Новости за 27.08.2018

Birleşen Milletler Guramasynyň Ýokary kazyýeti Eýranyň Birleşen Ştatlar tarapyndan gaýtadan girizilen sanksiýalara garşy beren şikaýaty esasynda 27-nji awgustda sud işlerine başlady.

Türkmenistanda ýokary we ýörite orta okuw jaýlaryna giriş synaglarynyň tamamlanmagy bilen, geçen hepde ýurduň ähli uniwersitetlerinde, institutlarynda we hünär mekdeplerinde diýen ýaly okuwa kabul edilen ýaşlaryň sanawy yglan edildi.

25-nji awgustda Germaniýa Federatiw respublikasynyň kansleri Angela Merkeliň Azerbaýjana eden saparynyň dowamynda ýurduň prezidenti Ylham Aliýew bilen geçiren gepleşikleriniň yzýany geçirilen metbugat ýygnagynda Aliýew Hazarüsti gaz geçirijisi barada çykyş etdi. Halkara metbugat serişdeleri, şol sanda Orsýetiň “Tass” maglumat gullugy hem-de Azerbaýjanyň resmi türkmen metbugaty bilen ylalaşykly iş alyp barýan “Trend” habar gullugy Aliýewiň sözlerini alyp göterdi.

Stambulda ýene bir türkmenistanly zenanyň söýgülisi tarapyndan öldürilendigi aýdylýar

Demirgazyk Kipriň aeroportunda Türkmenistanyň raýatlarynyň deportasiýa edilmegine degişli ýagdaýlar köpeldi. Ýerli häkimiýetler munuň regiona barýan türkmenistanlylar babatynda migrasion düzgünleriň pugtalanmagy bilen baglydygyny aýdýarlar.  Azatlyk Radiosyna mälim bolşuna görä, 26-njy awgustda Türkmenistanyň birnäçe raýaty Demirgazyk Kiprden Stambula deportasiýa edilipdir. Stambula ugradylan şol türkmenistanlylaryň biri 25-nji awgustda Demirgazyk Kipriň aeroportunda özi bilen ýene üç watandaşynyň... Читать дальше...

Türkmenistanda dowam edýän ykdysady kynçylyklar we gytçylyklar Tiz kömek ulaglarynda işleýän işgärleriň dermansyz hyzmat etmegine getirdi diýip, Azatlyk Radiosynyň Lebap welaýatyndaky çeşmesi aýdýar.

Daşoguz welaýatynyň kanun goraýjy edaralarynyň düzümlerinde işleýän etniki milleti türkmen bolmadyk işgärleriň we ýokary wezipeli adamlaryň milleti pasportda türkmen diýlip mejbury üýtgetdirilýär. Bu barada Azatlygyň regiondaky habarçysy güýç edaralaryndaky çeşmelerine salgylanyp habar berýär.

ABŞ-nyň Russiýa garşy, martda Britaniýada ozalky rus içalysynyň we onuň gyzynyň zäherlenmegi bilen baglylykda, girizen sanksiýalary duşenbe güni güýje girýär. Bu gadagançylyklar şu aýyň başynda, haçanda ABŞ Sergeý we Ýuliýa Skripallary rus hökümetiniň “zäherländigini” ýüze çykarandygyny aýdanyndan soň, yglan edilipdi. Skripallar 4-nji martda Angliýanyň Salisbury şäherinde huşsuz ýagdaýda tapylypdylar. Olaryň ýagdaýynyň agyr bolandygyna garamazdan, olaryň bejergisi üstünlikli geçdi. Britaniýa... Читать дальше...

Moldowanyň paýtagty Kişenewda müňlerçe adam häkimiýet başyndaky Demokratik partiýa we onuň ýolbaşçysy Wladimir Plahotniuça garşy ýörişleri geçirdi. Protestçiler Moldowanyň we Ýewropa Bileleşiginiň baýdaklaryny galgadyp, “Mafiýa hökümeti çöksün”, “Plahotniuçy gözenegiň aňyrsyna ýollaň”  diýen şygarlary hem gygyrdylar. Demonstrasiýalar Ýewropa gymmatlyklarynyň tarapynda çykyş edýän Hereket we Raýdaşlyk partiýasy, Mertebe we Dogruçyllyk Platformasy we Moldowanyň Liberal Demokratik partiýasy tarapyndan gurnaldy. Читать дальше...

Eýranyň parlamenti ýurduň ykdysadyýet we maliýe ministrini wezipesinden boşatdy. Bu ýurtdaky maliýe kynçylyklary sebäpli prezident Hassan Rohaniniň hökümetine garşy barha artýan nägilelikleriň fonunda bolup geçdi. Parlamentiň 137 agzasy Masoud Karbasianyň “ýurduň ykdysady ýagdaýyny gowulandyryp bilmändigini” aýdyp, onuň işden aýrylmagyna ses berdi. Mundan öň, ýurtdaky inflýasiýanyň we ykdysadyýetiň ýagdaýyndan nägile raýatlar Tähranyň we beýleki şäherleriň köçelerine çykypdylar. Rohani iýulyň ahyrynda Merkezi Bankyň başlygyny hem täzeläpdi.

Eýranyň goranmak ministri Siriýa iki günlük sapar edip, iki ýurduň arasyndaky gatnaşyklary has-da ösdürmegi maksat edinýär diýip, Eýranyň habar serişdeleri maglumat berýärler. Amir Hatami Damaska gelen badyna: “Biz Siriýanyň rekonstruksiýasynda möhüm rol oýnajakdygymyza umyt edýärin” diýip, belledi. Eýran we Russiýa Siriýada ýedi ýyl bäri dowam edýän konfliktde prezident Başar al-Assady goldaýarlar. 2011-nji ýylyň martynda hökümetiň protestçileri basyp ýatyrmagy netijesinde dörän konfliktde ýüzlerçe müň adam öldürildi... Читать дальше...

Täjigistanyň Owganystan bilen serhedinde dörän ok atyşlykda iki adam öldi, biri hem ýaralandy. Farkhor etrabynyň howpsuzlyk resmisiniň Azatlyk Radiosyna beren maglumatyna görä, bag çapmak üçin ýola çykan raýatlaryň ulagyna serhetden ot açylypdyr. Täjigistanyň Serhet gullugy Azatlyk Radiosyna bu hadysa barada maglumatynyň ýokdugyny aýtdy. Ýerli ýaşaýjylar sebite howpsuzlyk işgärleriniň, şeýle-de dikuçarlaryň gelendigini habar berdiler. Owganystanyň Takhor welaýatynyň polisiýasy bu waka barada habardar edilendigini... Читать дальше...

Owganystandaky “Yslam döwleti” ekstremistik toparynyň ýolbaşçysy öldürildi. Owgan resmileri Abu Saad Erhabiniň we başga-da on jeňçiniň Nangarhar welaýatynda amala aşyrylan operasiýanyň dowamynda öldürilendigini mälim etdiler. Hökümet we daşary ýurt güýçleriniň bilelikdäki operasiýasynda köp sanly agyr we ýeňil ýaraglar hem ýok edilipdir. Bu maglumatlary häzirlikçe tassyklap bolmady. Jeňçileriň öz habar gullugy bu barada hiç aýtmady. NATO-nyň ýolbaşçylygyndaky hemaýat missiýasy hem reaksiýa bildirmedi. Читать дальше...