Новости за 08.08.2018

Türkmenistan Garaşsyz Döwletleriň Arkalaşygy (GDA) guramasynyň 2019-njy ýyldaky başlyklygyna taýýarlanýar diýip, “Trend” habar gullugy ýurduň 7-nji awgustda ýaýradan beýanatyna salgylanyp habar berýär. Ýöne bu beýanat barada Türkmenistanyň resmi onlaýn metbugatynda agzalmaýar.

Türkmenistanyň prezidenti Gurbanguly Berdimuhamedow iki hepdeden gowrak wagt bäri ýerli mediada hem-de metbugat serişdelerinde çala çalaran gara saçly keşbde çykyş edip başlady. Ondan ozal ýurduň döwlet eýeçiligindäki köpçülikleýin media serişdelerinde Berdimuhamedowy görkezýän suratlar hem-de wideo şekiller ony doýgun gara saçly görkezýärdi. Berdimuhamedowyň täze keşbi barada Fransiýanyň “Agence France-Presse” (AFP) döwlet habar gullugy halkara jemgyýetçilige 2-nji awgustda habar berdi.

Aşgabadyň köp gatly jaýlarynyň girelgelerindäki tas ähli gatlarda oturdylan split sistemaly kondisionerlerden çykýan howurdan ýaňa öýlere pyýada çykyp-düşüp bolmaýandygyny ýaşaýjylar aýdýarlar.

ABŞ-nyň prezidenti Donald Tramp Eýranda işleýän islendik kompaniýany Birleşen Ştatlaryň ägirt uly bazar meýdançasynda zat satmakdan kesmegi wada bereninden birnäçe sagat soň, german awtoläheňi “Daimler” Eýrandaky biznes işlerini togtatdy.

Türkmenistanda gök-miwe önümleriniň gymmatlamagynyň dowam edýän we türkmen häkimiýetleriniň ýurtda “azyk bolçulygynyň gazanylandygyny” ynandyrmaga synanyşýan mahaly, Daşoguz welaýatynda polisiýa işgärleriniň ýerli ýaşaýjylara bakjalarynda ýetişdiren önümlerini satdyrman, olary bazarlardan we onuň daş-töwereginden kowmak çäresi dowam edýär.

Türkmenistanyň welaýatlarynda bankomatlarda puluň köplenç ýetmezçilik etmegi ýerli ýaşaýjylary öz bank kartlaryndaky puluny paýtagtdaky bankomatlardan çekmek üçin ýol gözlemäge iterýär. Azatlyk Radiosynyň Aşgabatdaky söhbetdeşleriniň we habarçylarynyň sözlerine görä, soňky döwürde bu ýagdaý has köp göze ilýär. Aşgabatly synçy Amanmyrat Bugaýewiň Azatlyk Radiosyna gürrüň bermegine görä, şu günki gün welaýat ýaşaýjylarynyň ulanýan ýörgünli usullaryň biri olaryň öz bank kartlaryny paýtagtdaky tanyşlaryna ibermekden... Читать дальше...

Türkmenistanda uzak ýyllar bisarpa ulanylan we gowaça meýdanlaryna hasapsyz kowlan suw barha ýakasyny tanadýana meňzeýär, ýerli häkimiýetler bu meseläni onlarça kilometre uzaýan ekerançylyk ýaplarynyň boýunda ýörite suw garawullaryny goýmak bilen çözmäge çalyşýarlar.

Aşgabadyň ilatynyň sany 1 milliondan hem aşdy diýip, türkmen resmileri maglumat berýärler. Bu barada paýtagtyň häkimi Şamuhammet Durdylyýew 6-njy awgustda geçirilen wideoşekilli iş maslahatynda prezident Gurbanguly Berdimuhamedowa beren hasabatynda mälim etdi. Şeýle-de häkim prezidentiň garamagyna Aşgabadyň territorial çäklerini giňeltmek baradaky teklibi hödürledi. Berdimuhamedow bu teklibi tassyklady. Paýtagtyň adminstratiw-territorial çäklerini giňeltmek baradaky teklip Mejlisiň garamagyna geçirildi diýip, TDH habar berýär. Читать дальше...

Germaniýanyň auto läheňi Daimler, prezident Donald Trampyň Eýranda iş alyp barýan islendik kompaniýanyň ABŞ-nyň bazarynda paý almajakdygyny yglan edenden soň, Eýrandaky işlerini togtatýandygyny mälim etdi. Bu Daimler kompaniýasynyň Eýrandaky işleriniň gerimini giňeltmek planlarynyň amala aşmajakdygyny aňladýar. Ol ýerli kärhanalar bilen Mercedes-Benz ýük ulaglaryny ýygnamagy göz öňünde tutupdy. Tramp 2015-nji ýylda baglaşylan Eýranyň Ýadro ylalaşygyndan çykýandygyny yglan edenden soň, Ýewropa... Читать дальше...

Türkmenistanda howanyň gyzgynlygy 45 gradusdan aşak düşmeýän şu günlerde Aşgabadyň Dagdan stadionynda Garaşsyzlyk baýramçylygyna görülýän taýýarlyk çäreleri başlandy.

Makedoniýanyň polisiýasy Siriýada we Yrakda yslamçy jeňçileriň tarapynda söweşmekde güman edilýän ýedi adamyň tussag edilendigini aýtdy. Içeri işler ministrligi sişenbe güni giçlik geçirilen operasiýada tussag edilenleriň ählisiniň Makedoniýanyň raýatlarydygyny, şeýle-de olaryň 24-31 ýaş aralygyndadygyny mälim etdi. Olara “daşary ýurt armiýalarynyň hatarynda söweşmekde” aýyplama bildiriler. Tussag edilenleriň günäsi subut edilen halatynda, olara 10 ýyla çenli türme tussaglygynyň berilmegi mümkin. Читать дальше...

Adam hukuklaryny goraýjy toparlar täjik hökümetine ýüzlenip, garaşsyz aktiwistiň maşgala agzalaryna garşy girizilen “syýasy taýdan matlaplaşdyrylan syýahat gadagançylygynyň” aradan aýrylmagyna, şeýle-de dissidentleriň maşgala agzalaryna edilýän basyşlaryň bes edilmegine çagyrdylar. Hukuk goraýjy toparlaryň 10-sy, şol sanda “Human Rights Watch” hem geçen hepde Şabnam Hudoidodowanyň 10 ýaşly gyzynyň, garry ejesiniň we agasynyň Täjigistanyň aeroportyndan yzyna gaýtarylandygyny aýtdylar. Olar aktiwist Hudoidodowa bilen birleşmek üçin... Читать дальше...

Gyrgyzystanda köpçülikleýin protestlere garamazdan, Bişkegiň şäher geňeşligi paýtagtyň täze häkimini saýlady. Çarşenbe güni geçirilen ses berlişikde, 44 agzalyk geňeşiň 43 wekili – häkimiýet başyndaky Sosial Demokratik partiýasy tarapyndan hödürlenen ýeke-täk dalaşgär – Aziz Surakmatowyň kandidaturasyny tassykladylar. Bişkekde aktiwistler başga dalaşgärleriň hödürlenmändigine garşy eýýäm birnäçe hepde bäri protest geçirýärler. Mundanam başga, aktiwistler 46 ýaşly Surakmatowyň gyrgyz dilini gowy bilmeýändigini öňe sürüp... Читать дальше...

Eýranyň paýtagty Tährandaky bir sport kompleksinde gazyň patlamagy netijesinde üç işçi heläk boldy. Ýerli metbugatyň beren maglumatyna görä, partlama sişenbe güni giçlik, abatlaýyş işleri geçirilýän pursady gazyň syzyp çykmagy netijesinde döräpdir. Iýulda Tähranda zäherli gazyň syzmagy netijesinde bäş adam, ýangyn sebäpli hem iki adam ölüpdi.

Russiýanyň oppozision syýasatçysy Alekseý Nawalnyý hökümetiň pensiýa ýaşyny artdyrmak planlaryna garşy öňümizdäki aýda demonstrasiýalary geçirmäge çagyrdy. Nawalnyý YouTube saýtynda ýerleşdiren wideosynda 9-njy awgustda, ýerli saýlawlaryň geçirilýän güni, köpçülikleýin ýörişleri geçirmäge çagyrdy. Rus hökümeti erkekleriň pensiýa çykmak ýaşyny 2028-nji ýyla çenli 65 ýaşa, aýallaryňkyny hem 2034-nji ýyla çenli 63 ýaşa çenli çykarmagy maksat edinýär. Bu planlar geçen aý yglan edilenden soň, ýurtda gahar-gazap döredi. Читать дальше...