Новости за 21.06.2018

Aşgabadyň aeroportunda “Türkmenhowaýollary” kompaniýasynyň Stambul saparyny ýerine ýetirýän uçaryna goýberilmeýän adamlaryň deregine uçmak üçin bilet kassasynyň öňünde nobata duran raýatlardan özi üçin ýadygärlik surat ýa-da wideo şekil surata düşürýänleriň organ işgärleri tarapyndan saklanyp, soň hem howpsuzlyk gullugy tarapyndan soraga çekilip, daşary ýurda goýberilmeýändigi habar berilýär.

Türkmenistanyň prezidenti Gurbanguly Berdimuhamedow 20-nji iýunda Lebap welaýatyna iş saparyna baryp, Ruhyýet köşgünde sporty ösdürmek meselelerine bagyşlanan maslahat geçirdi.  Maslahatda hususan-da “Amul-Hazar 2018” halkara awtorallisini geçirmäge görülýän taýýarlyk çärelerine garalandygy habar berilýär. Içeri işler ministri Isgender Mulikow “Amul-Hazar 2018” awtorallisiniň ugurlaryny kesgitlemek boýunça edilen işler barada hasabat berip,  bu awtoralli ýurduň ähli welaýatlarynyň çäkleriniň... Читать дальше...

Türkmenistanyň prezidenti Gurbanguly Berdimuhamedow 20-nji iýunda Duşenbede “Durnukly ösüş üçin suw” atly halkara maslahata gatnaşanda Täjigistanyň prezidenti Emomaly Rahmon bilen duşuşdy.  Taraplar ulag pudagyndaky hyzmatdaşlygy aktiwleşdirmäge, Aziýa demirýol koridory proýektini durmuşa geçirmäge itergi bermäge gyzyklanma bildirdiler.  Şeýle-de, iki ýurduň prezidentleri energetika, söwda we senagat pudagynda hyzmatdaşlyk etmegi maslahatlaşdylar diýip, TDH habar berýär.  Gurbanguly Berdimuhamedow... Читать дальше...

Türkmenistanyň Aşgabat şäherindäki we Mary welaýatyndaky mugallymlar prezident Gurbanguly Berdimuhamedowyň 29-njy iýunda belleniljek doglan güni mynasybetli geçiriljek çärelere gatnaşmaga mejbur edilýär.

Türkmenistanda “Arkadag” diýlip tanalýan prezident Gurbanguly Berdimuhamedow ile goşulmagy halamaýan oguşýa. Belki-de, oňa “Garasöýmez” diýmelidir!

Daşogzuň häkimiýetleri boş galan mellek ýerlerine şaly eken daýhanlaryň ekin meýdanlaryna reýd geçirip, olara pul jerimesini salýarlar. Bu barada Azatlyk Radiosynyň ýurduň demirgazyk welaýatyndaky çeşmesi habar berýär.

Türkmenistanda kabel telewideniýesiniň köpçülikleýin kesilmegi tomaşaçylaryň Dünýä çempionatyna tomaşa etmegini kynlaşdyrdy. Türkmenistanyň paýtagtynyň we welaýat merkezleriniň ýaşaýjylary merkezleşdirilen kabel telewideniýesiniň birden kesilmegine bir hepde mundan öň köpçülikleýin duçar boldular.     “Türkmentelekom” döwlet edarasynyň eýeçiligindäki kabel telewideniýesi 200 çemesi telekanaly görmäge mümkinçilik berýär. Türkmenistanyň milli telekanallary hem kabel telewideniýesi arkaly görkezilýär. Читать дальше...

Dünýä futbol çemponatynda öz janköýerleriniň arasynda aýallary, geýleri we beýleki azlyklary kemsidýänleriň we masgaralaýanlaryň sanynyň barha artmagy bilen baglylykda Meksikonyň we Serbiýanyň futbol komandalaryna ilkinjileriň hatarynda jerime salyndy. Dünýä futbolunyň dolandyryjy edarasy bolan FIFA 20-nji iýunda, janköýerleriniň öz komandalarynyň Kosta Rika bilen oýun mahalynda Ikinji Jahan urşy döwrüniň “masgaralaýjy we syýasy” şygaryny galdyrandygy üçin Serbiýanyň klubyna $10,400 jerime saldy. Читать дальше...

Kreml ABŞ-nyň milli howpsuzlyk geňeşçisi John Boltonyň Moskwa sapar etmegi planlaşdyrýandygyny habar berýär. "Biziň bilşimize görä, şeýle sapar hakykatdanam ediler. Bu biziň häzir aýdyp biljek bar zadymyz” diýip, prezident Wladimir Putiniň sözçüsi Dmitriý Peskow 21-nji iýunda Moskwa Boltonyň saparyna garaşýarmy diýip berlen soraga jogap berende žurnalistlere aýtdy.  Orsýetiň “Interfax” habar gullugy biraz öň Waşingtondaky çeşmelere salgylanyp, Boltonyň indiki hepde Moskwa sapar etmegine garaşylýandygyny... Читать дальше...

Ýokary derejedäki korrupsiýa ýol açjakdygyny aýdyp, müňlerçe rumyniýaly 20-nji iýunda täze kabul edilen kanuna garşy proteste çykdy. Olaryň käbiri polisiýa bilen gysga wagt ýakalaşsa, birnäçesi tussag edildi.  Paýtagt Buharestde toplanan protestçiler rumyn, amerikan we ÝB baýdaklaryny galgadyp, ýurduň dolandyryjy Sosial Demokratik partiýasyny “gyzyl mergi” we “orgular” diýip atlandyrýan şygarlary göterdiler.  Oppozisiýadaky kanun çykaryjylar gykylykçy protestçileriň käbirine parlament binasyna girmek mümkinçiligini berdiler. Читать дальше...

Orsýetde bir topar adamyň şertnama esasynda öldürilmeginde güman edilýän jenaýat başlygy, uzaga çeken kanun göreşinden soň, Awstriýadan Moskwa ekstradisiýa edildi diýip, Orsýetiň Içeri işler ministrligi aýdýar. Ministrligiň sözçüsi Irina Wolk 20-nji iýunda 47 ýaşyndaky Aslan Gagiýewiň (Dzhako diýip hem tanalýar) polisiýanyň we türme ofiserleriniň ugratmagynda Moskwa uçurylandygyny aýtdy. Awstriýanyň iň ýokary sudy Gagiýewiň ekstradisiýa edilmegine garşy ýazan şikaýat arzasyny ret etdi. Gagiýew daşary ýurda 2013-nji ýylda... Читать дальше...

Gürjüstanyň parlamenti maliýe ministriniň wezipesini ýerine ýetirýän Mamuka Bakhtadzäni ýurduň täze premýer-ministrligine tassyk etdi. Kanun çykaryjylar 20-nji iýunda Bakhtadzäniň haýryna, şeýle-de onuň üç hepde içinde täzelemegi nieýt edinýän wagtlaýyn hökümetine 99-6 hasabynda ses berdiler.  Hökümetiň täzeden gurulmagy Gürjüstandaky liberal reformalary ilerletmek planynyň bir bölegi bolup durýar.  36 ýaşyndaky ozalky biznes ýolbaşçysy ses berişlikden öň kanun çykaryjylara Gürjüstanyň Ýewropa... Читать дальше...

Eýranyň ýokary lideri aýatolla Ali Hameneýi Birleşen Ştatlaryň Meksikadan ABŞ-a bikanun girmäge synanýan immigrant ene-atalary çagalaryndan aýyrmak syýasatyny berk tankyt etdi. ABŞ-nyň prezidenti Donald Tramp 20-nji iýunda, diňe Hamaneýiniň däl, onlarça dünýä lideriniň we adam hukuklaryny goraýjy toparyň, şol sanda ABŞ-nyň birnäçe ozalky prezidentiniň we birinji hanymlaryň tankydy arasynda, bu syýasaty duruzdy.  "Müňlerçe çagany öz ejelerinden aýyrmak çynlakaý mesele. Akyly ýerindäki adam telewideniýede... Читать дальше...