Новости за 13.06.2018

Orsýet NATO-nyň Ýewropada özüniň urşa taýýarlygyny güýçlendirmek baradaky täze planlarynyň kontinentde howpsuzlygy gowşatjakdygyny aýdyp, Moskwanyň muny öz harby planlarynda nazara aljakdygyny duýdurdy.

Türkmenistanyň çäginde ýerleşýän metjitlerde, hususan-da Daşoguzyň uly metjidinde ogurlyk hadysalary ýygjamlaşýar. Metjide barýan adamlaryň köwüşleri, el telefonlary, welosipedleri şeýle-de metjitleriň emläkleri, şol sanda gazanlar, ojaklar, dondur tahýalar ogurlanýar. Bu barada Azatlygyň howpsuzlykdan ätiýaç edýän anonim çeşmesi habar berýär.

Täjigistanyň ýokary okuw jaýlarynda okaýan türkmenistanly studentleriň ençemesi türkmen banklarynda açylan öz plastik kartlaryndaky puly indi üç hepde gowrak wagt bäri ne nagtlaşdyryp, ne-de ondan nagt däl hasaplaşyklar üçin peýdalanyp bilýändigini aýdýarlar.

12-nji iýunda Türkiýäniň Eskişehir şäherinde bäş ýurduň prezidentleriniň gatnaşmagynda Trans-Anadoly (TANAP) gazgeçirijisiniň açylyşy boldy diýip, Türkiýäniň döwlet eýeçiligindäki “Anadoly” habar agentligi habar berdi. 2-nji iýunda Rejep Taýýip Erdogan bilen Gurbanguly Berdimuhamedowyň arasynda türk tarapynyň başlangyjy bilen geçirlen telefon söhbetdeşliginde Erdogan türkmen kärdeşini dabara çagyrypdy, ýöne Berdimuhamedow açylyşa gatnaşmady.

Orsýetiň prezidenti Wladimir Putin 2018-nji ýylyň Dünýä çempionatynyň açylyş dabarasynyň bir gün öňüsyrasynda futbol boýunça dünýä guramasy FIFA ýüzlenip, onuň sporty syýasatdan aýra saklamagy üçin minnetdardygyny aýtdy. Putiniň bu ýüzlenmesi FIFA-nyň 200 milli futbol federasiýalarynyň wekilleriniň gatnaşmagynda 13-nji iýunda geçirilen 68-nji kongressinde edildi. “Men FIFA-nyň ‘sporty syýasatdan daşlaşdyrmak’ ýörelgesini berjaý etmegini aýratyn belläsim gelýär” diýip, Putin aýtdy we “Orsýet mydama muny goldaýar” diýip belledi. Читать дальше...

Norwegiýanyň ABŞ-nyň ýurtda ýerleşdiren harby deňizçileriniň sanyny iki esse artdyrmagy barada ýüzlenmeginiň Orsýetde gahar döretmegi ähtimal. Oslonyň 12-nji iýunda yglan eden bu beýanaty Orsýet bilen serhetleşýän ýurtlaryň Moskwanyň 2014-nji ýylda Ukrainadan Krym ýarymadasyny bölüp almagyna bildirýän aladalanmalarynyň güýçlenýän wagtyna gabat geldi. NATO-nyň gündogar serhedindäki dokuz ýurdy öz regionlarynda bileleşigiň harby taýdan has düýpli ornaşmagyna çagyryş etdiler we Orsýetiň agressiýasyndan aladalanma bildirdiler. Читать дальше...

ABŞ-nyň we Günorta Koreýanyň bilelikdäki harby türgenleşikleriniň Demirgazyk Koreýany ýaragsyzlandyrmak boýunça gepleşikleri batlandyrmak maksady bilen ýatyrylmagy ähtimal. Bu barada Günorta Koreýanyň prezidentlik edarasyna salgylanyp, Yonhap agentligi 13-nji iýunda habar berdi. ABŞ-nyň prezidenti Donald Tramp "Demirgazyk Koreýadan mundan beýläk ýadro howpy abanmaýar" diýip, 13-nji iýunda Tweeterde ýazdy.  Tramp Demirgazyk Koreýanyň lideri bilen 12-nji ýunda Singapurda geçiren duşuşygynyň yzýany... Читать дальше...

Günbatar liderleriniň Makedoniýanyň ady boýunça Gresiýa bilen dawasyna degişli meselede makullaýjy çykyş edýän wagtynda ýurtlaryň ikisiniň-de liderleri ylalaşygy milli parlamentlerden geçirmekde kynçylyga duçar bolýarlar. Ylalaşygyň tankytçylary ýurtlaryň ikisinde-de ýöriş geçirip, 12-nji iýunda ylalaşygyň tassyklanmagyna garşy çykyşlaryny dowam etdirmegi wada berdiler. “Şu günki gün Makedoniýa Respublikasy üçin agyr gündir” diýip, Makedoniýanyň oppozision partiýasynyň (VMRO-DPMNE) prezidenti... Читать дальше...