Daşoguzda ‘adam başyna 3 kg un satylýar’; Boldumsazda çörek aljaklardan ‘pasport soralýar’
Demirgazyk Türkmenistanda ilat un ýetmezçiliginden ejir çekýär. Bu barada Azatlygyň welaýatdaky çeşmesi habar berýär.
“Un Daşoguzda pula-da tapdyrmaýar. Häzir raýatlar bir aý öňünden nobata ýazylyp, adam başyna 3 kilogramdan berilýän una garaşýar emma gelýän un ýok. Welaýatymyzyň halky agyr ýagdaýa düşdi” diýip, çeşme habar berdi.