Merkel bilen Putin Ukraina, Siriýa, Eýran we geçiriji taslamasy barada pikir alyşdy
Kremliň sözçüsi Dmitriý Peskowyň 19-njy awgust güni irden žurnalistlere aýdan bu sözleri iki lider Berliniň demirgazygyndaky Meseberg köşgünde duşuşandan soň berlen ilkinji düşündiriş bolup durýar.
Resmiler bu duşuşykdan soň metbugat ýygnagynyň bolmajakdygyny aýtdylar, bada-bat başga resmi beýanat hem edilmedi.
Peskow öz düşündirişinde Merkel bilen Putiniň Ukrainadaky ýagdaý barada “umumy pikir alyşmasynyň” bolandygyny, şeýle-de liderleriň Minsk şertnamasy diýilýäniň durmuşa geçirilmeginiň doňup galmagyna gynanç bildirendiklerini aýtdy.