyş wizasy bar raýatlaryň araçäkden haryt geçirmeklerine gadagançylyk girizdi. Bu ýagdaý tölegli wiza bilen haryt gatnadýan raýatlaryň girdejilerine uly zarba urdy” diýip, Azatlygyň habarçysy 15-nji iýunda maglumat berdi.

Azatlyk Radiosyna Aşgabat aeroportunda bolandygy aýdylýan betbagtçylyk barada wideo ýazgy gelip gowuşdy. Okyjylaryň käbiri bu wakanyň "Berkarar" SM-de bolandygyny ýazýar. Çeşmeleriň biriniň maglumatyna görä, wideodaky oglan özüni üçünji gatdan oklapdyr. Ikinji maglumatda onuň ýokardan tötänlikde ýykylandygy aýdylýar. Goşmaça maglumatyňyz bolsa, bize ýetirmegiňizi soraýarys.

Azatlyk Radiosyna Aşgabadyň halkara aeroportunda bolan betbagtçylykly hadysa barada wideo ýazgy gelip gowuşdy. Onda gana bulaşyp ýatan bir oglan görünýär. Ýerli çeşmeleriň biriniň berýän maglumatyna görä, ol oglan öz janyna kast etmäge synanyşyp, özüni üçünji gatdan oklapdyr. Ikinji bir maglumatda onuň ýokardan tötänlikde ýykylandygy aýdylýar. Bu barada goşmaça maglumatyňyz bolsa, biziň bilen habarlaşmagyňyzy soraýarys.

Orsýet Futbol boýunça dünýä çempionaty üçin täze stadionlaryň gurluşygyna ýüzlerçe million amerikan dollary sarp eden mahaly, bu ýagdaý käbir ‘gowy arkasy’ bolan adamlara uly pul ýasamak mümkinçiligini döretdi.

Pentagon resmileri ABŞ dronynyň Pakistan serhediniň golaýyndaky owgan welaýatynda Pakistan talybanynyň liderini nyşana alandygyny we, tassyklanmadyk ýerli maglumatlara görä, ony öldürendigini aýdýarlar. ABŞ-nyň harby resmileri 14-nji iýunda media TTP-niň ýa-da “Tehrik-e-Taliban Pakistan” atly terror guramasynyň başlygy molla Maulana Fazlullahyň 13-nji iýunda serhediň alkymyndaky Kunar welaýatynda nyşana alnandygyny aýtdylar. “Roýters” habar gullugy, “Amerikanyň sesi we AFP bilen anonim şertde... Читать дальше...

Aşgabat şäheriniň harby prokurory Serdar Pollyýew hünär synagynyň netijeleri boýunça Aşgabat şäheriniň harby prokurory wezipesinden boşadyldy diýip, TDH döwlet habarlar gullugy 14-nji iýunda habar berdi. Prezident Gurbanguly Berdimuhamedowyň gol çeken kararyna laýyklykda, ýustisiýanyň geňeşçisi Serdar Pollyýew hünär synagynyň netijeleri boýunça, eýeleýän wezipesinden boşadyldy.  Türkmen mediasy prezidentiň kararynyň“Türkmenistanyň prokuraturasy hakyndaky” kanunyň 16-njy maddasynalaýyklykda kabul edilendigini habar berýär... Читать дальше...

Türkmenistanyň prezidenti Gurbanguly Berdimuhamedow 20-nji iýunda Täjigistana iş sapary bilen baryp, Duşenbe şäherinde geçiriljek “Durnukly ösüş üçin suw” atlyhalkara maslahata gatnaşar. Türkmen hökümetiniň 14-nji iýunda geçirilen mejlisinde aýdylmagyna görä, Duşenbede 20-21-nji iýunda geçiriljek maslahata dünýäniň onlarça ýurdunyň döwlet baştutanlary, halkara guramalarynyň wekilleri gatnaşar.  Duşenbedäki suw maslahaty Türkmenistanda ekerançylyk meýdanlaryna suw ýetmezçiliginiň ýiti duýlan suwaryş möwsüminiň yz ýanyna gabat geldi. Читать дальше...

Türkmenistan 2019-2021-nji ýyllarda BMG-niň Ykdysady we Durmuş Geňeşiniň agzalygyna saýlandy. Bu karar 13-nji iýunda BMG-niň Baş Assambleýasynyň 72-nji sessiýasynyň 96-njy mejlisinde kabul edildi.  1946-njy ýyldan döredilen Ykdysady we Durmuş geňeşi (EKOSOS) BMG-niň esasy düzümi bolup, ykdysady we durmuş meselelerini ara alyp maslahatlaşmak hem-de agza döwletler üçin maslahatlary işläp taýýarlamak üçin merkezi forum bolup hyzmat edýär. BMG-niň ähli serişdeleriniň 70 göterimden gowragy Geňeşiň ygtyýarynda diýip, TDH ýazýar. Читать дальше...

Türkmenistanlylar 15-nji iýunda Oraza baýramyny belleýär. Bu gün Türkmenistanyň prezidentiniň permany bilen iş güni däl diýip yglan edildi. Döwlet baştutanynyň permanynda bu kararyň, eýeçiliginiň görnüşine garamazdan, ähli edaralar, kärhanalar we guramalar tarapyndan ýerine ýetirilmelidigi aýdylýar.  Türkmenistanda her ýyl Gurbanlyk we Oraza baýramlary iş güni däl diýip yglan edilýär.  “Sizi müňýyllyklardan gözbaş alyp gaýdýan hem-de adamzadyň ahlak we ruhy päkligini dünýä ýaýýan mukaddes Oraza... Читать дальше...

Türkmenistanyň prezidentiniň uçary bir hepdäniň dowamynda ikinji gezek Germaniýa geldi. “Türkmenistanyň Hronikasy” neşiriniň flightradar24.com saýtyna salgylanyp ýazmagyna görä, Türkmenistanyň prezidentiniň Boing 737 uçary 14-nji iýun güni ir sagat 7-de Frankfurt aeroportuna gelip gondy. Bu uçar şondan 2,5 sagat soň Germaniýadan yzyna, Türkmenistanyň paýtagtyna uçdy. “Türkmenistanyň Hronikasy” neşiri bu uçaryň 10-njy iýunda hem Frankfurta gelendigini habar berýär. Ýöne ol gezek Boing 737 Frankfurtda biraz az saklandy... Читать дальше...

Dünýä boýunça, häzirki zamanda durmuşy, ýaşaýşy üpjün etmegiñ, ýagny ykdysadyýeti ýöretmegiñ iki sany ýoly bar. Bazar ykdysadyýeti we ýokardan dolandyrylýan ykdysadyýet.